|
ДАГАВОР
ПАМIЖ РЭСПУБЛIКАЙ БЕЛАРУСЬ I ФЕДЭРАТЫЎНАЙ РЭСПУБЛIКАЙ
ГЕРМАНIЯ АБ РАЗВIЦЦI ШЫРОКАМАШТАБНАГА СУПРАЦОЎНIЦТВА
Ў ГАЛIНЕ ЭКАНОМIКI, ПРАМЫСЛОВАСЦI, НАВУКI I ТЭХНIКI *)
_____________________________
*) Уступiў у сiлу 8 лiстапада 1993 г.
Рэспублiка Беларусь i Федэратыўная Рэспублiка Германiя,
кiруючыся прынцыпамi i палажэннямi Заключнага акта Нарады па
бяспецы i супрацоўнiцтву ў Еўропе ад 1 жнiўня 1975 года, Парыжскай
хартыi для новай Еўропы ад 21 лiстапада 1990 года, а таксама
наступнымi дакументамi НБСЕ,
з цвёрдым намерам, пасля ўтварэння адзiнай Германii
3 кастрычнiка 1990 года i аб'яўлення дзяржаўнай незалежнасцi
Рэспублiкi Беларусь 27 лiпеня 1990 года шырока развiваць
узаемаадносiны на абавязковай мiжнародна-прававой аснове,
будучы ўпэўнены у тым, што шырокамаштабнае супрацоўнiцтва ў
галiне эканомiкi, прамысловасцi, навукi i тэхнiкi памiж Рэспублiкай
Беларусь i Федэратыўнай Рэспублiкай Германiя павышае дабрабыт
насельнiцтва абедзвюх дзяржаў i ўносiць iстотны ўклад у справу
наладжвання адносiн на падставе даверу памiж абедзвюма краiнамi,
прымаючы пад увагу рашучасць Рэспублiкi Беларусь ажыццявiць
пераход да дэмакратыi i рыначнай эканомiкi,
прасякнутыя жаданнем садзейнiчаць эканамiчнаму супрацоўнiцтву ў
Еўропе,
дамовiлiся аб нiжэйпададзеным:
Артыкул 1
Дагаворныя Бакi, кiруючыся прынцыпамi роўнасцi, недыскрымiнацыi
i ўзаемнай выгады, будуць рабiць адпаведныя захады па няўхiльнай
iнтэнсiфiкацыi i дыверсiфiкацыi двухбаковых адносiн у галiне
эканомiкi, прамысловасцi, навукi i тэхнiкi.
Калi ў наступным размова пойдзе аб адпаведных дзеючых прававых
прадпiсаннях, то пад гэтым трэба разумець адпаведныя прававыя
прадпiсаннi кожнага з Дагаворных Бакоў.
Артыкул 2
Дагаворныя Бакi будуць садзейнiчаць гандлю i супрацоўнiцтву
памiж прадпрыемствамi i арганiзацыямi абедзвюх дзяржаў шляхам
прыняцця належных мер на аснове адпаведнага нацыянальнага
заканадаўства i ў адпаведнасцi з нацыянальнымi i мiжнароднымi
абавязацельствамi.
Улiчваючы ў гэтай сувязi значэнне пытанняў фiнансавання i
прадастаўлення сярэднетэрмiновых i доўгатэрмiновых крэдытаў, яны ва
ўказаных мэтах будуць прадастаўляць гарантыi для экспартных крэдытаў
на магчыма спрыяльных умовах, прытрымлiваючыся адпаведных
нацыянальных i мiжнародных прававых прадпiсанняў i правiлаў. Пры
гэтым Дагаворныя Бакi ўлiчваюць узаемасувязь памiж экспартнымi
гарантыямi i эканамiчным i фiнансавым патэнцыялам адпаведнага iншага
Дагаворнага Боку. У гэтай сувязi, на думку Дагаворных Бакоў,
асаблiвае значэнне надаецца здавальняючаму ўрэгуляванню пытанняў
запазычанасцi былога Саюза Савецкiх Сацыялiстычных Рэспублiк.
Дагаворныя Бакi пацвярджаюць сваю гатоўнасць да супрацоўнiцтва
ў рамках мiжнародных фiнансавых устаноў, уключаючы Еўрапейскi банк
рэканструкцыi i развiцця.
