МIНIСТЭРСТВА АДУКАЦЫI РЭСПУБЛIКI БЕЛАРУСЬ
Зацверджана загадам
Мiнiстра адукацыi
Рэспублiкi Беларусь
ад 28 чэрвеня 1993 г.,
N 203
Узгоднена
Мiнiстэрства фiнансаў
Рэспублiкi Беларусь
Намеснiк Мiнiстра А.I.Сверж
15.11.93 г.
Дзяржаўны камiтэт
Рэспублiкi Беларусь па
працы i сацыяльнай абароне
насельнiцтва
15.11.93 г.
ПАЛАЖЭННЕ
АБ ДЗЯРЖАЎНАЙ IНСПЕКЦЫI НАВУЧАЛЬНЫХ УСТАНОЎ
МIНIСТЭРСТВА АДУКАЦЫI РЭСПУБЛIКI БЕЛАРУСЬ
===
___________________________________________________________
Утратило силу постановлением Министерства образования от 6
апреля 2004 г. № 26 (зарегистрировано в Национальном
реестре - № 8/11109 от 15.06.2004 г.)
1. АГУЛЬНЫЯ ПАЛАЖЭННI
1.1. Дзяржаўная iнспекцыя навучальных устаноў Мiнiстэрства
адукацыi Рэспублiкi Беларусь (у далейшым Дзяржiнспекцыя) з`яўляецца
самастойным падраздзяленнем, падведамным Мiнiстэрству адукацыi
Рэспублiкi Беларусь.
1.2. Асноўнымi задачамi дзейнасцi Дзяржiнспекцыi з`яўляюцца:
1.2.1. Аналiз выканання Закону Рэспублiкi Беларусь "Аб адукацыi
ў Рэспублiцы Беларусь" галiновымi мiнiстэрствамi i ведамствамi,
прадпрыемствамi, арганiзацыямi, грамадскiмi аб`яднаннямi,
грамадзянамi, навучальнымi ўстановамi незалежна ад ведамаснай
прыналежнасцi i форм уласнасцi, менавiта:
- рэалiзацыя мэт нацыянальнай сiстэмы адукацыi ў Рэспублiцы
Беларусь;
- выкананне прынцыпаў дзяржаўнай палiтыкi ў галiне адукацыi;
- ажыццяўленне функцый сiстэмы адукацыi;
- выкарыстанне правоў i выкананне абавязкаў у сферы адукацыi;
- забеспячэнне матэрыяльнай базы i фiнансавання сiстэмы
адукацыi;
- ажыццяўленне супрацоўнiцтва i мiжнародных сувязей у галiне
адукацыi.
1.2.2. Аналiз выканання законаў Вярхоўнага Савета, пастаноў
Савета Мiнiстраў Рэспублiкi Беларусь i iншых заканадаўчых актаў,
якiя адносяцца да галiны адукацыi.
1.2.3. Ажыццяўленне кантролю за выкананнем пастаноў калегii,
загадаў i распараджэнняў Мiнiстэрства адукацыi Рэспублiкi Беларусь
органамi кiравання i навучальнымi ўстановамi.
1.2.4. Аналiз дзейнасцi (iнспектаванне, атэстацыя i
акрэдытацыя) усiх тыпаў i вiдаў агульнаадукацыйных школ,
прафесiйна-тэхнiчных вучылiшчаў, сярэднiх спецыяльных i вышэйшых
навучальных устаноў, навучальных устаноў павышэння квалiфiкацыi,
размешчаных на тэрыторыi рэспублiкi, незалежна ад ведамаснай
прыналежнасцi i форм уласнасцi.
1.2.5. Аналiз забеспячэння рэгiянальных патрэбнасцей у
квалiфiкаваных рабочых i спецыялiстах з сярэдняй спецыяльнай i
вышэйшай адукацыяй iснуючымi навучальнымi ўстановамi i наменклатурай
спецыяльнасцей у iх.
1.2.6. Вывучэнне i прадстаўленне Мiнiстэрству адукацыi
Рэспублiкi Беларусь матэрыялаў на прадмет выдачы лiцэнзiй для
адкрыцця новых тыпаў навучальных устаноў (лiцэяў, гiмназiй,
каледжаў, вышэйшых прафесiйна-тэхнiчных вучылiшчаў); аналiз iх
дзейнасцi i перспектыў развiцця.
1.2.7. Аналiз стану i развiцця сiстэмы адукацыi, кантроль за
навучальнымi i iншымi ўстановамi адукацыi на тэрыторыi рэспублiкi па
выкананнi iмi дзяржаўных патрабаванняў да адукацыi.
