|
ПАГАДНЕННЕ
АБ БЯЗВIЗАВЫМ УЕЗДЗЕ ГРАМАДЗЯН РЭСПУБЛIКI БЕЛАРУСЬ
НА УКРАIНУ I ГРАМАДЗЯН УКРАIНЫ Ў РЭСПУБЛIКУ БЕЛАРУСЬ *)
===
_____________________________
*) Уступiла ў сiлу 16 студзеня 1993 г.
Урад Рэспублiкi Беларусь i Урад Украiны, надалей Бакi,
з мэтай развiцця прыязных адносiн памiж дзвюма дзяржавамi,
iмкнучыся ўмацаваць палiтычныя, эканамiчныя, гандлёвыя,
навукова-тэхнiчныя, культурныя i iншыя сувязi,
лiчачы неабходным забяспечыць дзейную абарону правоў i
iнтарэсаў грамадзян Рэспублiкi Беларусь i Украiны,
жадаючы ўстанавiць набходныя гарантыi асабовых i маёмасных
праваадносiн грамадзян абедзвюх дзяржаў,
дамовiлiся пра наступнае:
Артыкул 1
Грамадзяне адной дзяржавы маюць права ўязджаць, выязджаць i
перамяшчацца па тэрыторыi другой дзяржавы пры наяўнасцi сапраўдных
дакументаў, якiя засведчваюць iх асобу i пацвярджаюць грамадзянства.
Артыкул 2
Парадак уезду, выезду i перамяшчэння iншаземных грамадзян i
асоб без грамадзянства, якiя пастаянна пражываюць на тэрыторыi
Рэспублiкi Беларусь i Украiны, рэгулюецца заканадаўствам кожнай з
дзяржаў.
Артыкул 3
Грамадзяне адной дзяржавы ўязджаюць, выязджаюць альбо едуць
транзiтам праз тэрыторыю другой дзяржавы праз пагранiчныя пункты
пропуску i абавязаны прытрымлiвацца неабходных фармальнасцей згодна
з яе нацыянальным заканадаўствам.
Артыкул 4
Бакi абавязуюцца прапускаць у трэцiя краiны ў пунктах пропуску,
адкрытых для мiжнародных зносiн, грамадзян Рэспублiкi Беларусь i
Украiны, пры наяўнасцi ў iх сапраўдных i належным чынам аформленых
дакументаў на права перасячэння гранiцы i будуць прымаць меры, каб
не дапусцiць выезду ў трэцiя краiны асоб, якiм выезд закрыты
кампетэнтнымi органамi Бакоў гэтага Пагаднення.
З гэтай мэтай кампетэнтныя органы Бакоў будуць абменьвацца
неабходнай iнфармацыяй.
Артыкул 5
Кожны з Бакоў з мэтай забеспячэння бяспекi цi захавання
грамадскага парадку, а таксама ў выпадках папярэджання ўспышкi
эпiдэмiй або прыняцця каранцiнных мераў можа часова спынiць,
часткова цi цалкам, дзеянне палажэнняў гэтага Пагаднення.
Паведамленне другога Боку аб часовым спыненнi i далейшым
узнаўленнi дзеяння гэтага Пагаднення адбываецца на дыпламатычных
каналах у найкарацейшы тэрмiн.
Артыкул 6
Пакуль набудзе сiлу гэтае Пагадненне, Бакi абмяняюцца па
дыпламатычных каналах узорамi дзеючых дакументаў, якiя пацвярджаюць
грамадства i асобу грамадзян Рэспублiкi Беларусь i Украiны, а
таксама будуць рягулярна iнфармаваць адзiн аднаго пра змены ў
парадку iх выдачы i выкарыстання i пра адпаведныя заканадаўчыя акты,
якiя маюць дачыненне да сферы прымянення гэтага Пагаднення.
Артыкул 7
Са згоды Бакоў у гэтае Пагадненне могуць уносiцца дапаўненнi i
змены.
Артыкул 8
Гэтае Пагадненне набывае сiлу праз 30 дзён пасля яго
падпiсання.
Гэтае Пагадненне заключана на няпэўны тэрмiн i будзе заставацца
ў сiле, пакуль адзiн з Бакоў пiсьмова не паведамiць па дыпламатычных
каналах аб рашэннi спынiць яго дзеянне. У гэтым выпадку Пагадненне
спыняе дзеянне праз 90 дзён з даты атрымання другiм Бокам
зазначанага паведамлення.
Адбылося ў г.Кiеве 17 снежня 1992 г. у двух экземплярах, кожны
на беларускай i ўкраiнскай мовах, пры гэтым усе тэксты маюць
аднолькавую сiлу.
За Урад Рэспублiкi Беларусь ______________ подпiс
За Урад Украiны ______________ подпiс
|