Дагаворныя Бакi будуць утвараць прававыя i матэрыяльныя
перадумовы для забеспячэння бесперашкодных кантактаў памiж
прадпрыемствамi i арганiзацыямi абедзвюх дзяржаў.
Важную ролю пры ажыццяўленнi гэтай мэты будзе адыгрываць Бюро
прадстаўнiка германскай эканомiкi. Рэспублiка Беларусь заяўляе аб
сваёй гатоўнасцi садзейнiчаць дзейнасцi гэтага Бюро. Калi Рэспублiка
Беларусь вырашыць адкрыць супараўнальнае бюро ў Федэратыўнай
Рэспублiцы Германiя, Федэратыўная Рэспублiка Германiя заяўляе аб
сваёй гатоўнасцi аказаць ёй адпаведную дапамогу.
Артыкул 3
Дагаворныя Бакi ўсведамляюць значэнне дакладнай i актуальнай
эканамiчнай i дзелавой iнфармацыi. Таму яны будуць узаемадзейнiчаць,
каб забяспечыць прадастаўленне прадпрыемствам i iншым
арганiзацыям-удзельнiкам двухбаковага эканамiчнага супрацоўнiцтва
неабходнай iнфармацыi ў адпаведнасцi з заканадаўствам кожнага з
Дагаворных Бакоў для пашырэння эканамiчных адносiн памiж абедзвюма
дзяржавамi. На падставе значэння, якое маюць пэўныя i
супастаўляльныя статыстычныя даныя для паглыблення эканамiчных
адносiн памiж абедзвюма дзяржавамi, Дагаворныя Бакi выступаюць за
цеснае супрацоўнiцтва памiж Дзяржаўным камiтэтам па статыстыцы i
аналiзе Рэспублiкi Беларусь i Федэральным статыстычным ведамствам
Федэратыўнай Рэспублiкi Германiя.
Артыкул 4
Дагаворныя Бакi заяўляюць аб сваёй гатоўнасцi здымаць або
паступова лiквiдаваць перашкоды дзелавым адносiнам памiж
прадпрыемствамi i арганiзацыямi абедзвюх дзяржаў. Для прадухiлення
ўзнiкнення такiх перашкод з-за рознiцы ў стандартах яны выказалiся
за тое, каб кампетэнтныя органы цесна супрацоўнiчалi ў гэтай галiне.
Дэталi гэтага супрацоўнiцтва будуць урэгуляваны ў асобных
дамоўленасцях.
Артыкул 5
Беларускi Бок заяўляе аб тым, што ён прызнае для сябе дзеянне
палажэнняў Пагаднення памiж былым Саюзам Савецкiх Сацыялiстычных
Рэспублiк i Еўрапейскiм эканамiчным супольнiцтвам i Еўрапейскiм
супольнiцтвам па атамнай энергii аб гандлi i камерцыйным i
эканамiчным супрацоўнiцтве, якiя датычацца доступу да рынку, i
прымяняе гэтыя палажэннi ў адносiнах да нямецкiх прадпрыемстваў.
Беларускi Бок таксама заяўляе аб тым, што ён у блiжэйшым будучым
пачне перамовы з Еўрапейскiм Супольнiцтвам па заключэнню Пагаднення
аб партнёрстве i супрацоўнiцтве i мае намер прывесцi iх да
паспяховага завяршэння. Гэтым Пагадненнем будуць урэгуляваны таксама
адносiны ў галiне гандлёвай палiтыкi памiж Рэспублiкай Беларусь i
Еўрапейскiм Супольнiцтвам.
Артыкул 6
Дагаворныя Бакi заяўляюць аб сваёй гатоўнасцi садзейнiчаць у
адпаведнасцi з заканадаўствам, якое дзейнiчае ў кожнай з дзяржаў,
утварэнню фiлiялаў фiрм i арганiзацый. Пры гэтым яны кiруюцца
прынцыпам вольнага выбару месца знаходжання фiлiялаў. Фiрмам i
арганiзацыям абедзвюх дзяржаў у рамках дзеючых мiжнародных
абавязацельстваў павiнен быць прадастаўлены не менш спрыяльны рэжым,
чым у адносiнах да фiрм i арганiзацый трэцiх краiн. Гэтае палажэнне
ў роўнай ступенi дзейнiчае ў адносiнах прыёму на працу i працоўнай
дзейнасцi спецыялiстаў i кiраўнiкоў у рамках дзеючага заканадаўства
адпаведнай дзяржавы.
