ПАСТАНОВА МIНIСТЭРСТВА АДУКАЦЫI РЭСПУБЛIКI БЕЛАРУСЬ
                       24 снежня 2004 г. № 80

АБ УНЯСЕННI ЗМЯНЕННЯЎ У ПАЛАЖЭННЕ АБ ПАРАДКУ ЗАМЯШЧЭННЯ
ПАСАД ПРАФЕСАРСКА-ВЫКЛАДЧЫЦКАГА СКЛАДУ Ў ВЫШЭЙШЫХ
НАВУЧАЛЬНЫХ УСТАНОВАХ РЭСПУБЛIКI БЕЛАРУСЬ

     У адпаведнасцi  з  падпунктамi 4.6 i 4.20 пункта 4 Палажэння аб
Мiнiстэрстве адукацыi Рэспублiкi Беларусь,  зацверджанага пастановай
Савета  Мiнiстраў  Рэспублiкi  Беларусь ад 29 кастрычнiка 2001 г.  №
1554, Мiнiстэрства адукацыi Рэспублiкi Беларусь ПАСТАНАЎЛЯЕ:
     Унесцi ў     Палажэнне     аб    парадку    замяшчэння    пасад
прафесарска-выкладчыцкага складу ў  вышэйшых  навучальных  установах
Рэспублiкi Беларусь, зацверджанае загадам Мiнiстра адукацыi i навукi
Рэспублiкi Беларусь ад 15 лютага 1996  г.  №  58  (зарэгiстравана  ў
Рэестры   дзяржаўнай  рэгiстрацыi  28  лютага  1996  г.  №  1317/12;
Национальный реестр правовых актов Республики Беларусь,  1999 г.,  №
54, 8/512; 2000 г., № 58, 8/3586), наступныя змяненнi:
     пункт 1.2 выкласцi ў наступнай рэдакцыi:
     "1.2. Пасады загадчыкаў кафедраў, прафесараў, дацэнтаў, старшых
выкладчыкаў,  выкладчыкаў  i  асiстэнтаў  замяшчаюцца па конкурсе на
тэрмiн  да  пяцi  гадоў. У конкурсе могуць прымаць удзел асобы, якiя
займаюць  вышэйназваныя  пасады, а таксама iншыя прэтэндэнты. Асобы,
якiя  выбраны  па  конкурсе,  прымаюцца  на адпаведныя пасады шляхам
заключэння  кантракта. Тэрмiн, на якi заключаецца кантракт, вызначае
наймальнiк.  У  выпадку,  калi  кантракт заключаны на тэрмiн менш як
пяць  гадоў,  наймальнiк  мае  права  падоўжыць  яго ў межах тэрмiна
выбрання  па конкурсе або зноў аб`явiць конкурс. Асоба, якая выбрана
па  конкурсе,  можа адмовiцца ад заключэння кантракта, у вынiку чаго
выбранне на пасаду можа аказацца нерэалiзаваным.";
     пункт 2.33 выключыць.

Мiнiстр                                                 А.М.Радзькоў