ДАГАВОР
АБ СУПРАЦОЎНIЦТВЕ Ў ГАЛIНЕ ФIЗIЧНАЙ КУЛЬТУРЫ I СПОРТУ
ПАМIЖ МIНIСТЭРСТВАМ СПОРТУ I ТУРЫЗМУ РЭСПУБЛIКI БЕЛАРУСЬ
I ДЗЯРЖАЎНЫМ КАМIТЭТАМ УКРАIНЫ ПА ФIЗIЧНАЙ КУЛЬТУРЫ
I СПОРТУ *)

 ___________________________
     *) Уступiў у сiлу 29 мая 1997 г.

     Мiнiстэрства  спорту  i турызму Рэспублiкi Беларусь i Дзяржаўны
камiтэт Украiны па фiзiчнай культуры i спорту, якiя далей называюцца
"Бакi",
     кiруючыся    iмкненнем    развiваць  спартыўныя  сувязi   памiж
спартсменамi  абедзвюх  краiн,  спрыяць  узаемнаму  супрацоўнiцтву ў
галiне фiзiчнай культуры i спорту,
     грунтуючыся на  ўзаемнай  павазе  i  роўнасцi,  заключылi  гэты
Дагавор i дамовiлiся аб наступным:

                             Артыкул 1

     Бакi  будуць праводзiць рэгулярныя сустрэчы кiраўнiкоў спорту i
фiзiчнай    культуры    ў    мэтах   кансультацый  па   двухбаковаму
супрацоўнiцтву    i  ўзаемнай  дапамогi  па  пытаннях   мiжнароднага
спартыўнага руху, каардынаваць свае дзеяннi ў мiжнародных спартыўных
органах.
     Бакi    будуць  садзейнiчаць  абмену  спартыўнымi  дэлегацыямi,
кiраўнiкамi спартыўных арганiзацый i федэрацый для пераймання вопыту
падрыхтоўкi спартсменаў, умацавання спартыўных сувязяў i правядзення
спартыўных спаборнiцтваў.
     Бакi  будуць  спрыяць абмену спартыўнымi камандамi i клубамi па
розных вiдах  спорту  ў  мэтах   правядзення   вучэбна-трэнiровачных
збораў, сумесных трэнiровак, сяброўскiх i матчавых сустрэч.

                             Артыкул 2

     Бакi  будуць прымаць удзел у навуковых канферэнцыях i семiнарах
па пытыннях развiцця  фiзiчнай  культуры  i  спорту  для  умацавання
двухбаковых сувязяў.
     Бакi  па  ўзаемнай  згодзе  будуць садзейнiчаць абмену вядучымi
трэнерамi,  спецыялiстамi  ў  галiне спартыўнай медыцыны, студэнтамi
спартыўных вышэйшых навучальных устаноў абедзвюх краiн.
     Бакi будуць    садзейнiчаць   арганiзацыi   абмену   навуковымi
работамi,  праграмамi,  iнфармацыяй аб дасягненнях у розных  галiнах
фiзiчнай   культуры   i   спорту,  спартыўнай  дыягностыкi,  метадаў
медыка-бiялагiчнага забеспячэння i выкарыстання навуковай апаратуры.
     Бакi  будуць  па  ўзаемнай  дамоўленасцi   даваць  адзiн аднаму
магчымасць  ажыццяўляць  падрыхтоўку  i перападрыхтоўку трэнерскiх i
навукова-педагагiчных кадраў па розных вiдах спорту ў сваiх вышэйшых
навучальных установах.

                             Артыкул 3

     Бакi    будуць  узаемадзейнiчаць  у  арганiзацыi   экiпiравання
нацыянальных  каманд,  набыццi спартыўнага абсталявання, абменьвацца
вопытам  у галiне будаўнiцтва i эксплуатацыi спартыўных збудаванняў,
вытворчасцi спартыўнай формы i iнвентару.
     Бакi  будуць  абменьвацца  iнфармацыяй  па пытаннях арганiзацыi
функцыянавання спартыўных латарэй.

                             Артыкул 4

     Бакi  вызначылi,  што  выкладзеныя  ў артыкулах гэтага Дагавора
формы  супрацоўнiцтва  ў  галiне  фiзiчнай  культуры i спорту будуць
ажыццяўляцца на ўзаемапрымальных умовах.
     Бок,  якi  накiроўвае,  абавязваецца  несцi  затраты па праезду
дэлегацыi да месца яе накiравання i назад.
     Бок,  якi  прымае,  абавязваецца несцi ўсе затраты, звязаныя са
знаходжаннем дэлегацыi   ў   краiне,   забеспячэннем   яе   мясцовым
аўтатранспартам,  спартыўнай  i  культурнай  праграмамi,  неабходнай
медыцынскай    дапамогай,    за   выключэннем   зубапратэзавання   i
доўгатэрмiновага лячэння хранiчных захворванняў.

                             Артыкул 5

     Гэты  Дагавор  набывае сiлу з дня яго падпiсання i дзейнiчае на
працягу пяцi  гадоў.  Пасля  завяршэння  ўказаннага  тэрмiну дзеянне
Дагавора аўтаматычна працягваецца на наступныя пяць гадоў пры ўмове,
што   нi  адзiн  з  дагаворных  Бакоў  за  6  месяцаў  да  сканчэння
вызначанага тэрмiну не паведамiць другому Боку аб  намеры  ануляваць
Дагавор або змянiць яго палажэннi.
     Змяненнi  i  дапаўненнi  ў  Дагавор могуць уносiцца па ўзаемнай
згодзе   Бакоў  у  форме  пратаколаў.  Гэтыя  пратаколы   з`яўляюцца
неад`емнай часткай Дагавора.

     Зроблена ў  г.Минску  29  мая  1997  года  ў  двух   сапраўдных
экзэмплярах,  кожны на беларускай i ўкраiнскай мовах,  прычым абодва
тэксты з`яўляюцца аўтэнтычнымi.

За Мiнiстэрства спорту i турызму       За Дзяржаўны камiтэт Украiны
Рэспублiкi Беларусь                    па фiзiчнай культуры i спорту
Подпiс                                 Подпiс

<<< Главная страница | < Назад