|
МЕМАРАНДУМ
АБ УЗАЕМАРАЗУМЕННI I СУПРАЦОЎНIЦТВЕ Ў ГАЛIНЕ КУЛЬТУРЫ,
НАВУКI, АДУКАЦЫI, СПОРТУ I ТУРЫЗМУ ПАМIЖ УРАДАМ
РЭСПУБЛIКI БЕЛАРУСЬ I УРАДАМ IСЛАМСКАЙ РЭСПУБЛIКI IРАН*
_____________________________
*Уступiў у сiлу 14 лiпеня 1995 г.
Урад Рэспублiкi Беларусь i Урад Iсламскай Рэспублiкi Iран, якiя
далей называюцца "Бакi",
улiчваючы жаданне развiваць i ўзмацняць культурныя сувязi памiж
дзвюма краiнамi,
будучы ўпэўненымi ў тым, што пашырэнне гэтых сувязей спрыяе
ўзаемнаму азнаямленню народаў дзвюх краiн з культурай i традыцыямi
адзiн аднаго,
будуць супрацоўнiчаць у галiне культуры, навукi i адукацыi па
наступных накiрунках:
А. У ГАЛIНЕ КУЛЬТУРЫ I МАСТАЦТВА
Артыкул 1
Бакi будуць абменьвацца дэлегацыямi з мэтай азнаямлення з
дзейнасцю ў галiне культуры i мастацтва, а таксама творчымi
калектывамi для выступлення ў абедзвюх краiнах.
Артыкул 2
Бакi будуць прымаць удзел у правядзеннi выставак у галiне
культуры i мастацтва, у тым лiку выставак кнiг, вырабаў народнай
творчасцi ў рамках нацыянальных i мiжнародных фестываляў, якiя
будуць праходзiць у абедзвюх краiнах.
Артыкул 3
Бакi будуць заахвочваць абмен iнфармацыяй, вопытам, лiтаратурай
i публiкацыямi, фотаздымкамi, слайдамi, фiльмамi i мiкрафiльмамi ў
галiне культуры, мастацтва, гiсторыi, лiтаратуры i культурнай
спадчыны памiж бiблiятэкамi i нацыянальнымi архiвамi дзвюх краiн.
Артыкул 4
Бакi будуць арганiзоўваць i запрашаць прадстаўнiкоў абедзвюх
краiн для ўдзелу ў нацыянальных i мiжнародных фестывалях
кiнафiльмаў, тыднях фiльмаў Беларусi ў Iране i Iрана ў Беларусi.
Артыкул 5
Бакi будуць заахвочваць абмен iнфармацыяй, вопытам, лiтаратурай
i публiкацыямi ў галiне кiнематаграфii i выкарыстоўваць магчымасцi
адзiн аднаго ў вытворчасцi кiнафiльмаў.
Артыкул 6
Бакi будуць развiваць супрацоўнiцтва памiж дзвюма краiнамi ў
галiне турызму i спрыяць наведванню выдатных мясцiн абедзвюх краiн.
Б. У ГАЛIНЕ НАВУКI I АДУКАЦЫI
Артыкул 7
У рамках заканадаўства дзвюх краiн Бакi будуць спрыяць развiццю
супрацоўнiцтва ў галiне навукi i адукацыi, а таксама непасрэднаму
супрацоўнiцтву унiверсiтэтаў, навукова-даследчых арганiзацый i
Акадэмiй навук дзвюх краiн.
Артыкул 8
У працэсе абмену лiтаратурай, навуковымi публiкацыямi,
навучальнымi матэрыяламi вышэйшых навучальных устаноў Бакi будуць
запрашаць прадстаўнiкоў абедзвюх краiн для ўдзелу ў семiнарах,
канферэнцыях, сiмпозiумах i навуковых сустрэчах.
Артыкул 9
Бакi будуць спрыяць абмену выкладчыкамi i навуковымi
работнiкамi ў рамках навуковых i даследчых праграм, будуць
супрацоўнiчаць у галiне беларусазнаўства, iраназнаўства i вывучэння
культурнай спадчыны абодвух Бакоў.
