ПАГАДНЕННЕ
АБ СУПРАЦОЎНIЦТВЕ I ЎЗАЕМАДЗЕЯННI ПАМIЖ КАМIТЭТАМ
ДЗЯРЖАЎНАЙ БЯСПЕКI РЭСПУБЛIКI БЕЛАРУСЬ I МIНIСТЭРСТВАМ
НАЦЫЯНАЛЬНАЙ БЯСПЕКI РЭСПУБЛIКI МАЛДОВА *)
___________________________
*) Уступiла ў сiлу 10 жнiўня 1994 г.
Камiтэт дзяржаўнай бяспекi Рэспублiкi Беларусь i Мiнiстэрства
нацыянальнай бяспекi Рэспублiкi Малдова, у далейшым называемыя
Бакамi,
паважаючы дзяржаўны суверэнiтэт, тэрытарыяльную цэласнасць i
незалежнасць Рэспублiкi Беларусь i Рэспублiкi Малдова,
праяўляючы iмкненне да раўнапраўнага супрацоўнiцтва i абароны
жыццёва важных iнтарэсаў рэспублiк,
кiруючыся iнтарэсамi надзейнай абароны эканамiчнага,
навукова-тэхнiчнага, абароннага патэнцыялу i забеспячэння бяспекi
сваiх дзяржаў,
прымаючы на сябе абавязацельствы не арганiзоўваць i не
праводзiць работу адзiн супраць другога,
грунтуючыся па нормах мiжнароднага права i дзеючага
заканадаўства Рэспублiкi Беларусь i Рэспублiкi Малдова,
пагадзiлiся аб наступным:
Артыкул 1
Бакi ўзаемадзейнiчаюць па праблемах забеспячэння бяспекi
Рэспублiкi Беларусь i Рэспублiкi Малдова. У гэтых мэтах вызначаюць
сферы ўзаемных iнтарэсаў, напрамкi i лiнii работы для вырашэння
канкрэтных задач.
Артыкул 2
Бакi ў выпадку неабходнасцi выпрацоўваюць сумесныя рашэннi па
канкрэтных разведвальных i контрразведвальных задачах i праграмах,
арганiзуюць i каардынуюць iх выкананне ў iнтарэсах забеспячэння
бяспекi Рэспублiкi Беларусь i Рэспублiкi Малдова.
Артыкул 3
Бакi абавязуюцца абменьвацца iнфармацыяй аб выяўленых
разведвальна-падрыўных iмкненнях спецыяльных служб i другiх
арганiзацый трэцiх дзяржаў да Рэспублiкi Беларусь i Рэспублiкi
Малдова.
Артыкул 4
Бакi ўзаемадзейнiчаюць i аказваюць адзiн аднаму дапамогу ў
выяўленнi, папярэджаннi, спыненнi i раскрыццi злачынстваў, звязаных
з арганiзаванай злачыннасцю мiждзяржаўнага i мiжрэгiянальнага
характару, мiжнародным тэрарызмам i наркабiзнесам, кантрабандай, а
таксама ў пошуку i затрыманнi асоб, якiя ўчынiлi гэтыя злачынствы,
або падазраюцца ў iх падрыхтоўцы. Перадача затрыманых ажыццяўляецца
на аснове мiждзяржаўных дагавораў (пагадненняў). Пры неабходнасцi
ажыццяўляюць аператыўна-вышуковыя мерапрыемствы i следчыя дзеяннi на
тэрыторыi Беларусi i Малдовы толькi па ўзаемнай згодзе ўдзельнiкаў
Пагаднення.
Артыкул 5
Бакi абавязуюцца сумесна прымаць меры, накiраваныя на раскрыццё
i спыненне акцый па незаконнаму перамяшчэнню ў Рэспублiку Беларусь i
Рэспублiку Малдова i вывазу з iх тэрыторыi зброi i боепрыпасаў,
выбуховых, атрутных рэчываў i другiх прадметаў, выключаных з
абароту, пералiк якiх вызначаны заканадаўствам абедзвюх дзяржаў.
Артыкул 6
Бакi, у частцы, iх кранаючай, каардынуюць меры па забеспячэнню
бяспекi грамадзян Беларусi, якiя знаходзяцца ў Рэспублiцы Малдова, i
грамадзян Рэспублiкi Малдова, якiя знаходзяцца ў Беларусi, бяспекi
размешчаных на iх тэрыторыi дыпламатычных i другiх прадстаўнiцтваў
абедзвюх дзяржаў, а таксама спецыяльных i воiнскiх перавозак.
Артыкул 7
Удзельнiкi Пагаднення бяруць на сябе абязацельства не
ажыццяўляць аператыўныя i аператыўна-тэхнiчныя мерапрыемствы ў
адносiнах работнiкаў Бакоў без папярэдняга iнфармавання аб гэтым
адзiн аднаго.
Артыкул 8
Бакi ў мэтах узаемнага задавальнення iнфармацыйных патрэб
бяруць на сябе абавязак:
а) абменьвацца аператыўнай i iншай iнфармацыяй, прадстаўляючай
iнтарэс органаў бяспекi Рэспублiкi Беларусь i Рэспублiкi Малдова;
б) аказваць узаемную дапамогу ў пошуку матэрыялаў, звязаных з
рэабiлiтацыяй ахвяр палiтычных рэпрэсiй, задавальненнем другiх
законных правоў i iнтарэсаў грамадзян;
в) на аснове запытаў бясплатна прадстаўляць адзiн аднаму не
наносячыя шкоды iнтарэсам бяспекi сваiх дзяржаў утрымлiваючыеся ў
архiвах, аператыўных улiках i iнфармацыйных банках дадзеных звесткi
аб канкрэтных асобах, фактах i падзеях;
г) узаемадзейнiчаць у ажыццяўленнi спецыяльнай праверкi асоб,
якiя хадайнiчаюць аб уездзе ў Беларусь i Малдову або прадстаўленнi
грамадзянства гэтых дзяржаў, а таксама пры выездзе ў трэцiя краiны.
