Закон Республики Беларусь от 16 мая 2006 г. №105-З
"Аб унясеннi змяненняў i дапаўненняў у Закон Рэспублiкi Беларусь "Аб культуры ў Рэспублiцы Беларусь"
ЗАКОН РЭСПУБЛІКІ БЕЛАРУСЬ
16 мая 2006 г. № 105-З
АБ УНЯСЕННІ ЗМЯНЕННЯЎ І ДАПАЎНЕННЯЎ У ЗАКОН
РЭСПУБЛІКІ БЕЛАРУСЬ «АБ КУЛЬТУРЫ Ў РЭСПУБЛІЦЫ
БЕЛАРУСЬ»
Прыняты Палатай прадстаўнікоў 3 красавіка 2006 года
Адобраны Саветам Рэспублікі 24 красавіка 2006 года
Артыкул 1. Унесці ў Закон Рэспублікі Беларусь ад 4 чэрвеня
1991 года «Аб культуры ў Рэспубліцы Беларусь» у рэдакцыі Закона
Рэспублікі Беларусь ад 18 мая 2004 года (Ведамасці Вярхоўнага Савета
Беларускай ССР, 1991 г., № 20, арт. 291; Национальный реестр
правовых актов Республики Беларусь, 2004 г., № 87, 2/1031) наступныя
змяненні і дапаўненні:
1. У артыкуле 12:
у абзацы дзесятым словы «і спонсарскую дзейнасць у» замяніць
словамі «дзейнасць i прадастаўленне бязвыплатнай (спонсарскай)
дапамогі ў»;
з абзаца дваццаць восьмага словы «матэрыяльных рухомых»
выключыць.
2. У артыкуле 21:
пункт 1 выкласці ў наступнай рэдакцыі:
«1. Арганізацыі культуры ў Рэспубліцы Беларусь па форме
ўласнасці падзяляюцца на дзяржаўныя і прыватныя, па асноўнай мэце
дзейнасці - на камерцыйныя і некамерцыйныя.»;
у абзацы першым пункта 2 словы «Па характару дзейнасці
арганізацыі» замяніць словам «Арганізацыі»;
дапоўніць артыкул пунктамі 3-1-3-3 наступнага зместу:
«3-1. Арганізацыі культуры, якія ажыццяўляюць культурную
дзейнасць праз падрыхтоўку, арганізацыю, паказ i (або) правядзенне
спектакляў, канцэртаў ці іншых публічных паказаў, лічацца тэатральна-
відовішчнымі.
Да тэатральна-відовішчных арганізацый адносяцца тэатры, цыркі,
канцэртныя арганізацыі, іншыя тыпы арганізацый культуры, якія
ажыццяўляюць культурную дзейнасць, указаную ў частцы першай гэтага
пункта.
3-2. Арганізацыі культуры, якія ажыццяўляюць культурную
дзейнасць праз забеспячэнне доступу фізічных асоб да культурных
каштоўнасцей, што знаходзяцца ў фондах гэтых арганізацый, або праз
стварэнне ўмоў для заняцця народнай і мастацкай творчасцю,
самаадукацыяй, а таксама для духоўнага і фізічнага развіцця, лічацца
культурна-асветнымі.
Да культурна-асветных арганізацый адносяцца музеі, бібліятэкі,
клубныя ўстановы, іншыя тыпы арганізацый культуры, якія ажыццяўляюць
культурную дзейнасць, указаную ў частцы першай гэтага пункта.
3-3. Арганізацыям культуры ў выпадках, вызначаных Прэзідэнтам
Рэспублікі Беларусь, можа быць прысвоены статус «нацыянальны».
Парадак прысваення, перыядычнага пацвярджэння, пазбаўлення
статусу «нацыянальны» i асаблівасці прававога становішча арганізацый
культуры з такім статусам вызначаюцца Прэзідэнтам Рэспублікі
Беларусь.».
3. Артыкул 33 выкласці ў наступнай рэдакцыі:
«Артыкул 33. Акадэмічныя прафесійныя калектывы
1. Прафесійным калектывам, якія ўнеслі значны ўклад у развіццё
беларускай культуры і мастацтва, можа быць прысвоены статус
«акадэмічны».