Дагаворныя Бакi ў рамках нацыянальнага заканадаўства i ў
адпаведнасцi з мiжнароднай гандлёвай практыкай дазваляюць фiлiялам
фiрм i арганiзацый з месцам знаходжання на тэрыторыi адпаведнага
iншага Дагаворнага Боку iмпарт абсталявання i матэрыялаў, неабходных
для штодзённай работы фiлiяла.
Дагаворныя Бакi будуць забяспечваць максiмальна магчымае
садзейнiчанне грамадзянам адпаведнай iншай дзяржавы, якiя часова
знаходзяцца адпаведна ў iншай дзяржаве з камерцыйнымi мэтамi, што
з'яўляюцца кiруючымi супрацоўнiкамi або спецыялiстамi з асаблiвымi
ведамi аб iх фiрме, або спецыялiстамi з вышэйшай адукацыяй, або
высокаквалiфiкаванымi спецыялiстамi з супастаўляльнай адукацыяй, а
таксама iх блiжэйшым сваякам, у пытаннях свабоды руху па адпаведнай
тэрыторыi, а таксама ў пытаннях выдачы дазволаў на прабыванне i
працу i выкананне iншых фармальнасцей, неабходных для ажыццяўлення
дзелавой або звязанай з ёй дзейнасцi, у адпаведнасцi з
заканадаўствам, якое дзейнiчае ў кожнай з дзяржаў, i мiжнароднымi
дамоўленасцямi.
Дагаворныя Бакi будуць супрацоўнiчаць у роўнай ступенi на
падставе палажэнняў дзеючага заканадаўства i мiждзяржаўных
дамоўленасцей па пытаннях забеспячэння па магчымасцi спрыяльных умоў
прабывання i дзейнасцi iх грамадзян, якiя прыязджаюць на тэрыторыю
адпаведнага iншага Дагаворнага Боку з мэтай заробку.
Артыкул 7
Вольны выбар форм эканамiчнага супрацоўнiцтва, уключаючы
сумесную вытворчасць, спецыялiзацыю, субпадрады, лiцэнзiйныя
пагадненнi, сумесныя i самастойныя прадпрыемствы i iншыя формы
капiталаўкладанняў, якiя ажуццяўляюцца ў адпаведнасцi з
заканадаўствам, што дзейнiчае ў кожнай з дзяржаў, не падлягае
нiякiм абмежаванням на тэрыторыi адпаведнага iншага Дагаворнага
Боку.
Артыкул 8
Дагаворныя Бакi ў рамках сваiх магчымасцей будуць прымаць
адпаведныя меры для садзейнiчання гандлю з мэтай дыверсiфiкацыi i
якаснага ўдасканалення ўзаемнага тавараабароту. Сюды адносяцца
садзейнiчанне ўдзелу ў кiрмашах i выставах, правядзенне семiнараў, а
таксама iншыя кантакты, якiя спрыяюць узаемнаму гандлю.
Артыкул 9
Дагаворныя Бакi дасягнулi адзiнай думкi ў тым, каб надаваць
асаблiвую ўвагу супрацоўнiцтву ў вытворчасцi, захаваннi,
перапрацоўцы i размеркаваннi сельскагаспадарчай прадукцыi. З гэтай
мэтай яны, ў рамках сваiх магчымасцей, будуць падтрымлiваць i
заахвочваць адпаведную дзейнасць прадпрыемстваў i арганiзацый
абедзвюх дзяржаў, у прыватнасцi, у галiне вырабу машын i
абсталявання для вытворчасцi, транспарцiроўкi i перапрацоўкi
сельскагаспадарчай прадукцыi.
Артыкул 10
Дагаворныя Бакi дасягнулi адзiнай думкi адносна падтрымкi i
заахвочвання супрацоўнiцтва прадпрыемстваў i арганiзацый абедзвюх
дзяржаў у наступных галiнах:
- машынабудаванне,
- аўтамабiлебудаванне,
- электратэхнiка i электронiка,
- хiмiчная i фармацэўтычная прамысловасць,
- гарадское планаванне, жыллёвае будаўнiцтва i будаўнiчая
iндустрыя.
