СУМЕСНАЯ ДЭКЛАРАЦЫЯ
 РЭСПУБЛIКI БЕЛАРУСЬ I ЗЛУЧАНАГА КАРАЛЕЎСТВА
 ВЯЛIКАБРЫТАНII I ПАЎНОЧНАЙ IРЛАНДЫI *)

 _____________________________
     *) Уступiла ў сiлу 12 кастрычнiка 1993 г.

     З нагоды  вiзiту  ў  Злучанае  Каралеўства   Вялiкабрытанii   i
Паўночнай Iрландыi  Мiнiстра Замежных Спраў Рэспублiкi Беларусь Урад
Рэспублiкi Беларусь i Урад Злучанага  Каралеўства  Вялiкабрытанii  i
Паўночнай Iрландыi,
     поўныя рашучасцi  дзейнiчаць  сумесна  ў  пабудове  свабоднай i
дэмакратычнай Еўропы,  заснаванай  на   агульнай   прыхiльнасцi   да
дэмакратычных каштоўнасцей   i  iмкненняў  i  на  павазе  да  правоў
чалавека i верхавенстве закону,  i поўныя намеру паглыбляць i  далей
развiваць адносiны памiж iмi,

     ЗРАБIЛI НАСТУПНУЮ ЗАЯВУ:

     1. Мы  вiтаем  пераход  ад  канфрантацыi  да  супрацоўнiцтва  ў
Еўропе. Мы падзяляем перакананне ў тым,  што бяспека i  стабiльнасць
непарыўна звязаны  з  умацаваннем  дэмакратыi  i  павагай  да правоў
чалавека i асноўных свабод. Мы зноў пацвярджаем нашу прыхiльнасць да
захоўвання прынцыпаў  i  палажэнняў  Хельсiнскага  Заключнага  Акта,
Парыжскай Хартыi для новай  Еўропы  i  iншых  адпаведных  дакументаў
НБСЕ, а  таксама нашы абавязацельствы па мiжнародных iнструментах аб
правах чалавека.

     2. Мы пацвярджаем наш намер развiваць наша супрацоўнiцтва як на
двухбаковай, так i на шматбаковай аснове, ва ўсiх галiнах дзейнасцi,
уключаючы, у прыватнасцi,  галiны палiтычных, эканамiчных, абаронных
i культурных адносiн.

     3. Урад   Злучанага   Каралеўства  Вялiкабрытанii  i  Паўночнай
Iрландыi зноў  пацвярджае  сваю  рашучасць   дапамагаць   ўмацаванню
дэмакратыi ў  Рэспублiцы  Беларусь  i  падтрымлiваць  яе  пераход да
рыначнай эканомiкi i яе  больш  глыбокую  iнтэграцыю  ў  мiжнародную
эканамiчную сiстэму.

     4. Мы   гатовы   праводзiць   кансультацыi  па  пытаннях,  якiя
прадстаўляюць двухбаковы iнтарэс, а таксама па мiжнародных пытаннях,
якiя прадстаўляюць узаемны iнтарэс.

     5. Мы   будзем   заахвочваць   усталяванне  i  развiццё  прамых
кантактаў памiж грамадзянамi i ўстановамi ў нашых краiнах.

     Падпiсана ў двух экземплярах у Лондане 12 кастрычнiка 1993 года
на беларускай   i  англiйскай  мовах,  прычым  абодва  тэксты  маюць
аднолькавую сiлу.


 За Урад Рэспублiкi Беларусь                 ______________ подпiс
 За Урад Злучанага Каралеўства
    Вялiкабрытанii i Паўночнай Iрландыi      ______________ подпiс

<<< Главная страница | < Назад