ПАГАДНЕННЕ
 ПАМIЖ УРАДАМ РЭСПУБЛIКI БЕЛАРУСЬ I
 УРАДАМ РЭСПУБЛIКI КАЗАХСТАН АБ КААРДЫНАЦЫI
 ДЗЕЙНАСЦI ЧЫГУНАЧНАГА ТРАНСПАРТУ *)

===
 ____________________________
     *) Вступило в силу 16 сентября 1992 г.


     Урад Рэспублiкi  Беларусь  i Урад Рэспублiкi Казахстан,  якiя ў
далейшым называюцца "Бакi",
     пацвярджаючы неад`емнае права ўласнасцi на чыгуначны транспарт;
     лiчачы мэтазгодным захаваць тэхналагiчнае адзiнства  чыгуначнай
транспартнай сеткi;
     прызнаючы выключную важнасць  перавозак  пасажыраў,  а  таксама
грузаў як па ўзаемных пастаўках, так i ў трэцiя краiны;
     надаючы значэнне каардынацыi i сумеснай  дзейнасцi  чыгуначнага
транспарту абедзвюх дзяржаў,
     пагадзiлiся аб наступным:

                             Артыкул 1

     Функцыянальная   дзейнасць   чыгуначнага   транспарту  абедзвюх
дзяржаў  ажыццяўляецца па  адзiных нарматывах  на выраб  i ўтрыманне
рухомага  саставу, тэхнiчных  сродкаў, забеспячэння  бяспекi руху  i
ўмоў  працы, арганiзацыi  перавозачнай работы  i захаванасцi грузаў,
узаемадзеяння чыгуначнага транспарту з  карыстальнiкамi яго паслуг i
iншымi вiдамi транспарту.

                             Артыкул 2

     1. Бакi прызналi неабходным ажыццяўляць скаардынаваную тарыфную
палiтыку.   Тарыфы   ў    мiждзяржаўных   зносiнах   устанаўлiваюцца
спецыяльнымi пагадненнямi.

     2. Перавозка  пасажыраў  i  грузаў  памiж чыгуначнымi станцыямi
абедзвюх дзяржаў  ажыццяўляецца  на  падставе  дзеючых   на   момант
падпiсання гэтага Пагаднення нарматыўных дакументаў.
     Пры арганiзацыi  перавозак  пасажыраў   i   грузаў   чыгуначным
транспартам з  Рэспублiкi Беларусь транзiтам па тэрыторыi Рэспублiкi
Казахстан i з Рэспублiкi Казахстан транзiтам па тэрыторыi Рэспублiкi
Беларусь у  трэцiя  краiны,  а  таксама  транзiтам  з трэцiх краiн у
трэцiя краiны,  Бакi каардынуюць  свае  дзеяннi  пры  выпрацоўцы  (з
улiкам заканадаўства  Рэспублiкi Беларусь i заканадаўства Рэспублiкi
Казахстан) тарыфнай  палiтыкi   ў   мэтах   прыцягнення   дадатковых
транзiтных грузапатокаў на гэтыя напрамкi з афармленнем у неабходных
выпадках адпаведнага пагаднення.

                             Артыкул 3

     1. Бакi  пагадзiлiся захоўваць дзеючы  на чыгуначным транспарце
парадак  ажыццяўлення  мiжнародных  перавозак,  грузаў  i пасажыраў,
устаноўлены раней заключанымi мiжурадавымi Пагадненнямi памiж СССР i
другiмi  краiнамi, а  таксама  Канвенцыямi  i iншымi  Пагадненнямi ў
галiне чыгуначнага транспарту, удзельнiкам якiх з`яўляўся СССР (калi
гэта не супярэчыць заканадаўству Рэспублiкi Беларусь i заканадаўству
Рэспублiкi Казахстан).
     Пералiк такiх   Пагадненняў   i  Канвенцый  вызначаецца  Бакамi
асобным пагадненнем.

     2. Бакi пакiдаюць за сабой права заключаць пагадненнi ў  галiне
чыгуначнага транспарту  з  iншымi  краiнамi,  не закранаючы асноўных
iнтарэсаў другога Боку,  i ў выпадку  заключэння  такiх  Пагадненняў
будуць паведамляць аб гэтым другому Боку.

