|
ПАГАДНЕННЕ
АБ СУПРАЦОЎНIЦТВЕ I ЎЗАЕМАДЗЕЯННI ПАМIЖ КАМIТЭТАМ
ДЗЯРЖАЎНАЙ БЯСПЕКI РЭСПУБЛIКI БЕЛАРУСЬ I КАМIТЭТАМ
ДЗЯРЖАЎНАЙ БЯСПЕКI РЭСПУБЛIКI КАЗАХСТАН *)
___________________________
*) Уступiла ў сiлу 29 мая 1992 г.
Камiтэт дзяржаўнай бяспекi Рэспублiкi Беларусь i Камiтэт
дзяржаўнай бяспекi Рэспублiкi Казахстан, у далейшым называемыя
Бакамi,
выказваючы волю сваiх народаў жыць у згодзе i дружбе;
паважаючы суверэнiтэт i дзяржаўную незалежнасць Рэспублiкi
Беларусь i Рэспублiкi Казахстан;
праяўляючы iмкненне да раўнапраўнага ўзаемавыгаднага
супрацоўнiцтва ў абароне жыццёва важных iнтарэсаў;
улiчваючы, што няўзгодненыя дзеяннi могуць нанесцi ўрон бяспецы
абедзвюх дзяржаў;
выказваючы свой цвёрды намер прытрымлiвацца прынцыпаў
мiжнароднай бяспекi;
зыходзячы з настойлiвай неабходнасцi дакладнай рэгламентацыi
новых адносiн памiж Камiтэтам дзяржаўнай бяспекi Рэспублiкi
Беларусь i Камiтэтам дзяржаўнай бяспекi Рэспублiкi Казахстан, -
пагаднiлiся ў наступным:
1. Бакi прымаюць на сябе абавязак своечасова iнфармаваць
адзiн аднаго аб выяўленых разведвальна-падрыўных iмкненнях замежных
спецслужб i замежных арганiзацый адносна Рэспублiкi Беларусь i
Рэспублiкi Казахстан.
2. Бакi пры наяўнасцi ўзаемных iнтарэсаў арганiзуюць i
каардынуюць сумесныя рашэннi канкрэтных разведвальных задач або
сумесную рэалiзацыю разведвальных праграм у мэтах забеспячэння
дзяржаўнай бяспекi Рэспублiкi Беларусь i Рэспублiкi Казахстан.
3. Бакi аказваюць узаемную дапамогу ў пошуках i затрыманнi
асоб, здзейснiўшых цi падазраваемых у здзяйсненнi злачынстваў,
расследванне якiх аднесена да кампетэнцыi органаў бяспекi.
4. Бакi пры неабходнасцi ажыццяўляюць:
а) аператыўна-пошукавыя мерапрыемствы на тэрыторыi Рэспублiкi
Беларусь i Рэспублiкi Казахстан толькi па ўзаемнай згодзе;
б) сумесныя меры па папярэджанню i спыненню дзяржаўных
злачынстваў, прадугледжаных заканадаўствам сваiх дзяржаў; па абароне
ўзаемных эканамiчных iнтарэсаў, барацьбе з тэрарызмам i
наркабiзнесам, кантрабандай, карупцыяй, арганiзаванай злачыннасцю
мiжнароднага i мiжрэгiянальнага характару.
5. Бакi ўзаемадзейнiчаюць i каардынуюць меры па забеспячэнню
бяспекi змешчаных на тэрыторыi сваiх дзяржаў аб'ектаў абароннай
прамысловасцi, Аб'яднаных Узброеных Сiл, а таксама спецыяльных i
вайсковых перавозак.
6. Бакi аператыўна iнфармуюць адзiн аднаго аб магчымых
экстрэмальных i надзвычайных сiтуацыях, закранаючых суверэнiтэт,
тэрытарыяльную непарушнасць, абароназдольнасць, эканамiчную i
экалагiчную бяспеку Рэспублiкi Беларусь i Рэспублiкi Казахстан.
7. Бакi выказваюць згоду бясплатна прадастаўляць адзiн аднаму
звесткi, якiя знаходзяцца ў аператыўных архiвах, аператыўных улiках,
iнфармацыйных банках, не наносячы шкоды iнтарэсам бяспекi сваiх
дзяржаў; ажыццяўляць абмен аператыўнымi дадзенымi ўдзельнiкаў
Пагаднення для задавальнення ўзаемных iнфармацыйных патрэб.
8. Бакi аказваюць узаемную дапамогу ў пошуках матэрыялаў,
неабходных для рашэння пытанняў, звязаных з рэабiлiтацыяй ахвяр
палiтычных рэпрэсiй i задавальнення iншых законных правоў i
iнтарэсаў грамадзян.