Артыкул 10
Бакi будуць абменьвацца дэлегацыямi экспертаў з мэтай
азнаямлення з сiстэмай вышэйшай адукацыi i ацэнкi эквiвалентнасцi
дыпломаў вышэйшых навучальных устаноў абедзвюх краiн.
Артыкул 11
Бакi будуць развiваць i пашыраць праграмы вывучэння моў адзiн
аднаго ў вышэйшых навучальных установах дзвюх краiн. Бакi
разгледзяць магчымасць арганiзацыi адпаведных груп i абмену
выкладчыкамi ў гэтай галiне.
Артыкул 12
Бакi будуць спрыяць абмену iнфармацыяй, вопытам па навучаннi
тэхнiчным дысцыплiнам, па сярэднай спецыяльнай адукацыi, вопытам
навучання дарослых, навучальнымi матэрыяламi, вопытам падрыхтоўкi
выкладчыкаў, методыкамi ацэнкi ведаў.
Артыкул 13
Бакi будуць прымаць адпаведныя меры па абмену групамi экспертаў
ў розных галiнах адукацыi, у тым лiку ў галiне выдання i
распаўсюджвання навучальных матэрыялаў.
В. У ГАЛIНЕ СРОДКАЎ МАСАВАЙ IНФАРМАЦЫI
Артыкул 14
Радыё i тэлебачанне Рэспублiкi Беларусь i радыё i тэлебачанне
Iсламскай Рэспублiкi Iран будуць супрацоўнiчаць у галiне тэлебачання
i радыёвяшчання. Дэталi i ўмовы гэтага супрацоўнiцтва будуць
вызначацца Бакамi на наступных сустрэчах прадстаўнiкоў радыё i
тэлебачання абедзвюх краiн.
Артыкул 15
Бакi будуць спрыяць развiццю супрацоўнiцтва памiж сродкамi
масавай iнфармацыi дзвюх краiн i стварэнню сiстэмы рэгулярнага
непасрэднага абмену бягучай iнфармацыяй.
Артыкул 16
Бакi разгледзяць магчымасць заключэння пагаднення аб
доўгатэрмiновым супрацоўнiцтве памiж iнфармацыйнымi агенцтвамi
Рэспублiкi Беларусь i Iсламскай Рэспублiкi Iран.
Артыкул 17
Бакi адшукаюць магчымасцi для накiравання журналiстаў у краiны
адзiн аднаго i ажыццяўлення iмi iнфармацыйнай дзейнасцi.
Артыкул 18
Бакi будуць перакладаць i выдаваць лiтаратурныя творы,
матэрыялы аб культуры абедзвюх краiн, тым самым спрыяючы азнаямленню
народаў дзвюх краiн з культурай, лiтаратурай i традыцыямi адзiн
аднаго. Бакi будуць спрыяць экспарту i iмпарту кнiг i iншых
друкаваных выданняў.
Артыкул 19
Бакi будуць спрыяць абмену iнфармацыяй, вопытам i спецыялiстамi
ў галiне вывучэння i даследавання сродкаў масавай iнфармацыi,
супрацоўнiцтву памiж архiвамi.
Г. У IНШЫХ ГАЛIНАХ
Артыкул 20
Бакi будуць заахвочваць супрацоўнiцтва памiж спартыўнымi
арганiзацыямi дзвюх краiн.
Артыкул 21
Бакi разгледзяць магчымасць заключэння пагаднення аб
супрацоўнiцтве ў галiне культуры, навукi, адукацыi, спорту i
турызму.
Здзейснена ў горадзе Мiнску 14 лiпеня 1995 г. (1374 г. па
iранскаму календару) у двух экзэмплярах, кожны на беларускай i
персiдскай мовах, прычым усе тэксты маюць аднолькавую сiлу.
За Урад Рэспублiкi Беларусь ______________ подпiс
За Урад Iсламскай Рэспублiкi Iран ______________ подпiс
|