1.3. Дзяржiнспекцыя кiруецца ў сваёй дзейнасцi заканадаўствам
Рэспублiкi Беларусь i гэтым Палажэннем.
1.4. Дзяржiнспекцыя працуе ў непасрэдным кантакце з
упраўленнямi, аддзеламi i iншымi структурнымi падраздзяленнямi
Мiнiстэрства адукацыi, ва ўзаемадзеяннi з галiновымi мiнiстэрствамi
i ведамствамi, якiя маюць у сваiм падпарадкаваннi навучальныя
установы; абласнымi, гарадскiмi, раённымi ўпраўленнямi i аддзеламi
адукацыi, а таксама базавымi прадпрыемствамi.
1.5. Дзяржiнспекцыя ажыццяўляе кантроль за ўмацаваннем
дзяржаўнай, планавай, працоўнай i выканаўчай дысцыплiны ў сiстэме
адукацыi, за павышэннем адказнасцi кiруючых i педагагiчных кадраў за
стан спраў на давераным участку работы, за ўдасканаленнем сiстэмы
кантролю ў сферы адукацыi на аснове яго галоснасцi, дэмакратызацыi,
спалучэння дзяржаўных i грамадскiх формаў, павышэннем дзейнасцi i
эфектыўнасцi кантролю з боку органаў упраўлення.
1.6. Найважнейшымi ўмовамi эфектыўнасцi iнспектавання
з`яўляецца планавасць i сiстэматычнасць, усебаковасць i
навукова-педагагiчная глыбiня аналiзу, аб`ектыўнасць ацэнак,
доказнасць ведаў, прынцыповая патрабавальнасць i тактоўнасць
iнспектуючых асоб, шырокая галоснасць i дэмакратычнасць у работе,
аказанне дапамогi па лiквiдацыi недахопаў i праверка выканання сваiх
рашэнняў.
1.7. Дзяржiнспекцыя з`яўляецца юрыдычнай асобай, мае пячатку з
выявай Дзяржаўнага герба Рэспублiкi Беларусь i са сваiм найменнем,
разлiковыя i iншыя рахункi ў банках, якiя адкрываюцца ва
ўстаноўленным парадку.
1.8. Пастанова Дзяржiнспекцыi можа быць апратэставана згодна з
заканадаўствам Рэспублiкi Беларусь.
2. ЗМЕСТ РАБОТЫ ДЗЯРЖIНСПЕКЦЫI
2.1. Работа Дзяржiнспекцыi ажыццяўляецца па
тэрытарыяльна-праблемнаму прынцыпу.
2.2. Для выканання ўскладзеных на яе задач Дзяржiнспекцыя:
- сумесна з органамi ўпраўлення, навучальнымi ўстановамi
распрацоўвае i каардынуе кантрольныя мерапрыемствы па вырашэннi
задач, вынiкаючых з Закона "Аб адукацыi ў Рэспублiцы Беларусь";
- арганiзуе i праводзiць iнспектаванне, атэстацыю i акрэдытацыю
ўсiх тыпаў i вiдаў агульнаадукацыйных школ, прафесiянальна-тэхнiчных
вучылiшчаў, сярэднiх спецыяльных, вышэйшых, павышэння квалiфiкацыi i
iншых навучальных устаноў, размешчаных на тэрыторыi рэспублiкi, дае
дзяржаўную ацэнку навучання i якасцi падрыхтоўкi спецыялiстаў;
- арганiзуе састаўленне i экспертызу заданняў для правядзення
комплексных кантрольных работ па спецыяльнасцях, кантрольных работ
па асобных прадметах, анкет i iншых неабходных
кантрольна-дыягнастычных матэрыялаў па пытаннях, якiя уваходзяць у
яе кампетэнцыю;
- складае аналiтычныя агляды па вывучаных пытаннях з
абавязковай ацэнкай стану работы, прычын iснуючых недахопаў i шляхоў
iх лiквiдацыi, даводзiць да ведама кiраўнiцтва мiнiстэрстваў i
ведамстваў свае заключэннi;
- сумесна з педагагiчнымi калектывамi навучальных устаноў вядзе
пошук найбольш эфектыўных форм i метадаў работы, накiраваных на
рашэнне канкрэтных задач навучання i выхавання, на падрыхтоўку
квалiфiкаваных рабочых i спецыялiстаў з сярэдняй спецыяльнай i
вышэйшай адукацыяй;
- аказвае арганiзацыйна-метадычную дапамогу навучальным
установам у дэмакратызацыi навучальна-выхаваўчага працэсу i стылю
кiравання iмi;
- дае аналiтычны агляд стану кiраўнiцкай дзейнасцi апарату
ўстановы i ўносiць прапановы органам кiравання па аказаннi
неабходнай дапамогi кiраўнiцтву i педагагiчнаму калектыву па
пытаннях удасканалення навучальна-выхаваўчага працэсу;
- вызначае дасягненнi навучэнцамi iнспектуемых, атэстуемых i
акрэдытуемых навучальных устаноў дзяржаўнага стандарту адукацыi,
адпаведнасць зместу навучання вучняў агульнаадукацыйных школ,
навучэнцаў прафесiянальна-тэхнiчных вучылiшчаў i сярэднiх
спецыяльных навучальных устаноў, студэнтаў вышэйшых навучальных
устаноў патрабаванням квалiфiкацыйных характарыстык.
