ПАГАДНЕННЕ ПАМIЖ УРАДАМ РЭСПУБЛIКI БЕЛАРУСЬ I КАБIНЕТАМ
МIНIСТРАЎ УКРАIНЫ АБ УЗАЕМАДЗЕЯННI Ў ГАЛIНЕ ГЕАДЭЗII,
КАРТАГРАФII I ДЫСТАНЦЫЙНАГА ЗАНДЗIРАВАННЯ ЗЯМЛI *)

 _____________________________
     *) Уступiла ў сiлу 27 верасня 2001 г.

     Урад  Рэспублiкi  Беларусь  i Кабiнет Мiнiстраў Украiны, якiя ў
далейшым называюцца Бакамi,
     iмкнучыся  да  паглыблення  добрасуседскiх  адносiн  на  аснове
прынцыпаў раўнапраўя, узаемнай павагi i ўзаемнай выгады,
     жадаючы  стварыць  спрыяльныя ўмовы для супрацоўнiцтва ў галiне
геадэзii, картаграфii i дыстанцыйнага зандзiравання Зямлi,
     пагадзiлiся аб нiжэйпададзеным:

                             Артыкул 1

     Бакi  будуць  прымаць  усе  меры  i ствараць умовы для развiцця
двухбаковых  адносiн,  а  таксама  для  пошуку  форм узаемавыгаднага
супрацоўнiцтва  ў  галiне  геадэзii,  картаграфii  i   дыстанцыйнага
зандзiравання  Зямлi  ў  адпаведнасцi з нормамi мiжнароднага права i
дзеючага заканадаўства сваiх краiн.

                             Артыкул 2

     Адказнасць   за  каардынацыю  сумесных  работ  i  кантроль   за
выкананнем  умоў гэтага Пагаднення з Беларускага Боку ўскладаецца на
Дзяржаўны  камiтэт  па  зямельных  рэсурсах,  геадэзii i картаграфii
Рэспублiкi  Беларусь;  з Украiнскага Боку - на Дэпартамент геадэзii,
картаграфii  i  кадастру  Мiнiстэрства экалогii i прыродных рэсурсаў
Украiны.

                             Артыкул 3

     У рамках дадзенага Пагаднення i ў адпаведнасцi з патрабаваннямi
дзеючага  заканадаўства  сваiх  краiн  Бакi  будуць  падтрымлiваць i
развiваць   на  дагаворнай  аснове  ўзаемасувязi,  якiя   традыцыйна
склалiся  па выкананню тапографа-геадэзiчных i картаграфiчных работ,
ажыццяўляць  распрацоўку i выкананне мiжурадавых праграм i праектаў,
узаемны   абмен  навукова-тэхнiчнай  iнфармацыяй  i   картаграфiчнай
прадукцыяй,  праводзiць  навучанне  i  стажыроўку  спецыялiстаў,   а
таксама        паведамляць     адзiн    аднаму    аб       змяненнях
адмiнiстрацыйна-тэрытарыяльнага  абустройвання i аб змяненнях назваў
асноўных геаграфiчных аб`ектаў на тэрыторыях сваiх краiн.

                             Артыкул 4

     Бакi  абязуюцца  правесцi  ўзаемны  абмен  (перадачу) зыходнымi
геадэзiчнымi,  картаграфiчнымi  i  аэракасмiчнымi  матэрыяламi, якiя
адносяцца  да  тэрыторыi Рэспублiкi Беларусь i да тэрыторыi Украiны,
што маюцца ў iх распараджэннi па стану на 1 студзеня 1992 года.
     Парадак  абмену,  умовы  i тэрмiны перадачы ўказаных матэрыялаў
устанаўлiваюцца  па  ўзаемнаму  пагадненню  Бакоў  у  адпаведнасцi з
патрабаваннямi дзеючага заканадаўства сваiх краiн пасля ўступлення ў
сiлу дадзенага Пагаднення.

                             Артыкул 5

     У  адпаведнасцi  з  мiжнароднымi пагадненнямi Бакi ажыццяўляюць
супрацоўнiцтва  пры  выкананнi  работ  па  дэлiмiтацыi  i дэмаркацыi
дзяржаўнай гранiцы памiж Рэспублiкай Беларусь i Украiнай.
     Для  забеспячэння правядзення гэтых работ Бакi праз свае органы
дзяржаўнага  кiравання  ў  галiне геадэзii i картаграфii, указаныя ў
артыкуле  2,  у  рамках  дзеючага  заканадаўства  сваiх краiн будуць
ажыццяўляць  узаемны абмен неабходнымi геадэзiчнымi, картаграфiчнымi
i  аэракасмiчнымi  матэрыяламi на прыгранiчную тэрыторыю на падставе
двухбаковых пагадненняў па гэтых пытаннях.

                             Артыкул 6

     У  мэтах каардынацыi сумеснай дзейнасцi па рэалiзацыi дадзенага
Пагаднення,  а  таксама для распрацоўкi i ўзгаднення канкрэтных умоў
супрацоўнiцтва Бакi могуць ствараць змешаныя рабочыя групы.