2. Парадак прысваення, перыядычнага пацвярджэння, пазбаўлення
статусу «акадэмічны» i асаблівасці прававога становішча прафесійных
калектываў з такім статусам вызначаюцца Урадам Рэспублікі
Беларусь.».
4. Артыкул 35 выкласці ў наступнай рэдакцыі:
«Артыкул 35. Віды культурных каштоўнасцей
1. У залежнасці ад формы ўвасаблення зместу культурныя
каштоўнасці падзяляюцца на:
1.1. матэрыяльныя культурныя каштоўнасці;
1.2. нематэрыяльныя культурныя каштоўнасці.
2. У залежнасці ад асаблівасцей захоўвання (аховы) і
выкарыстання культурныя каштоўнасці падзяляюцца на:
2.1. гісторыка-культурныя каштоўнасці;
2.2. культурныя каштоўнасці, якія складаюць Бібліятэчны фонд
Рэспублікі Беларусь або ўключаны ў Музейны фонд Рэспублікі Беларусь,
за выключэннем прызнаных гісторыка-культурнымі каштоўнасцямі;
2.3. культурныя каштоўнасці, прадстаўленыя ва ўстаноўленым
парадку для надання ім статусу гісторыка-культурных каштоўнасцей;
2.4. іншыя культурныя каштоўнасці.».
5. Артыкул 36 выкласці ў наступнай рэдакцыі:
«Артыкул 36. Гісторыка-культурныя каштоўнасці
Парадак надання матэрыяльным аб’ектам і нематэрыяльным
праяўленням творчасці чалавека, якія маюць адметныя духоўныя,
мастацкія і (або) дакументальныя вартасці, статусу гісторыка-
культурных каштоўнасцей, іншыя пытанні аховы гісторыка-культурных
каштоўнасцей рэгулююцца заканадаўствам аб ахове гісторыка-культурнай
спадчыны.».
6. У артыкуле 37:
з пункта 1 словы «матэрыяльных рухомых» выключыць;
пункт 2 выкласці ў наступнай рэдакцыі:
«2. Парадак вывазу за межы Рэспублікі Беларусь гісторыка-
культурных каштоўнасцей рэгулюецца заканадаўствам аб ахове гісторыка-
культурнай спадчыны.»;
з пунктаў 3, 5 і 7 слова «рухомыя» ў адпаведным склоне
выключыць;
у пункце 3 словы «бібліятэчны, музейны і архіўны фонды
Рэспублікі Беларусь» замяніць словамі «Бібліятэчны фонд Рэспублікі
Беларусь або ўключаны ў Музейны фонд Рэспублікі Беларусь»;
пункт 4 выкласці ў наступнай рэдакцыі:
«4. Часовы вываз за межы Рэспублікі Беларусь матэрыяльных
культурных каштоўнасцей, якія складаюць Бібліятэчны фонд Рэспублікі
Беларусь або ўключаны ў Музейны фонд Рэспублікі Беларусь (за
выключэннем прызнаных гісторыка-культурнымі каштоўнасцямі), а
таксама вываз за межы Рэспублікі Беларусь (часовы або на пастаяннае
захоўванне) матэрыяльных культурных каштоўнасцей, што адносяцца да
катэгорый матэрыяльных культурных каштоўнасцей, вываз якіх з
тэрыторыі Рэспублікі Беларусь абмежаваны, дапускаюцца пры наяўнасці
пісьмовага дазволу, выдадзенага Міністэрствам культуры Рэспублікі
Беларусь. Спіс катэгорый матэрыяльных культурных каштоўнасцей, вываз
якіх з тэрыторыі Рэспублікі Беларусь абмежаваны, зацвярджаецца
Урадам Рэспублікі Беларусь.»;
у пункце 6 лічбы «2-5» замяніць лічбамі «3-5».
Артыкул 2. Гэты Закон уступае ў сілу з дня яго афіцыйнага
апублікавання.
Артыкул 3. Савету Miністpaў Рэспублікі Беларусь у шасцімесячны
тэрмiн пасля ўступлення ў сілу гэтага Закона:
забяспечыць прывядзенне актаў заканадаўства ў адпаведнасць з
гэтым Законам;
прыняць іншыя меры, неабходныя для рэалізацыі палажэнняў
гэтага Закона.
Прэзідэнт Рэспублікі Беларусь А.Лукашэнка
|
