|
ПАГАДНЕННЕ
ПАМIЖ УРАДАМ РЭСПУБЛIКI БЕЛАРУСЬ I КАБIНЕТАМ МIНIСТРАЎ
УКРАIНЫ АБ УЗАЕМНЫМ ПРЫЗНАННI I ЭКВIВАЛЕНТНАСЦI ДАКУМЕНТАЎ
АБ АДУКАЦЫI I ВУЧОНЫХ ЗВАННЯХ*
_____________________________
*Уступiла ў сiлу 6 лютага 1998 г.
Урад Рэспублiкi Беларусь i Кабiнет Мiнiстраў Украiны, якiя
далей называюцца Бакамi,
кiруючыся Пагадненнем аб супрацоўнiцтве ў галiне падрыхтоўкi
навуковых i навукова-педагагiчных кадраў i настрыфiкацыi дакументаў
аб iх квалiфiкацыi ў рамках СНД (Масква, 13 сакавiка 1992 г.),
Пагадненнем аб супрацоўнiцтве ў галiне адукацыi памiж
краiнамi-удзельнiкамi СНД (Ташкент, 15 мая 1992 г.),
жадаючы садзейнiчаць далейшаму развiццю i паглыбленню
двухбаковага супрацоўнiцтва ў галiне адукацыi, навукi i культуры,
з мэтай устанаўлення норм узаемнага прызнання дакументаў аб
адукацыi i вучоных званнях,
пагадзiлiся аб нiжэйпададзеным:
Артыкул 1
Дадзенае Пагадненне распаўсюджваецца на дакументы дзяржаўнага
ўзору аб адукацыi i вучоных званнях, якiя выдаюцца ў Рэспублiцы
Беларусь i ва Украiне.
Артыкул 2
Дакументы дзяржаўнага ўзору аб агульнай адукацыi i
прафесiянальна-тэхнiчнай адукацыi, выдадзеныя ў Рэспублiцы Беларусь
i ва Украiне, узаемна прызнаюцца i эквiвалентныя пры працягу
адукацыi на наступным узроўнi ў адпаведнасцi з дзеючым
заканадаўствам кожнага Боку.
Артыкул 3
Дыпломы i атэстаты аб заканчэннi прафесiянальна-тэхнiчных
навучальных устаноў у Рэспублiцы Беларусь i дыпломы i атэстаты аб
заканчэннi прафесiянальных навучальных устаноў ва Украiне ўзаемна
прызнаюцца i эквiвалентныя, калi перыяды навучання i змест адукацыi
ў iх па спецыяльнасцi i прафесii супастаўляльныя, пры паступленнi на
работу ў адпаведнасцi з прысвоенай спецыяльнасцю, прафесiяй,
квалiфiкацыяй.
Артыкул 4
Дыпломы аб заканчэннi спецыяльных навучальных устаноў,
выдадзеныя ў Рэспублiцы Беларусь, i дыпломы малодшых спецыялiстаў,
выдадзеныя вышэйшымi навучальнымi ўстановамi ва Украiне, узаемна
прызнаюцца i эквiвалентныя, калi працягласць навучання i змест
адукацыi ў iх па спецыяльнасцi супастаўляльныя, пры паступленнi на
работу ў адпаведнасцi з прысвоенай квалiфiкацыяй, а таксама з мэтай
працягу адукацыi.
Артыкул 5
Дыпломы вышэйшых навучальных устаноў аб прысваеннi квалiфiкацыi
спецыялiста, выдадзеныя ў Рэспублiцы Беларусь i ва Украiне,
прызнаюцца эквiвалентнымi.
Артыкул 6
Атэстат аб прысваеннi вучонага звання дацэнта, выдадзены ў
Рэспублiцы Беларусь, i атэстат аб прысваеннi вучонага звання
дацэнта, выдадзены ва Украiне, узаемна прызнаюцца i эквiвалентныя.
Артыкул 7
Атэстат аб прысваеннi вучонага звання прафесара, выдадзены ў
Рэспублiцы Беларусь, i атэстат аб прысваеннi вучонага звання
прафесара, выдадзены ва Украiне, узаемна прызнаюцца i эквiвалентныя.
Артыкул 8
Для рэалiзацыi дадзенага Пагаднення Бакi прадастаўляюць адзiн
аднаму ўзоры дзяржаўных дакументаў аб адукацыi i вучоных званнях, а
таксама нацыянальныя нарматыўныя акты, якiя рэгулююць правiлы i
працэдуры iх афармлення i выдачы.
Артыкул 9
Бакi будуць кансультавацца па пытаннях ажыццяўлення дадзенага
Пагаднення i iнфармаваць аб зменах у iх сiстэмах адукацыi, у назвах
i крытэрыях выдачы дакументаў аб адукацыi i вучоных званнях, а
таксама накiроўваць адзiн аднаму ў неабходных выпадках адпаведныя
афiцыйныя тлумачэннi.
Артыкул 10
Дадзенае Пагадненне ўступае ў сiлу з дня яго падпiсання.
У гэтае Пагадненне могуць быць унесены змяненнi i дапаўненнi па
ўзаемнай згодзе Бакоў.
Кожны з Бакоў можа спынiць дзеянне гэтага Пагаднення шляхам
накiравання другому Боку пiсьмовага паведамлення. Дзеянне Пагаднення
спыняецца па сканчэннi 6 месяцаў з даты атрымання такога
паведамлення другiм Бокам.
У выпадку спынення дзеяння гэтага Пагаднення яго палажэннi
будуць працягваць прымяняцца да названых у папярэднiх артыкулах
дакументаў, выдадзеных да спынення дзеяння Пагаднення, i да
навучэнцаў, якiя прыбылi ў Рэспублiку Беларусь цi ва Украiну да
спынення дзеяння Пагаднення. Атрыманыя iмi дакументы аб адукацыi
будуць прызнавацца эквiвалентнымi ў адпаведнасцi з палажэннямi
гэтага Пагаднення.
Здзейснена ў г.Мiнску 6 лютага 1998 года ў двух экземплярах,
кожны на беларускай i ўкраiнскай мовах, прычым абодва тэксты маюць
аднолькавую сiлу.
За Урад Рэспублiкi Беларусь ______________ подпiс
За Кабiнет Мiнiстраў Украiны ______________ подпiс
|
