ПАГАДНЕННЕ
 ПАМIЖ УРАДАМ РЭСПУБЛIКI БЕЛАРУСЬ I УРАДАМ УКРАIНЫ АБ
 СУПРАЦОЎНIЦТВЕ Ў ГАЛIНЕ МАЛАДЗЁЖНАЙ ПАЛIТЫКI

===

     Урад Рэспублiкi Беларусь i Урад Украiны, у далейшым якiя будуць
называцца "Бакi",
     iмкнучыся  да развiцця  i ўзмацнення  дружалюбных адносiн памiж
дзвюма дзяржавамi,
     перакананыя  ў  тым,  што  супрацоўнiцтва  ў галiне маладзёжнай
палiтыкi мае важнае значэнне ў зблiжэннi i паглыбленнi узаемаадносiн
памiж дзвюма народамi,
     жадаючы развiваць i ў далейшым сяброўскiя сувязi памiж моладдзю
Беларусi i Украiны,
     маючы на ўвазе, што на  сучасным этапе развiцця грамадства роля
моладзi ў вырашэннi грамадскiх праблем няспынна ўзрастае,

     ДАМОВIЛIСЯ АБ НАСТУПНЫМ:

                             Артыкул 1

     Бакi  будуць  усямерна   садзейнiчаць  павышэнню  i  ўзмацненню
супрацоўнiцтва ў  галiне маладзёжнай палiтыкi.  Бакi будуць iмкнуцца
далучыць  моладзь i  маладзёжныя арганiзацыi  да рэалiзацыi  праграм
супрацоўнiцтва   ў  галiне   эканомiкi,  экалогii,   аховы  здароўя,
адукацыi, культуры i спорту.

                             Артыкул 2

     Бакi   будуць   спрыяць   эфектыўнаму   ўзаемакарыснаму  абмену
iнфармацыяй  у  галiне  маладзёжнай  палiтыкi, фармiраванню сумесных
банкаў  дадзеных,  правядзенню  семiнараў,  канферэнцый, двухбаковых
кансультацый.

                             Артыкул 3

     Бакi будуць заахвочваць маладзёжныя  абмены з мэтай азнаямлення
моладзi  дзвюх  краiн  з  iх  культурнай  спадчынай, сучасным станам
культуры,  лiтаратуры   i  мастацтва  праз   арганiзацыю  фестываляў
мастацтваў,  конкурсаў,  выстаў,  гастроляў  выканаўчых калектываў i
салiстаў,  правядзення дзён  лiтаратуры i  мастацтва творчай моладзi
Беларусi на Украiне i Украiны на Беларусi; накiраванне прадстаўнiкоў
творчай  моладзi  для  ўдзелу  ў  разнастайных семiнарах, конкурсах,
вечарынах  i  iншых  мерапрыемствах,   якiя  будуць  правадзiцца  на
двухбаковай аснове.

                             Артыкул 4

     Бакi  будуць  садзейнiчаць  пашырэнню  кантактаў памiж маладымi
грамадзянамi,  фармiраванню  сiстэмы   абмену  па  вывучэнню  вопыта
работы,   правядзенню   сумесных   семiнараў,   арганiзацыi  сiстэмы
рэалiзацыi  двухбаковых   праектаў  у  галiне   прадпрымальнiцтва  i
фэрмерства.

                             Артыкул 5

     Бакi  будуць  iмкнуцца  да  стварэння  двухбаковай  комплекснай
праграмы   ў   галiне   аховы   здароўя,   прафiлактыкi  наркаманii,
таксiкаманii, алкагалiзма сярод непаўналетнiх i моладзi. Бакi будуць
надаваць  сур`ёзную  ўвагу  прафiлактыцы  распаўсюджвання СНIД сярод
моладзi.

                             Артыкул 6

     Бакi будуць  абменьвацца вопытам работы  сацыялагiчных службаў,
аказваючых псiхалагiчную, юрыдычную i iншую дапамогу непаўналетнiм i
маладым грамадзянам.
     Бакi  будуць   спрыяць  фармiраванню  двухбаковых   праграм  па
аказанню  сацыяльнай  дапамогi  i  падтрымкi  iнвалiдам,  а  таксама
недзеяздольнай моладзi.

                             Артыкул 7

     Бакi  накiроўваюць свае  намаганнi па  фармiраванне двухбаковых
праграм па  аздараўленню экалагiчнага стану ў  гарадскiх i населеных
пунктах з удзелам маладых людзей, маладзёжных аб`яднанняў.

                             Артыкул 8

     Бакi   будуць  спрыяць   развiццю  сувязей   памiж  спартыўнымi
арганiзацыямi дзвюх дзяржаў i аказваць садзеянне ў развiццi фiзiчнай
культуры i масавага спорту  сярод маладзёжных, студэнцкiх i школьных
арганiзацый, праводзiць мерапрыемствы па фармiраванню здаровага ладу
жыцця  насельнiцтва, у  тым лiку  моладзi. Канкрэтныя  формы i ўмовы
супрацоўнiцтва  будуць  вызначацца  на  падставе  прамых пагадненняў
памiж зацiкаўленымi партнёрамi дзвюх краiн.

                             Артыкул 9

     Бакi  будуць садзейнiчаць  маладзёжным абменам,  у тым  лiку, у
якiх   будуць   прымаць   удзел   прадстаўнiкi   моладзi  украiнскай
нацыянальнасцi,   якiя   пражываюць   у   Рэспублiцы   Беларусь,   i
прадстаўнiкi моладзi  беларускай нацыянальнасцi, якiя  пражываюць на
Украiне;  будуць  падтрымлiваць  абмены  маладзёжнымi  i студэнцкiмi
атрадамi, атрадамi дабраахвотнай працы,  а таксама развiваць сiстэму
маладзёжнага турызму ў адпаведнасцi з нацыянальным заканадаўствам.

                            Артыкул 10

     У  мэтах  эфектыўнага  выканання  палажэнняў  гэтага Пагаднення
адпаведнымi  мiнiстэрствамi, ведамствамi  i арганiзацыямi Рэспублiкi
Беларусь i Украiны могуць распрацоўвацца i падпiсвацца мiжведамасныя
пагадненнi  i  рабочыя  пратаколы  супрацоўнiцтва,  якiя  закранаюць
праблематыку адпаведных мiнiстэрстваў i ведамстваў.

                            Артыкул 11

     Гэта Пагадненне  ўступае ў сiлу з  дня падпiсання, дзейнiчае на
працягу  пяцi  год  i  будзе  аўтаматычна  падаўжацца  на  наступныя
пяцiгадовыя перыяды,  калi нi адзiн  з Бакоў пiсьмова  не паведамiць
iншы  Бок  аб  сваiм  рашэннi  спынiць  дзеянне  Пагаднення за шэсць
месяцаў да сканчэння чарговага перыяду.

     Здзейснена  ў г.Кiеве  14 снежня  1995 года  у двух экзэмплярах
кожны на  беларускай i ўкраiнскай мовах,  прычым абодва тэксты маюць
аднолькавую сiлу.


 За Урад Рэспублiкi Беларусь                 ______________ подпiс
 За Урад Украiны                             ______________ подпiс

<<< Главная страница | < Назад