2.3. Асноўнымi метадамi i прыёмамi ў дзейнасцi супрацоўнiкаў
Дзяржiнспекцыi з`яўляюцца назiраннi, аналiз, гутаркi з вучнямi,
навучэнцамi, студэнтамi, настаўнiкамi i выкладчыкамi, прадстаўнiкамi
прадпрыемстваў i кiраўнiкамi навучальных устаноў, анкетаванне,
правядзенне вусных i пiсьмовых праверак ведаў, уменняў i навыкаў
навучаючыхся ў адпаведнасцi з патрабаваннямi квалiфiкацыйных
характарыстык да спецыялiстаў, атрыманне водзываў з прадпрыемстваў,
дзе працуюць выпускнiкi навучальнай установы, наведванне заняткаў,
аналiз навучальна-плануючай дакументацыi i iнш.
2.4. Вынiкi iнспектарскай праверкi афармляюцца актам, даведкай,
iнфармацыяй, дакладной запiскай з абгрунтаванай высновай i
канкрэтнымi прапановамi па лiквiдацыi недахопаў цi абагульненнi
вопыту.
2.5. Па вынiках праверкi ў залежнасцi ад яе мэт, задач i
абставiн праводзяцца вучоны савет, савет навучальнай установы,
педагагiчны (метадычны) савет, пасяджэннi структурных
падраздзяленняў i г.д.
2.6. Пастановы i заключэннi Дзяржiнспекцыi ў межах яе
кампетэнцыi з`яўляюцца абавязковымi да выканання навучальнымi
ўстановамi, мiнiстэрствамi, ведамствамi, абласнымi, гарадскiмi
ўпраўленнямi i раённымi аддзеламi адукацыi.
2.7. Для рашэння ўскладзеных на iх задач работнiкi
Дзяржiнспекцыi маюць права:
- прымаць удзел у пасяджэннях вучоных саветаў, калегiй, саветаў
аддзелаў адукацыi, педагагiчных (метадычных) саветаў навучальных
устаноў, прысутнiчаць на пераводных, семестравых, курсавых i
выпускных экзаменах, абароне курсавых i дыпломных работ;
- атрымлiваць ва ўстаноўленым парадку ад адпаведных
мiнiстэрстваў i ведамстваў, прадпрыемстваў, арганiзацый i
навучальных устаноў матэрыялы, якiя тычацца падрыхтоўкi i
выкарыстання спецыялiстаў i рабочых кадраў;
- вывучаць арганiзацыю практычнага навучання вучняў школ,
навучэнцаў ПТВ i ССНУ, студэнтаў ВНУ на прадпрыемствах i ў
арганiзацыях;
- у выпадку нездавальняючай ацэнкi вынiкаў дзейнасцi
навучальнай установы цi асобных педагагiчных работнiкаў ставiць
пытанне перад атэстацыйнай камiсiяй або вучоным саветам навучальнай
установы аб адпаведнасцi апошнiх прысвоенай катэгорыi цi займаемай
пасадзе; адначасова ўносiць прапановы аб заахвочваннi работнiкаў за
поспехi ў педагагiчнай дзейнасцi i выхаваннi падрастаючага
пакалення;
- уносiць на разгляд у мясцовыя органы ўлады, Мiнiстэрства
адукацыi Рэспублiкi Беларусь, iншыя мiнiстэрствы i ведамствы
прапановы па ўдасканаленнi дзейнасцi, закрыццi цi рэарганiзацыi
асобных навучальных устаноў, аб спыненнi падрыхтоўкi спецыялiстаў па
асобных спецыяльнасцях у выпадку нездавальняючых вынiкаў атэстацыi
(iнспектавання) або выяўленай неадпаведнасцi структуры падрыхтоўкi
спецыялiстаў, попыту на iх;
- патрабаваць адмены загадаў, указанняў i iншых ведамасных
нарматыўных актаў, выдадзеных кiраўнiкамi органаў упраўлення i
навучальных устаноў з парушэннем дзеючага заканадаўства;
- удзельнiчаць у падрыхтоўцы i разглядзе калегiй
Мiнiстэрства адукацыi, другiх мiнiстэрстваў i ведамстваў
Рэспублiкi Беларусь пытанняў, уваходзячых у кампетэнцыю
Дзяржiнспекцыi;
- прыцягваць да правядзення аналiтычнай, iнспектарскай,
атэстацыйнай i акрэдытацыйнай работы, распрацоўкi заданняў
кантрольных работ высокаквалiфiкаваных спецыялiстаў адукацыi (СШ,
ПТВ, ССНУ, ВНУ, НДI, установы павышэння квалiфiкацыi), базавых
прадпрыемстваў i грамадскасць з вызваленнем на гэты тэрмiн ад
асноўнай работы па ўзгадненнi з iх кiраўнiцтвам;
- па ўзгадненнi з вучэбнымi ўпраўленнямi Мiнiстэрства
адукацыi, iншых мiнiстэрстваў i ведамстваў Рэспублiкi Беларусь
утвараць незалежныя дзяржаўныя камiсii па прыёму дзяржаўных
экзаменаў i абароне дыпломных работ, калi тэрмiны iх правядзення
супадаюць з тэрмiнамi iнспектавання, атэстацыi або акрэдытацыi
навучальнай установы.