Артыкул 9
Бакi ўзаемадзейнiчаюць па пытаннях эксплуатацыi, развiцця i
забеспячэння бяспекi дзейнiчаючай сiстэмы ўрадавай, аператыўнай i
шыфравальнай сувязi, пры неабходнасцi забяспечваюць гэтымi вiдамi
сувязi вышэйшых дзяржаўных асоб Рэспублiкi Беларусь i Рэспублiкi
Малдова.
Артыкул 10
Бакi ўзаемадзейнiчаюць у вырашэннi пытанняў забеспячэння
аператыўна-тэхнiчнай i крымiналiстычнай дзейнасцi, а таксама ў
распрацоўцы, вырабе, укараненнi i рамонце спецыяльных тэхнiчных
сродкаў з улiкам магчымасцей КДБ Рэспублiкi Беларусь i МНБ
Рэспублiкi Малдова.
Артыкул 11
Бакi абязуюцца ў працэсе ўзаемадзеяння строга выконваць
патрабаваннi канспiрацыi, не дапускаць расшыфроўкi сумесных цi
скаардынаваных мерапрыемстваў, аб`ектаў вывучэння i распрацоўкi, не
перадаваць трэцiм дзяржавам атрыманыя адзiн да аднаго аператыўныя
матэрыялы, вынiкi навукова-даследчых распрацовак спецыяльнага
характару, аператыўна-тэхнiчныя сродкi, а таксама iнфармацыю
наносячую ўрон бяспецы Рэспублiкi Беларусь i Рэспублiкi Малдова.
У выпадку неабходнасцi ўзгадняюць парадак выкарыстання
iнфармацыйных дакументаў i матэрыялаў, якiя датычацца сумесных
аператыўных i аператыўна-вышуковых дадзеных.
Артыкул 12
Бакi бяруць на сябе абавязацельствы ў адпаведнасцi з нормамi
мiжнароднага права, заканадаўствамi Рэспублiкi Беларусь i Рэспублiкi
Малдова i пры наяўнасцi адпаведнага дагавору на мiждзяржаўным
узроўнi, забяспечваюць палiтычныя, сацыяльна-эканамiчныя i iншыя
законныя правы работнiкаў i пенсiянераў органаў бяспекi
дамаўляючыхся Бакоў, членаў iх сем`яў.
Артыкул 13
Бакi на дагаворнай аснове па ўзаемных разлiках
узаемадзейнiчаюць у арганiзацыi работы па падрыхтоўцы i павышэнню
квалiфiкацыi аператыўнага i кiруючага саставу, абмену спецыяльнымi
навуковымi i вучэбна-метадычнымi матэрыяламi, правядзенню сумесных
навукова-даследчых работ i ўдзелу навукова-педагагiчных кадраў Бакоў
у арганiзацыi вучэбнага працэсу.
Артыкул 14
Бакi абавязуюцца на дагаворных умовах аказваць садзеянне ў
лячэбна-прафiлактычным абслугоўваннi супрацоўнiкаў, членаў iх сем`яў
i пенсiянераў, развiццi культурных i спартыўных сувязей, а таксама
выдзяляць пуцёўкi ў ведамасныя санаторыi i дамы адпачынку па
сабекошту з iх папярэдняй аплатай.
Артыкул 15
Бакi ў выпадку неабходнасцi могуць абменьвацца прадстаўнiкамi
або ствараць часовыя рабочыя групы для каардынацыi дзеянняў па
сумесных мерапрыемствах або рашэння ўзнiкаючых праблем.
Артыкул 16
Бакi па заяўках аказваюць адзiн аднаму дапамогу ў вырашэннi
пытанняў матэрыяльна-тэхнiчнага забеспячэння.
Артыкул 17
Па ўзаемнай згодзе Бакоў у дадзенае Пагадненне могуць уносiцца
змяненнi i дапаўненнi, пры неабходнасцi па канкрэтных праблемах i
лiнiях работы могуць заключацца пратаколы.
Артыкул 18
Дадзенае Пагадненне не закранае правоў i абавязацельстваў
абодвух Бакоў, выцякаючых для iх з другiх двухбаковых або
шматбаковых пагадненняў.
Артыкул 19
Гэтае Пагадненне заключана тэрмiнам на 5 гадоў i будзе
аўтаматычна падаўжацца кожны раз на наступныя 5 гадоў, калi нi адзiн
з Бакоў не заявiць аб сваiм жаданнi спынiць яго дзеянне.
Артыкул 20
Кожны з Бакоў можа датэрмiнова скасаваць гэтае Пагадненне
шляхам пiсьмовага паведамлення другому Боку аб прынятым рашэннi. У
гэтым выпадку дзеянне Пагаднення спыняецца праз 6 месяцаў з моманту
паведамлення.
Артыкул 21
Пагадненне ўступае ў сiлу з моманту яго падпiсання.
Дадзенае Пагадненне састаўлена ў двух экзэмплярах на дзяржаўных
мовах Рэспублiкi Беларусь i Рэспублiкi Малдова, прычым абодва тэксты
маюць аднолькавую сiлу.
Падпiсана ў г.Мiнску 10 жнiўня 1994 года.
Старшыня Камiтэта дзяржаўнай бяспекi Мiнiстр нацыянальнай бяспекi
Рэспублiкi Беларусь Рэспублiкi Малдова
генерал-палкоўнiк брыгадны генерал
У.ЯГОРАЎ В.КАЛМОЙ
<<< Главная
страница | < Назад
|
