|
ПАГАДНЕННЕ ПАМІЖ УРАДАМ БЕЛАРУСКАЙ САВЕЦКАЙ
САЦЫЯЛІСТЫЧНАЙ РЭСПУБЛІКІ І ВЫКАНАЎЧЫМ ВЕЧАМ
СКУПШЧЫНЫ РЭСПУБЛІКІ СЛАВЕНІІ АБ ГАНДЛЁВА-
ЭКАНАМІЧНЫМ, НАВУКОВА-ТЭХНІЧНЫМ І КУЛЬТУРНЫМ
СУПРАЦОЎНІЦТВЕ
Уступіла ў сілу 3 чэрвеня 1991 года
Урад Беларускай Савецкай Сацыялістычнай Рэспублікі і
Выканаўчае Веча Скупшчыны Рэспублікі Славеніі, якія называюцца ў
далейшым Бакі,
імкнучыся да далейшага развіцця і ўмацавання дружбы паміж
народамі Беларускай ССР і Рэспублікі Славеніі,
пацвярджаючы сваю прыхільнасць падпісаным раней сумесным
дакументам,
будучы перакананымі, што ўзаемнае супрацоўніцтва садзейнічае
дасягненню ўзаемаразумення і развіццю сяброўскіх адносін,
у метах далейшага развіцця і умацавання эканамічных, навукова-
тэхнічных і культурных сувязей,
жадаючы пашыраць і паглыбляць гандлёвыя адносіны на аснове
роўнасці і ўзаемнай выгады,
вырашылі заключыць дадзенае Пагадненне аб гандлёва-
эканамічным, навукова-тэхнічным і культурным супрацоўніцтве і
дагаварыліся аб наступным:
Артыкул 1
Бакі і надалей будуць рабіць намаганні, накіраваныя на
развіццё і ўмацаванне гандлёва-эканамічнага, навукова-тэхнічнага і
культурнага супрацоўніцтва ў адпаведнасці з дзеючым у кожнай з
рэспублік заканадаўствам, зыходзячы з прынцыпаў роўнасці і ўзаемнай
выгады.
Артыкул 2
Гандлёва-эканамічнае і навукова-тэхнічнае супрацоўніцтва, якое
ажыццяўляецца ў рамках дадзенага Пагаднення, будзе ахопліваць
прамысловасць, сельскую гаспадарку, будаўніцтва, транспарт, абмен
тэхналогіямі, падрыхтоўку спецыялістаў, а таксама іншыя галіны
эканамічнай дзейнасці, у якіх будуць зацікаўлены Бакі.
Артыкул 3
Экспарт і імпарт тавараў (паслуг) будуць ажыццяўляцца ў
адпаведнасці з дзеючым у кожным з Бакоў заканадаўствам у галіне
знешняга гандлю.
Артыкул 4
Бакі лічаць неабходным даручыць Люблянскаму банку сумесна з
Беларускім нацыянальным банкам і Беларускім рэспубліканскім банкам
Знешэканамбанка СССР разгледзець пытанні, звязаныя з вызначэннем
форм разлікаў і фінансаваннем знешнеэканамічных здзелак паміж
прадпрыемствамі, арганізацыямі і фірмамі абедзвюх рэспублік.
Артыкул 5
Бакі будуць заахвочваць супрацоўніцтва паміж прадпрыемствамі і
арганізацыямі рэспублік, садзейнічаць стварэнню сумесных
прадпрыемстваў, аказанню паслуг у падрадным будаўніцтве,
устанаўленню прамых вытворчых і навукова-тэхнічных сувязей і
развіццю іншых форм супрацоўніцтва.
Артыкул 6
Бакі будуць заахвочваць удзел арганізацый сваіх рэспублік у
міжнародных выстаўках і кірмашах, праводзімых на іх тэрыторыях.
Кожны Бок будзе прадастаўляць прадпрыемствам і арганізацыям
другога Боку магчымасць праводзіць у сваёй рэспубліцы выстаўкі,
аказваючы пры гэтым неабходнае садзейнічанне.
Артыкул 7
Бакі будуць пашыраць супрацоўніцтва па падрыхтоўцы і павышэнню
кваліфікацыі кадраў у галіне эканомікі, прамысловасці, банкаўскай і
страхавой справы, сферы паслуг і ў іншых галінах народнай
гаспадаркі.
Артыкул 8
Пералічаныя ў дадзеным Пагадненні формы і напрамкі
супрацоўніцтва не з’яўляюцца вычарпальнымі. Супрацоўніцтва паміж
Бакамі, а таксама прадпрыемствамі, арганізацыямі і фірмамі абедзвюх
рэспублік будзе ажыццяўляцца ва ўсіх формах і па усіх напрамках,
якія прадстаўляюць інтарэс для ўдзельнікаў супрацоўніцтва.
Артыкул 9
Бакі будуць садзейнічаць далейшаму развіццю і паглыбленню
супрацоўніцтва ў галіне культуры, мастацтва, навукі і вышэйшай
адукацыі на аснове раўнапраўя і ўзаемнасці ў адпаведнасці з
заканадаўствам, якое дзейнічае ў абедзвюх рэспубліках.
Артыкул 10
Бакі будуць развіваць і паглыбляць супрацоўніцтва паміж
Славенскай Акадэміяй навук і мастацтваў і Акадэміяй навук БССР, а
таксама навуковымі ўстановамі і іншымі арганізацыямі, якія займаюцца
пытаннямі навукі.
Артыкул 11
Бакі будуць развіваць і паглыбляць супрацоўніцтва паміж
ведамствамі, установамі, якія займаюцца пытаннямі культуры і
мастацтва, творчымі саюзамі, а таксама іншымі арганізацыямі,
працуючымі ва ўказаных галінах.
Артыкул 12
Прадстаўнікі Бакоў па прапанове аднаго з Бакоў будуць
сустракацца па чарзе ў г. Мінску і г. Любляне для абмеркавання ходу
выканання дадзенага Пагаднення і для выпрацоўкі, у выпадку
неабходнасці, адпаведных рэкамендацый.
Артыкул 13
Бакі лічаць неабходным адкрыць Прадстаўніцтва Савета Міністраў
БССР у г. Любляне і Прадстаўніцтва Выканаўчага Веча Скупшчыны
Рэспублікі Славеніі ў г. Мінску.
Артыкул 14
Дадзенае Пагадненне ўступае ў сілу з дня яго падпісання і
будзе дзейнічаць да той пары, пакуль адзін з Бакоў не паведаміць у
пісьмовай форме другому Боку аб сваім жаданні яго дэнансаваць. У
гэтым выпадку дэнансацыя ўступае ў сілу праз шэсць месяцаў пасля
ўручэння другому Боку паведамлення аб дэнансацыі.
Заключана ў г. Мінску 3 чэрвеня 1991 года ў двух сапраўдных
экземплярах, кожны на беларускай і славенскай мовах, прычым абодва
тэксты маюць аднолькавую сілу.
Старшыня Савета Міністраў Старшыня Выканаўчага
Беларускай Савецкай Веча Скупшчыны
Сацыялістычнай Рэспублікі Рэспублікі Славеніі
В.Кебіч Л.Петэрле
|