Названы пералiк не з'яўляецца вычарпальным. Супрацоўнiцтва
будзе ажыццяўляцца ва ўсiх галiнах эканомiкi, якiя выклiкаюць
узаемную цiкавасць, з удзелам, перш за ўсё, сярэднiх i малых
прадпрыемстваў.
Артыкул 11
Дагаворныя бакi дамовiлiся аб супрацоўнiцтве па праектах
гаспадарчай iнфраструктуры, у прыватнасцi, у галiне ўтварэння i
пашырэння транспарту i сучаснай сеткi сувязi.
Артыкул 12
Дагаворныя Бакi дасягнулi адзiнай думкi ў тым, каб надаваць
асаблiвую ўвагу ўзаемадзеянню ў пытаннях канверсii прамысловых
прадпрыемстваў для выпуску грамадзянскай прадукцыi. Таму яны
дамовiлiся аб цесным супрацоўнiцтве ў гэтай галiне i ў рамках сваiх
магчымасцей будуць падтрымлiваць адпаведныя праекты.
Артыкул 13
Дагаворныя Бакi iнтэнсiфiцыруюць супрацоўнiцтва ў галiне
рацыянальнага, экалагiчна бяспечнага выкарыстання сыравiнных
матэрыялаў i энерганосьбiтаў у рамках арганiзацый, якiя дзейнiчаюць
у гэтай сферы. Яны заяўляюць аб сваёй гатоўнасцi распаўсюдзiць
прамысловае i навукова-тэхнiчнае супрацоўнiцтва на такiя галiны, як
экалагiчны манiторынг, папярэджванне тэхналагiчнай небяспекi i
аварый, апрацоўка i канчатковае пахаванне таксiчных i небяспечных
адходаў, прадухiленне i змяншэнне забруджвання паветраных i водных
басейнаў.
Артыкул 14
Дагаворныя Бакi ў рамках сваiх магчымасцей будуць садзейнiчаць
навукова-тэхнiчнаму супрацоўнiцтву. З гэтай мэтай яны падтрымлiваюць
кантакты i супрацоўнiцтва памiж навукоўцамi, спецыялiстамi,
навуковымi арганiзацыямi i прадпрыемствамi абедзвюх дзяржаў для
вырашэння навукова-тэхнiчных праблем i ажыццяўлення сумесных
даследчых праектаў.
Дэталёвыя пытаннi гэтага супрацоўнiцтва будуць непасрэдна
ўзгоднены памiж арганiзацыямi Дагаворных Бакоў, якiя ў iм
удзельнiчаюць.
Артыкул 15
Дагаворныя Бакi прызнаюць рашаючае значэнне эфектыўнай аховы
правоў iнтэлектуальнай уласнасцi для эканамiчнага, прамысловага i
навукова-тэхнiчнага супрацоўнiцтва. Яны заяўляюць аб сваёй
гатоўнасцi да супрацоўнiцтва ў гэтай галiне, у якую, у прыватнасцi,
уваходзяць аўтарскiя правы, патэнты, карысныя мадэлi, прамысловыя
ўзоры i мадэлi, таварныя знакi, гандлёвыя найменнi, прамысловыя i
камерцыйныя сакрэты, тэхналогiя, "ноў-хаў" i "гудвiл", пры дапамозе
абмену iнфармацыяй аб прававых прадпiсаннях i працэдурах, якiя
дзейнiчаюць на iх тэрыторыi для аховы iнтэлектуальнай уласнасцi.
Артыкул 16
Дагаворныя Бакi пацвярджаюць сваю думку, што садзейнiчанне
ажыццяўленню i ўзаемная ахова iнвестыцый на адпаведнай тэрыторыi
з'яўляюцца важнай перадумовай паспяховага эканамiчнага
супрацоўнiцтва i прыцягнення iнвестыцый з тэрыторыi iншага
Дагаворнага Боку. Дэталi рэгулююцца Дагаворам аб садзейнiчаннi
ажыццяўленню i ўзаемнай ахове iнвестыцый памiж Дагаворнымi Бакамi.
Артыкул 17
У мэтах iнтэнсiфiкацыi эканамiчных адносiн памiж Дагаворнымi
Бакамi i садзейнiчання трансмежавым капiталаўкладанням
прадпрыемстваў будуць праводзiцца кансультацыi экспертаў па
падрыхтоўцы Пагаднення аб пазбяганнi падвоенага падаткаабкладання ў
галiне падаткаў на прыбытак i маёмасць.