                             Артыкул 7

     Для  рэалiзацыi  праграм  супрацоўнiцтва Бакi ў рамках дзеючага
заканадаўства  сваiх  краiн будуць прымаць усе меры да садзейнiчання
ўзаемнай  дзейнасцi,  у тым лiку пастаўцы i перамяшчэнню неабходнага
абсталявання, амунiцыi, iнструментаў, гатовай прадукцыi i матэрыялаў
у   адпаведнасцi  з  дагаворамi,  заключанымi  ў  рамках   дадзенага
Пагаднення.

                             Артыкул 8

     Супрацоўнiцтва  ў рамках дадзенага Пагаднення не выключае iншых

форм  кантактаў  памiж  Бакамi  ў  галiне  геадэзii,  картаграфii  i
дыстанцыйнага  зандзiравання  Зямлi, якiя ажыццяўляюцца па ўзаемнаму
пагадненню  ў  адпаведнасцi  з патрабаваннямi дзеючага заканадаўства
сваiх краiн, у тым лiку i на кампенсацыйнай аснове.

                             Артыкул 9

     Ажыццяўляючы  супрацоўнiцтва  ў  галiнах,  вызначаных  дадзеным
Пагадненнем,  Бакi  ўзаемна  ўлiчваюць iнтарэсы нацыянальнай бяспекi
згодна   з  дзеючым  заканадаўствам  сваiх  краiн,  двухбаковымi   i
шматбаковымi дагаворамi па гэтых пытаннях.

                             Артыкул 10

     Бакi    прадугледжваюць,  што  навукова-тэхнiчная   iнфармацыя,
картаграфiчныя  матэрыялы  i  iншая  дакументацыя,  якой  яны будуць
абменьвацца  ў  адпаведнасцi з гэтым Пагадненнем, будзе мець адкрыты
характар.
     У    выпадку  ўзнiкнення  неабходнасцi  абмену  матэрыяламi   i
iнфармацыяй з абмежаваным доступам Бакамi будзе заключана дадатковае
пагадненне  аб  узаемнай  ахове  дзяржаўных  сакрэтаў, у якiм будуць
прадугледжаны  працэдуры  забеспячэння  аховы  дзяржаўных  сакрэтаў,
адказнасць  Бакоў,  парадак  улiку  гэтых матэрыялаў i iнфармацыi, а
таксама  iншыя пытаннi ў адпаведнасцi з дзеючым заканадаўствам сваiх
краiн.  Абмен  матэрыяламi i iнфармацыяй з абмежаваным доступам Бакi
будуць  ажыццяўляць  у  парадку, устаноўленым дзеючым заканадаўствам
сваiх краiн.

                             Артыкул 11

     Вынiкi    супрацоўнiцтва   памiж  Бакамi  ў  галiне   геадэзii,
картаграфii  i  дыстанцыйнага  зандзiравання  Зямлi  не  могуць быць
апублiкаваны  або  перададзены трэцяму боку без папярэдняй пiсьмовай
згоды на гэта Бакоў, якiя дамаўляюцца.

                             Артыкул 12

     Пры  ўзнiкненнi  рознагалоссяў,  якiя  датычацца  тлумачэння  i
прымянення  палажэнняў  гэтага  Пагаднення, а таксама для ўзгаднення
новых  аспектаў  супрацоўнiцтва  Бакi  абязуюцца выкарыстоўваць шлях
перагавораў i кансультацый.
     Па  ўзаемнай  згодзе Бакi могуць уносiць змяненнi i дапаўненнi,
што  афармляюцца адпаведнымi пратаколамi, якiя з`яўляюцца неад`емнай
часткай  дадзенага  Пагаднення,  i  ўступаюць  у  сiлу  ў   парадку,
прадугледжаным  артыкулам  13  гэтага Пагаднення, пры ўмове, што яны
прынцыпова не змяняюць яго сэнсу.

                             Артыкул 13

     Дадзенае  Пагадненне  дзейнiчае  на  працягу  пяцi гадоў i можа
аўтаматычна  прадаўжацца  кожны  раз  тэрмiнам  на два гады, да таго
часу,  пакуль  адзiн з Бакоў не паведамiць другому ў пiсьмовай форме
не  менш  чым за шэсць месяцаў да заканчэння прадугледжанага тэрмiну
дзеяння ўказанага Пагаднення аб сваiм намеры спынiць яго дзеянне.
     Дадзенае  Пагадненне  ўступае  ў сiлу з дня апошняга пiсьмовага
паведамлення  Бакоў  аб  выкананнi  iмi  ўнутрыдзяржаўных  працэдур,
неабходных для яго ўступлення ў сiлу.
     Здзейснена  ў  г.Брэсце  18 чэрвеня 2001 года ў двух сапраўдных
экземплярах,  кожны  на беларускай i ўкраiнскай мовах, прычым абодва
тэксты маюць аднолькавую сiлу.

<<< Главная страница | < Назад