                             Артыкул 4

     Бакi прымаюць абавязацельствы:
     выконваць узаемаўзгодненыя   кампетэнтнымi    органамi    Бакоў
абавязацельствы па  набыццю,  утрыманню  i рамонту рухомага саставу,
кантэйнераў, абсталявання i тэхнiкi;
     захоўваць дзеючыя   схемы   абарачэння   пасажырскiх   паяздоў,
напрамкаў вагона-  i  грузапатокаў,   план   фармiравання   грузавых
паяздоў, а змяненнi iх ажыццяўляць па ўзаемнай дамоўленасцi;
     праводзiць перагаворы па эканамiчнай ацэнцы  i  ўлiку  ўзаемных
iнтарэсаў, вызначэнню    парадку    падрыхтоўкi    i    зацвярджэння
тэхналагiчных параметраў перавозачнай работы ўпаўнаважанымi Бакоў.

                             Артыкул 5

     Дзяржаўныя прадпрыемствы      i       арганiзацыi,       органы
матэрыяльна-тэхнiчнага забеспячэння Рэспублiкi Беларусь i Рэспублiкi
Казахстан забяспечаць  узаемную  пастаўку   тэхнiкi,   абсталявання,
запасных частак  i  матэрыяльных  рэсурсаў  для  патрэб  чыгуначнага
транспарту ў аб`ёмах мiждзяржаўных паставак.

                             Артыкул 6

     1. Бакi  лiчаць  мэтазгодным  каардынаваць  дзеяннi  ў   галiне
сацыяльнай палiтыкi    ў   адносiнах   да   работнiкаў   чыгуначнага
транспарту, iнфармуючы адзiн аднаго аб рашэннях, якiя рыхтуюцца.

     2. Бакi  вывучаць  магчымасць  захавання  на  тэрыторыях  сваiх
дзяржаў устаноўленых  раней  прафесiянальных  iльгот  для работнiкаў
чыгуначнага транспарту.

                             Артыкул 7

     Бакi     будуць    каардынаваць     i    праводзiць     адзiную
навукова-тэхнiчную палiтыку на чыгуначным транспарце.

                             Артыкул 8

     1. Бакi  будуць  супрацоўнiчать  у  галiне навучання iнжынераў,
тэхнiкаў, а таксама кадраў масавых прафесiй чыгуначнага транспарту i
распрацоўкi адзiных патрабаванняў да ўзроўню iх падрыхтоўкi.

     2. Выдадзеныя     аб     заканчэннi     навучальнай    установы
квалiфiкацыйныя дакументы  будуць  мець  роўную  юрыдычную  сiлу  на
тэрыторыi абедзвюх дзяржаў.

                             Артыкул 9

     Усе спрэчныя  пытаннi,  якiя  ўзнiкаюць  у  вынiку тлумачэння i
прымянення гэтага Пагаднення,  будуць вырашацца шляхам перагавораў i
кансультацый. Змяненнi  i дапаўненнi да яго афармляюцца пратаколамi,
якiя пасля зацвярджэння або ўзгаднення Бакамi з`яўляюцца  неад`емнай
часткай Пагаднення.

                             Артыкул 10

     Бакi  заяўляюць, што  гэтае Пагадненне  адкрыта для  падпiсання
ўрадам  любой   незалежнай  дзяржавы,  чыгуначная   сетка  якой  мае
тэхналагiчную  сувязь  з  чыгуначнай  сеткай  Рэспублiкi  Беларусь i
Рэспублiкi  Казахстан,  або  iншай   дзяржавы,  якая  далучылася  да
дадзенага Пагаднення.

                             Артыкул 11

     Гэтае Пагадненне  ўступае  ў сiлу з дня яго падпiсання  i будзе
дзейнiчаць надалей да сканчэння 90 дзён з дня,  калi адзiн  з  Бакоў
паведамiць другому Боку ў пiсьмовым выглядзе аб сваiм намеры спынiць
дзеянне Пагаднення.

     Учынена ў г.Алма-Аце 16 верасня 1992  г.  у  двух  экземплярах,
кожны на  беларускай,  казахскай  i рускай мовах,  прычым усе тэксты
маюць аднолькавую сiлу.  Тэкст на  рускай  мове  з`яўляецца  рабочым
дакументам.


 За Урад Рэспублiкi Беларусь                 ______________ подпiс
 За Урад Рэспублiкi Казахстан                ______________ подпiс

<<< Главная страница | < Назад