9. Бакi ўзаемадзейнiчаюць у арганiзацыi i ажыццяўленнi
спецыяльнай праверкi асоб, якiя хадайнiчаюць аб уездзе ў Рэспублiку
Беларусь i Рэспублiку Казахстан цi аб выездзе ў замежныя краiны, а
таксама хадайнiчаць аб прыёме ў грамадзянства названых вышэй дзяржаў
цi аб выхадзе з яго.
10. Бакi ажыццяўляюць узаемадзеянне па пытаннях эксплуатацыi i
развiцця сiстэм дзейнiчаючай урадавай, аператыўнай i шыфравальнай
сувязi, а таксама забеспячэння iх бяспекi.
11. Бакi бяруць на сябе абавязацельства не арганiзоўваць i не
праводзiць работу адзiн супраць другога, не перадаваць iншым краiнам
атрыманыя адзiн ад аднаго аператыўныя матэрыялы, захоўваць
патрабаваннi канспiрацыi, не дапускаць расшыфроўкi сумесных
мерапрыемстваў, аб'ектаў вывучэння i распрацоўкi, а таксама
раскрыцця iншых сакрэтаў партнёра па гэтаму Пагадненню.
12. Бакi прымаюць на сябе абавязак забяспечыць падрыхтоўку i
перападрыхтоўку, павышэнне квалiфiкацыi кадраў у навучальных
установах органаў бяспекi Рэспублiкi Беларусь i Рэспублiкi Казахстан
на аснове заявак i ўзаемаразлiкаў.
13. Бакi гарантуюць прыняцце сумесных рашэнняў па пытаннях
перамяшчэння ваеннаслужачых для далейшага праходжання службы з
Камiтэта дзяржаўнай бяспекi Рэспублiкi Беларусь у Камiтэт
дзяржаўнай бяспекi Рэспублiкi Казахстан i наадварот, а таксама
забеспячэння палiтычных, сацыяльна-бытавых i асабiстых правоў
супрацоўнiкаў i пенсiянераў органаў бяспекi, членаў iх сем'яў у
адпаведнасцi з нормамi мiжнароднага права, заканадаўствам сваiх
дзяржаў.
14. Бакi падтрымлiваюць ратацыю супрацоўнiкаў органаў ваеннай
контрразведкi для праходжання службы, у тым лiку на кантрактнай
аснове, у сiстэме Камiтэта дзяржаўнай бяспекi Рэспублiкi Беларусь i
Камiтэта дззяржаўнай бяспекi Рэспублiкi Казахстан.
15. Бакi пры неабходнасцi аказваюць адзiн аднаму дапамогу ў
пытаннях матэрыяльна-тэхнiчнага забеспячэння, прымацавання да
пастаўшчыкоў на выраб прадукцыi вытворча-тэхнiчнага выкарыстання на
прынцыпах узаемаразлiкаў, згодна заяўкам.
16. Бакi на дагаворных умовах ажыццяўляюць абследванне i
лячэнне ў сваiх лячэбна-прафiлактычных установах супрацоўнiкаў,
пенсiянераў, членаў iх сем'яў.
17. Для каардынацыi i вырашэння паўстаўшых у працэсе
супрацоўнiцтва i ўзаемадзеяння пытанняў Бакi ў выпадку неабходнасцi
могуць абменьвацца прадстаўнiкамi або ствараць сумесныя часовыя
рабочыя групы.
18. Пералiк выказаных вышэй пытанняў не з'яўляецца вычарпальным
i па ўзаемнай згодзе Бакоў у данае Пагадненне могуць уносiцца змены
i дапаўненнi, а таксама заключацца асобныя пратаколы па канкрэтных
праблемах i лiнiях работы.
19. Пагадненне ўступае ў сiлу з моманту яго падпiсання. Любы з
бакоў можа заявiць аб сваiм выхадзе з гэтага Пагаднення шляхам
пiсьмовага паведамлення аб гэтым другому Боку. Дзеянне Пагаднення ў
такiм выпадку спыняецца па заканчэннi шасцi месяцаў з дня
паведамлення.
Дадзенае Пагадненне складзена ў двух экзэмплярах на беларускай
i казахскай мовах, абодва тэксты маюць аднолькавую сiлу.
Падпiсана ў г.Мiнску 29 мая 1992 г.
Па даручэнню Старшынi Па даручэнню Прэзiдэнта
Вярхоўнага Савета Рэспублiкi Казахстан
Рэспублiкi Беларусь Старшыня Камiтэта дзяржаўнай
Старшыня Камiтэта дзяржаўнай бяспекi Рэспублiкi Казахстан
бяспекi Рэспублiкi Беларусь генерал-лейтэнант
генерал-лейтэнант Б.БАЯКЕНАЎ
Э.ШЫРКОЎСКI
|