3. СТРУКТУРА I КАДРЫ ДЗЯРЖIНСПЕКЦЫI
3.1. Штатная колькасць i структура Дзяржiнспекцыi зацвярджаецца
Мiнiстэрствам адукацыi Рэспублiкi Беларусь у межах асiгнаванняў,
выдзеленых на яе ўтрыманне.
3.2. Дзяржiнспекцыя ўзначальваецца начальнiкам, якi
прызначаецца Мiнiстэрствам адукацыi Рэспублiкi Беларусь з лiку асоб,
што маюць вышэйшую адукацыю, вопыт педагагiчнай i кiруючай работы ў
сiстэме адукацыi. Ён з`яўляецца членам калегii Мiнiстэрства
адукацыi.
3.3. Начальнiк Дзяржiнспекцыi ажыццяўляе кiраўнiцтва
Дзяржiнспекцыяй, нясе персанальную адказнасць за яе работу,
устанаўлiвае службовыя абавязкi работнiкаў, з`яўляецца распарадчыкам
крэдытаў.
3.4. Намеснiк начальнiка Дзяржiнспекцыi прызначаецца яе
начальнiкам з лiку асоб, якiя маюць вышэйшую адукацыю, вопыт
педагагiчнай i кiруючай работы ў органах адукацыi.
3.5. Iнспектары Дзяржiнспекцыi падбiраюцца i прызначаюцца яе
начальнiкам на конкурснай аснове з найбольш аўтарытэтных кiраўнiкоў
навучальных устаноў, выкладчыкаў (настаўнiкаў), якiя маюць вышэйшую
адукацыю i педагагiчны стаж не менш за 10 гадоў;
навукова-педагагiчных работнiкаў, якiя валодаюць шырокай
педагагiчнай эрудыцыяй, арганiзатарскiмi навыкамi, добра ведаюць
прынцыпы арганiзацыi i дзейнасцi навучальных устаноў, органаў
упраўлення iмi.
3.6. Начальнiк Дзяржiнспекцыi, яго намеснiк i iнспектары
з`яўляюцца прадстаўнiкамi ў дзяржаўных i грамадскiх арганiзацыях,
установах i прадпрыемствах Рэспублiкi Беларусь па пытаннях, якiя
ўваходзяць у iх кампетэнцыю, без асобай на тое даверанасцi.
3.7. Работнiкi Дзяржiнспекцыi нясуць ва ўстаноўленым парадку
персанальную адказнасць за выкананне ўскладзеных на iх абавязкаў,
правiльнае выкарыстанне дадзеных iм правоў, за захаванне ў сваёй
дзейнасцi агульнадзяржаўных iнтарэсаў.
3.8. Кiраўнiкi i iнспектары Дзяржiнспекцыi павышаюць сваю
квалiфiкацыю ў iнстытутах павышэння квалiфiкацыi, удасканалення
настаўнiкаў не менш аднаго разу ў 5 гадоў, а таксама праходзяць
адзiн раз у 5 гадоў атэстацыю. У вынiку нездавальняючай атэстацыi
яны вызваляюцца ад пасады ва ўстаноўленым законам парадку.
----------------------------------
Дзяржаўная рэгщстрацыя.
Нумар: 95/12
Дата: 16.11.93 г.
<<< Главная
страница | < Назад
|