Артыкул 18
Федэратыўная Рэспублiка Германiя заяўляе аб сваёй гатоўнасцi
падтрымлiваць стварэнне рыначнай эканомiкi ў Рэспублiцы Беларусь.
У дапаўненне да мер па аказанню садзейнiчання, якое праводзяць
мiжнародныя арганiзацыi, яна прапануе кансультацыйную i тэхнiчную
дапамогу. Яна, у прыватнасцi, гатова прадаставiць Рэспублiцы
Беларусь той вопыт, якi быў назапашаны пры пераходзе ад планавага
гаспадарання да рыначнай эканомiкi ў новых Федэральных землях
Федэратыўнай Рэспублiкi Германiя.
Дагаворныя Бакi дамовiлiся аб цесным супрацоўнiцтве ва
ўтварэннi рыначных структур у Рэспублiцы Беларусь на падставе
адпаведнай кансультацыйнай падтрымкi, у прыватнасцi, па стварэннi
асноўных умоў для рыначнай гаспадаркi. Федэратыўная Рэспублiка
Германiя гатова таксама аказаць кансультацыйную падтрымку пры
вырашэннi задач у галiне сацыяльнага забеспячэння.
Дагаворныя Бакi дасягнулi адзiнай думкi ў тым, што
кансультацыйная падтрымка ў галiне эканомiкi павiнна быць
засяроджана пераважна на наступных асноўных напрамках:
- прыватызацыя i дэманапалiзацыя прадпрыемстваў;
- стварэнне структур сярэдняга i малога прадпрымальнiцтва;
- стварэнне сiстэмы па аказанню фiнансавых паслуг;
- сельскагаспадарчы сектар;
- супрацоўнiцтва ў галiне бяспекi ядзерных рэактараў.
Умовы кансультацыйнай дзейнасцi германскiх экспертаў у
Рэспублiцы Беларусь будуць урэгуляваны асобным мiжурадавым
пагадненнем.
Артыкул 19
Дагаворныя Бакi пагадзiлiся з тым, што прафесiйная падрыхтоўка
i павышэнне квалiфiкацыi спецыялiстаў i кiруючых кадраў эканомiкi
маюць вялiкае значэнне пры правядзеннi працэса рыначных рэформ. Яны
ў гэтай сувязi звяртаюць увагу на Пратакол памiж Урадам Рэспублiкi
Беларусь i Урадам Федэратыўнай Рэспублiкi Германiя аб супрацоўнiцтве
ў галiне прафесiйнай падрыхтоўкi i павышэння квалiфiкацыi
спецыялiстаў i кiруючых кадраў эканомiкi i эканамiчнай адмiнiстрацыi
ад 11 верасня 1992 года. Федэратыўная Рэспублiка Германiя заяўляе аб
сваёй гатоўнасцi распаўсюдзiць iснуючыя праграмы садзейнiчання на
Рэспублiку Беларусь i, па магчымасцi, пашырыць iх. Дагаворныя Бакi
будуць стымуляваць свае прадпрыемствы i арганiзацыi iнтэнсiфiкаваць
сваё супрацоўнiцтва ў галiне прафесiйнай падрыхтоўкi.
Артыкул 20
Дагаворныя Бакi адзiныя ў тым, што самакiруючыся эканамiчныя
саюзы, асацыяцыi, iншыя недзяржаўныя структуры кiравання эканомiкай
з'яўляюцца трывалай састаўной часткай рыначнага ўладкавання.
Федэратыўная Рэспублiка Германiя заяўляе аб сваёй гатоўнасцi ў
рамках сваiх магчымасцей падтрымлiваць i заахвочваць намаганнi
Рэспублiкi Беларусь, накiраваныя на ўтварэнне вышэйназваных
структур, у прыватнасцi, сiстэмы гандлёва-прамысловых, а таксама
рамесных палат.
Артыкул 21
Дагаворныя Бакi прытрымлiваюцца адзiнай думкi ў тым, што
беларуска-германскi Савет эканамiчнага супрацоўнiцтва з'яўляецца
арганiзацыйнай базай для гаспадарчай кааперацыi абедзвюх дзяржаў.
