ПРАВО - Законодательство Республики Беларусь
 
Реклама в Интернет
"Все Кулички"
Поиск документов

Реклама
Рассылка сайта
Content.Mail.Ru
Реклама


 

 

Правовые новости


Новые документы


Авто новости


Юмор




Соглашение Правительства Республики Беларусь от 14 мая 1993 г. "Пагадненне памiж Урадам Рэспублiкi Беларусь i Урадам Рэспублiкi Iндыя аб узаемных бязвiзавых паездках па службовых справах"

Текст документа с изменениями на 1 июня 2007 года

<<< Главная страница   < Назад

 ПАГАДНЕННЕ
 ПАМIЖ УРАДАМ РЭСПУБЛIКI БЕЛАРУСЬ I УРАДАМ РЭСПУБЛIКI IНДЫЯ
 АБ УЗАЕМНЫХ БЯЗВIЗАВЫХ ПАЕЗДКАХ ПА СЛУЖБОВЫХ СПРАВАХ *)

 _____________________________
     *) Уступiла ў сiлу 14 мая 1993 г.

     Урад Рэспублiкi  Беларусь i Урад  Рэспублiкi Iндыя, якiя  далей
называюцца "Дагаворныя Бакi",
     жадаючы   далей  развiваць   дружалюбныя  адносiны   на  аснове
прынцыпаў раўнапраўнасцi i ўзаемнай выгады,
     пагадзiлiся аб нiжэйпададзеным:

                             Артыкул 1

     1.  Грамадзяне  Рэспублiкi   Беларусь,  якiя  маюць  сапраўдныя
дыпламатычныя i службовыя пашпарты Рэспублiкi Беларусь, i грамадзяне
Рэспублiкi  Iндыя, якiя  маюць сапраўдныя  дыпламатычныя i службовыя
пашпарты Рэспублiкi Iндыя, а таксама непаўналетнiя дзецi, унесеныя ў
гэтыя  пашпарты, уязджаюць,  выязджаюць i  праязджаюць транзiтам  па
тэрыторыi другога Дагаворнага Боку без вiз.

     2. Фатакарткi вышэйпамянёных дзяцей ва ўзросце ад 7 да 16 гадоў
павiнны ўклейвацца ў пашпарты iх бацькоў, калi гэта прадугледжваецца
правiламi любога з Дагаворных Бакоў.

                             Артыкул 2

     Грамадзяне  аднаго Дагаворнага  Боку, на  якiх распаўсюджваецца
дзеянне артыкула 1 гэтага  Пагаднення, павiнны ўязджаць, выязджаць i
праязджаць  транзiтам  праз  пагранiчныя  пункты другога Дагаворнага
Боку,  адкрытыя  для  мiжнародных  пасажырскiх  зносiн,  i абавязаны
выконваць  неабходныя  фармальнасцi  ў  адпаведнасцi  з  парадкам  i
правiламi,  ўстаноўленымi  i   ўведзенымi  ў  дзеянне  кампетэнтнымi
органамi другога Дагаворнага Боку.

                             Артыкул 3

     Грамадзяне  аднаго  Дагаворнага   Боку  падчас  знаходжання  на
тэрыторыi  другога  Дагаворнага  Боку  павiнны  выконваць  законы  i
правiлы гэтага  Дагаворнага Боку, а таксама  прайсцi фармальнасцi па
рэгiстрацыi   згодна   з    адпаведнымi   правiламi,   устаноўленымi
кампетэнтнымi органамi другога Дагаворнага Боку.

                             Артыкул 4

     Гэта  Пагадненне не  абмяжоўвае правы  абодвух Дагаворных Бакоў
адмаўляць  ва  ўездзе  або  спынiць  знаходжанне  на сваёй тэрыторыi
"персона нон грата" i  непрыймальным асобам другога Дагаворнага Боку
без тлумачэння прычын.

                             Артыкул 5

     Дагаворныя  Бакi могуць  часова прыпынiць  цалкам або  часткова
дзеянне палажэнняў  гэтага Пагаднення з  прычын грамадскага парадку,
дзяржаўнай бяспекi  або грамадскага здароўя.  Аднак да прыняцця  або
адмены вышэйпамянённых мер кожны  з Дагаворных Бакоў павiнен загадзя
iнфармаваць аб гэтых мерах праз дыпламатычныя каналы другi Дагаворны
Бок.

                             Артыкул 6

     1.  Дагаворныя Бакi  павiнны  своечасова  да ўступлення  ў сiлу
гэтага Пагаднення  праз дыпламатычныя каналы  правесцi абмен узорамi
пашпартоў, прадугледжаных ў артыкуле 1 гэтага Пагаднення.

     2.  У   выпадку,  калi  адзiн   з  Дагаворных  Бакоў   аднаўляе
вышэйпамянёныя ўзоры  пашпартоў, ён павiнен за  30 дзён да ўвядзення
iх у  дзеянне праз дыпламатычныя каналы  паведамiць аб гэтым другому
Дагаворнаму Боку i прадставiць узоры новых пашпартоў.

                             Артыкул 7

     Да  ўвядзення  дыпламатычных  i  службовых пашпартоў Рэспублiкi
Беларусь   грамадзяне  Рэспублiкi   Беларусь  могуць  выкарыстоўваць
дыпламатычныя i службовыя пашпарты былога Саюза ССР замест пашпартоў
Рэспублiкi Беларусь, указаных у артыкуле  1 гэтага Пагаднення, але з
абавязковай адзнакай аб грамадзянстве Рэспублiкi Беларусь.

                             Артыкул 8

     У гэта Пагадненне могуць быць  унесены змяненнi i дапаўненнi па
ўзаемнай  згодзе абодвух  Дагаворных  Бакоў,  якiя ўступаюць  у сiлу
шляхам абмена нотамi.

                             Артыкул 9

     Гэта  Пагадненне  ўступае  ў  сiлу  з  даты  яго  падпiсання  i
дзейнiчае, пакуль  адзiн з Дагаворных  Бакоў пiсьмова не  паведамiць
другому Дагаворнаму Боку за 90  дзён аб сваiм намеры спынiць дзеянне
Пагаднення.

     Аформлена ў Нью-Делi 14 мая 1993 года ў двух экземплярах, кожны
на беларускай,  хiндзi i англiйскай  мовах, прычым усе  тэксты маюць
аднолькавую сiлу.


 За Урад Рэспублiкi Беларусь                 ______________ подпiс
 За Урад Рэспублiкi Iндыя                    ______________ подпiс



Содержание

<<<<                                                                                             >>>>


Новости партнеров
pravo.kulichki.ru ::: pravo.kulichki.com ::: pravo.kulichki.net
2004-2015 Республика Беларусь
Rambler's Top100
Разное


Разное
Спецпроект "Тюрьма"

 

Право России