ПРАТАКОЛ ПАГАДНЕННЯ
ПАМIЖ МIНIСТЭРСТВАМ АБАРОНЫ РЭСПУБЛIКI БЕЛАРУСЬ
I МIНIСТЭРСТВАМ АБАРОНЫ УКРАIНЫ АБ ПРЫНЦЫПАХ ВЫКАРЫСТАННЯ
ПАВЕТРАНАЙ ПРАСТОРЫ, УЗАЕМАДЗЕЯННЯ ВАЕННА-ПАВЕТРАНЫХ
СIЛ I СРОДКАЎ СУПРАЦЬПАВЕТРАНАЙ АБАРОНЫ *)

 ___________________________
     *) Уступiў у сiлу 17 снежня 1992 г.

     Мiнiстэрства абароны Рэспублiкi Беларусь i
     Мiнiстэрства абароны Украiны, надалей Бакi,
     кiруючыся  палажэннямi  Пагаднення  памiж Мiнiстэрствам абароны
Рэспублiкi  Беларусь  i  Мiнiстэрствам  абароны  Украiны  аб ваенным
супрацоўнiцтве ад 17 снежня 1992 г.,
     дамовiлiся пра наступнае:

                             Артыкул 1

     Бакi   да  прыняцця  адпаведнага  нацыянальнага   заканадаўства
захоўваюць  iснуючы  парадак  выкарыстання  паветранай  прасторы,  а
таксама  на  ўзаемавыгадных  умовах  аэрадромнай  сеткi,  палiгонаў,
сiстэм  сувязi,  iнфармацыйнага i iншых вiдаў забеспячэння, аб`ектаў
iх    ваеннай    iнфраструктуры  часцямi  Ваенна-Паветраных  Сiл   i
Супрацьпаветранай абароны Бакоў.

                             Артыкул 2

     Бакi ажыццяўляюць узаемадзеянне сiл i сродкаў Ваенна-Паветраных
Сiл  i  Супрацьпаветранай  абароны  i  супрацоўнiчаюць па  пытаннях,
звязаных  з  абменам  iнфармацыяй аб паветрана-касмiчным становiшчы,
аказаннем дапамогi паветраным суднам, што церпяць бедства цi згубiлi
арыентацыю, спыненнем крадзяжу або захопу паветраных суднаў.

                             Артыкул 3

     Бакi  захоўваюць  сумеснае  выкарыстанне  на  дагаворнай аснове
аэрадромаў  у  якасцi  запасных  для  правядзення планавых палётаў i
пералётаў,  пунктаў  кiравання,  авiяцыйных  баз  i  палiгонаў   для
падрыхтоўкi  лётнага саставу, авiяцыi ў якасцi кантрольных цэляў для
праверкi  дзяжурных  сiл  Супрацьпаветранай  абароны  i  аператыўнай
падрыхтоўкi,  а  таксама  абавязваюцца  своечасова iнфармаваць адзiн
аднаго  пра  паветранае  становiшча  ў  25-кiламетровай прыгранiчнай
паласе.

                             Артыкул 4

     Бакi  пацвярджаюць  неабходнасць  захавання  i  ўдасканальвання
сiстэм    сувязi  памiж  пунктамi  кiравання  Мiнiстэрства   абароны
Рэспублiкi Беларусь i  Мiнiстэрства абароны Украiны. Плата за арэнду
каналаў сувязi ажыццяўляецца на дагаворных умовах.

                             Артыкул 5

     Бакi  абавязваюцца  аказваць адзiн аднаму тэхнiчную дапамогу па
рамонту  i абнаўленнi авiяцыйнай тэхнiкi i сродкаў Супрацьпаветранай
абароны,  ажыццяўляць  гарантаванае  iх  абслугоўванне  на рамонтных
прадпрыемствах,  а  таксама  тэхнiчнае  суправаджэнне  прамысловасцю
Бакоў на дагаворнай аснове.

                             Артыкул 6

     Пратакол  набывае  сiлу  з  моманту  падпiсання  i  дзейнiчае ў
парадку,  вызначаным  артыкулам  6  Пагаднення  памiж  Мiнiстэрствам
абароны  Рэспублiкi  Беларусь  i  Мiнiстэрствам  абароны  Украiны аб
ваенным супрацоўнiцтве ад 17 снежня 1992 г.

     Адбылося  ў г.Кiеве 17 снежня 1992 г. у двух экземплярах, кожны
на    беларускай  i  ўкраiнскай  мовах,  прычым  усе  тэксты   маюць
аднолькавую сiлу.

За Мiнiстэрства абароны                      За Мiнiстэрства абароны
Рэспублiкi Беларусь                          Украiны
Подпiс                                       Подпiс

<<< Главная страница | < Назад