Задача Савета эканамiчнага супрацоўнiцтва заключаецца ў тым, каб
даць iмпульс эканамiчным адносiнам абедзвюх дзяржаў i дзелавым
кантактам памiж iх прадпрыемствамi i вызначыць прыярытэты ў галiне
супрацоўнiцтва Дагаворных Бакоў з мэтай садзейнiчання працэсу
рыначных рэформ у Рэспублiцы Беларусь.
Савет эканамiчнага супрацоўнiцтва будзе праводзiць свае
пасяджэннi па чарзе на тэрыторыi кожнага з Дагаворных Бакоў.
Пасяджэннi будуць праводзiцца пад сумесным старшынствам кiруючых
прадстаўнiкоў Урада Рэспублiкi Беларусь i Федэральнага мiнiстэрства
эканомiкi Федэратыўнай Рэспублiкi Германiя.
Парадак дня асобных пасяджэнняў Савета эканамiчнага
супрацоўнiтва будзе вызначацца памiж Дагаворнымi Бакамi ў папярэднiм
парадку ў кожным асобным выпадку. Пры гэтым Дагаворныя Бакi будуць
кiравацца патрабаваннямi тэматычнай гнуткасцi i эфектыўнай праграмы
пасяджэнняў. У сумесных пасяджэннях будуць удзельнiчаць кiраўнiкi
прадпрыемстваў i iншыя адказныя прадстаўнiкi эканомiкi абедзвюх
дзяржаў.
Акрамя таго, iснуе рабочая група па кансультацыйнай дзейнасцi ў
галiне рыначнай эканомiкi, пасяджэннi якой, у асноўным, праводзяцца
пад кiраўнiцтвам прадстаўнiкоў Урадаў Дагаворных Бакоў.
Дагаворныя Бакi адзiныя ў тым, што пасяджэннi Савета
эканамiчнага супрацоўнiцтва павiнны выкарыстоўвацца таксама для
абмену поглядамi па пытаннях эканамiчнай палiтыкi.
Артыкул 22
Рэспублiка Беларусь выказвае сваё жаданне аб больш хуткай
iнтэграцыi ў сiстэму размеркавання працы ў сусветнай эканомiцы, а
таксама ў мiжнародны гандаль. Федэратыўная Рэспублiка Германiя
згадзiлася падтрымаць адпаведныя намаганнi Рэспублiкi Беларусь.
Дагаворныя Бакi будуць iмкнуцца да цеснага супрацоўнiцтва ва
ўсiх галiнах дадзенага Дагавора ў мiжнародных арганiзацыях i
ўстановах, членамi якiх яны з'яўляюцца або збiраюцца стаць.
Артыкул 23
Дадзены Дагавор уступае ў сiлу ў дзень, калi Урады Дагаворных
Бакоў паведамяць адзiн аднаму шляхам абмену нотамi аб тым, што
неабходныя ўнутрыдзяржаўныя працэдуры для яго ўступлення ў сiлу
выкананы. Дзень паступлення апошняй ноты будзе разглядацца як дата
ўступлення ў сiлу.
Артыкул 24
Дадзены Дагавор заключаецца тэрмiнам на дзесяць год. Потым ён
аўтаматычна прадаўжаецца на кожныя пяць гадоў, калi нi адзiн з
Дагаворных Бакоў у пiсьмовай форме не заявiць аб яго дэнансацыi не
пазней, чым за шэсць месяцаў да сканчэння тэрмiну яго дзеяння.
Артыкул 25
Са дня ўступлення ў сiлу дадзенага Дагавора губляе сiлу ў
адносiнах памiж Рэспублiкай Беларусь i Федэратыўнай Рэспублiкай
Германiя Дагавор памiж Саюзам Савецкiх Сацыялiстычных Рэспублiк i
Федэратыўнай Рэспублiкай Германiя аб развiццi шырокамаштабнага
супрацоўнiцтва ў галiне эканомiкi, прамысловасцi, навукi i тэхнiкi
ад 9 лiстапада 1990 года.
Учынена ў Боне 2 красавiка 1993 г. у двух аўтэнтычных
экземплярах, кожны на беларускай i нямецкай мовах, прычым абодва
тэксты маюць аднолькавую сiлу.
За Рэспублiку Беларусь ______________ подпiс
За Федэратыуную Рэспублiку Германiя ______________ подпiс
|
