МЕМАРАНДУМ
АБ УЗАЕМАРАЗУМЕННI ПА ПЫТАННЯХ ЭКАНАМIЧНАГА СУПРАЦОЎНIЦТВА ПАМIЖ
УРАДАМ РЭСПУБЛIКI БЕЛАРУСЬ I УРАДАМ IСЛАМСКАЙ РЭСПУБЛIКI IРАН*

_____________________________
     *Уступiў у сiлу 14 сакавiка 1995 г.

     Яго  Правасхадзiцельства Спадар  Мiхаiл Чыгiр,  Прэм`ер-Мiнiстр
Рэспублiкi    Беларусь,   у    адпаведнасцi   з    запрашэннем   Яго
Правасхадзiцельства  Спадара Хасана  Хабiбi, Першага Вiцэ-Прэзiдэнта
Iсламскай Рэспублiкi Iран, ажыццявiў з  12 па 14 сакавiка 1995 года,
што адпавядае 21-23 эсфанда 1373  года, афiцыяльны вiзiт у Iсламскую
Рэспублiку Iран на чале ўрадавай дэлегацыi.
     На   працягу  вiзiту   Прэм`ер-Мiнiстр  Беларусi   быў  прыняты
Прэзiдэнтам Iсламскай  Рэспублiкi Iран i  Старшынёй Сходу Iсламскага
Савета.  Пад  час  гэтых  сустрэч,  якiя  праходзiлi ў добразычлiвай
абстаноўцы,  адбылося  абмеркаванне  i  абмен  думкамi  па  пытаннях
развiцця  двухбаковых адносiн  i некаторых  праблемах рэгiянальнай i
мiжнароднай палiтыкi.
     Прэм`ер-Мiнiстр Беларусi i яго  iранскi калега правялi два туры
рабочых  перамоў  i  дамовiлiся  стварыць  у  бягучым годзе змешаную
камiсiю  па  пытаннях   эканамiчнага  супрацоўнiцтва.  Бакi  таксама
прыйшлi да  згоды ў найкарацейшыя  тэрмiны прызначыць i  прадставiць
адзiн  аднаму  кiраўнiкоў  беларускай  i  iранскай  частак  змешанай
камiсii.

     Змешаная камiсiя па  пытаннях эканамiчнага супрацоўнiцтва будзе
складацца з наступных камiтэтаў:

     1. Камiтэт па эканомiцы i гандлю.
     На гэты  камiтэт ускладаюцца функцыi па рэгуляванню гандлёвых i
эканамiчных адносiн памiж дзвюма краiнамi.
     З   задавальненнем   адзначаючы   факт   падпiсання  Гандлёвага
пагаднення,  Бакi  на  працягу   блiжэйшых  трох  месяцаў  правядуць
пасяджэнне гэтага камiтэта ў Тэгеране.
     Беручы пад  увагу значэнне банкаўскiх  i гандлёвых сувязей  для
развiцця   эканамiчных   адносiн   памiж   дзвюма   краiнамi,   Бакi
пацвярджаюць намер  развiваць адносiны па  пытаннях супрацоўнiцтва ў
банкаўскай сферы i стварэння змешанай гандлёва-прамысловай палаты.

     2. Камiтэт па прамысловасцi i сельскай гаспадарцы.
     Зважаючы  на  высокiя  патэнцыяльныя  магчымасцi  дзвюх краiн у
галiне  прамысловасцi i  сельскай гаспадаркi,  Бакi могуць наладзiць
актыўнае супрацоўнiцтва  ў гэтых галiнах. Бакi  дамовiлiся аб абмене
адпаведнымi  дэлегацыямi ў  наступныя два  месяцы з  мэтай вывучэння
магчымасцей i напрамкаў дзейнасцi.

     3. Камiтэт па транспарце i камунiкацыях.
     Улiчваючы  важнасць  развiцця  адносiн  у  галiне  транспарта i
камунiкацый  i   беручы  пад  увагу   дакументы,  якiя  разглядаюцца
абодвума  Бакамi, Бакi  маглi б  у найкарацейшыя  тэрмiны  распачаць
падрыхтоўку  да падпiсання  пагадненняў аб  супрацоўнiцтве ў  галiне
транспарта. З гэтай мэтай  дэлегацыя Мiнiстэрства дарог i транспарта
Iсламскай Рэспублiкi Iран у  блiжэйшыя тры месяцы наведае Рэспублiку
Беларусь.

     4. Камiтэт па энергетыцы (нафце i газу).
     Прымаючы  пад  увагу  патрэбнасцi  Беларусi  ў  нафце  i  газе,
Iсламская  Рэспублiка Iран  заяўляе аб  сваёй гатоўнасцi  пастаўляць
нафту i газ у Рэспублiку Беларусь. У гэтай сувязi iснуе разуменне аб
неабходнасцi   распрацоўкi  практычных   механiзмаў  па   рэалiзацыi
адпаведных праектаў.  З гэтай мэтай Бакi  маглi б абмяняцца вiзiтамi
дэлегацый экспертаў.

     Гэты Мемарандум падпiсаны ў Тэгеране 14 сакавiка 1995 года, што
адпавядае  23  эсфанда  1373  года,  у  двух  экзэмплярах,  кожны на
беларускай мове i фарсi.


 За Урад Рэспублiкi Беларусь                 ______________ подпiс
 За Урад Iсламскай Рэспублiкi Iран           ______________ подпiс

<<< Главная страница | < Назад