ПАСТАНОВА САВЕТА МIНIСТРАЎ РЭСПУБЛIКI БЕЛАРУСЬ
                      28 лiстапада 2000 г. № 1793

 АБ УЗНАГАРОДЖАННI РАБОТНIКАЎ СIСТЭМЫ АДУКАЦЫI ГАНАРОВАЙ 
 ГРАМАТАЙ САВЕТА МIНIСТРАЎ РЭСПУБЛIКI БЕЛАРУСЬ

     Савет Мiнiстраў Рэспублiкi Беларусь пастанаўляе:
     Узнагародзiць Ганаровай  граматай  Савета  Мiнiстраў Рэспублiкi
Беларусь:
     Бондара Васiля Аляксандравiча,  першага прарэктара па навуковай
рабоце,  праблемах  развiцця   педагагiчнай   адукацыi   Беларускага
дзяржаўнага  педагагiчнага  унiверсiтэта  iмя  Максiма  Танка,  - за
шматгадовую  плённую  працу  па   падрыхтоўцы   высокаквалiфiкаваных
педагагiчных  кадраў  i ўкараненне дасягненняў педагагiчнай навукi ў
вучэбна-выхаваўчы  працэс   агульнаадукацыйных   школ   i   вышэйшых
навучальных устаноў рэспублiкi;
     Кузьмянкова Мiхаiла  Iванавiча,  загадчыка   кафедры   хiмiчнай
тэхналогii вяжучых матэрыялаў Беларускага дзяржаўнага тэхналагiчнага
унiверсiтэта,  -  за   шматгадовую   плённую   навукова-педагагiчную
дзейнасць,  вялiкi  асабiсты  ўклад  у  распрацоўку  новых навуковых
напрамкаў,  падрыхтоўку  высокаквалiфiкаваных  кадраў  для  народнай
гаспадаркi рэспублiкi;
     Рухлю Аляксандра Мiкалаевiча, начальнiка ўпраўлення мiжнародных
сувязей  Беларускага  дзяржаўнага  унiверсiтэта,  -  за  шматгадовую
плённую    працу   па  мiжнароднаму  супрацоўнiцтву  па   лiквiдацыi
наступстваў катастрофы на Чарнобыльскай АЭС, вялiкi асабiсты ўклад у
пашырэнне    мiжнароднай    дзейнасцi    Беларускага     дзяржаўнага
унiверсiтэта;
     Свiдуновiча    Мiкалая    Аляксандравiча,   загадчыка   кафедры
матэрыялазнаўства  i  тэхналогii  металаў  Беларускага   дзяржаўнага
тэхналагiчнага  унiверсiтэта,  - за значны асабiсты ўклад у развiццё
перспектыўных        навуковых      даследаванняў,       падрыхтоўку
высокаквалiфiкаваных  iнжынерных  кадраў  для  народнай   гаспадаркi
рэспублiкi;
     Федарэнчыка  Аляксандра  Сямёнавiча,  прарэктара  па   вучэбнай
рабоце  Беларускага  дзяржаўнага  тэхналагiчнага  унiверсiтэта, - за
шматгадовую плённую навукова-педагагiчную дзейнасць, значны асабiсты
ўклад  у  падрыхтоўку высокаквалiфiкаваных спецыялiстаў для народнай
гаспадаркi рэспублiкi.
     
 Прэм`ер-мiнiстр Рэспублiкi Беларусь                       У.ЯРМОШЫН

<<< Главная страница | < Назад