ПАСТАНОВА САВЕТА МIНIСТРАЎ РЭСПУБЛIКI БЕЛАРУСЬ
                      7 жнiўня 2000 г. № 1209

 АБ ПРАВЯДЗЕННI ДЗЁН НАВУКI РЭСПУБЛIКI БЕЛАРУСЬ У 
 САЦЫЯЛIСТЫЧНАЙ РЭСПУБЛIЦЫ В`ЕТНАМ

     Савет Мiнiстраў Рэспублiкi Беларусь пастанаўляе:
     
     1. Пагадзiцца  з  прапановай  Дзяржаўнага  камiтэта па навуцы i
тэхналогiях,    узгодненай    з    Мiнiстэрствам   замежных   спраў,
Мiнiстэрствам    фiнансаў,    Мiнiстэрствам    юстыцыi    i   iншымi
зацiкаўленымi, аб  правядзеннi  ў  лiстападзе  2000 года Дзён навукi
Рэспублiкi Беларусь у Сацыялiстычнай Рэспублiцы В`етнам.
     Вызначыць Дзяржаўны камiтэт па навуцы i тэхналогiях адказным за
падрыхтоўку i правядзенне ўказанага мерапрыемства.
     
     2. Зацвердзiць  склад арганiзацыйнага камiтэта па падрыхтоўцы i
правядзенню   Дзён  навукi  Рэспублiкi  Беларусь  у   Сацыялiстычнай
Рэспублiцы В`етнам (прыкладаецца).
     
     3. Выдзелiць у  2000  годзе  Беларускаму  iнстытуту  сiстэмнага
аналiзу i   iнфармацыйнага   забеспячэння  навукова-тэхнiчнай  сферы
Дзяржаўнага камiтэта  па  навуцы  i  тэхналогiях  са  сродкаў,  якiя
прадугледжаны    ў    рэспублiканскiм    бюджэце    на   мiжнароднае
навукова-тэхнiчнае супрацоўнiцтва,  43,2 млн.рублёў  на  правядзенне
Дзён навукi Рэспублiкi Беларусь у Сацыялiстычнай Рэспублiцы В`етнам.
     Мiнiстэрству   фiнансаў,  Дзяржаўнаму  камiтэту  па  навуцы   i
тэхналогiях  забяспечыць  кантроль за мэтавым выкарыстаннем указаных
сродкаў.
     
 Прэм`ер-мiнiстр Рэспублiкi Беларусь                       У.ЯРМОШЫН

                                          ЗАЦВЕРДЖАНА
                                          Пастанова Савета Мiнiстраў
                                          Рэспублiкi Беларусь
                                          07.08.2000 № 1209
     
          Склад арганiзацыйнага камiтэта па падрыхтоўцы i
           правядзенню Дзён навукi Рэспублiкi Беларусь у
                 Сацыялiстычнай Рэспублiцы В`етнам
     
 Байкоў                    - першы намеснiк Старшынi Дзяржаўнага
 Уладзiмiр Пятровiч          камiтэта па навуцы i тэхналогiях
                             (старшыня арганiзацыйнага камiтэта)

 Валатоўскi                - вiцэ-прэзiдэнт Нацыянальнай
 Iгар Дзмiтрыевiч            акадэмii навук Беларусi (намеснiк
                             старшынi арганiзацыйнага камiтэта)

 Сяркова                   - галоўны спецыялiст аддзела мiжнароднага
 Тамара Рыгораўна            навукова-тэхнiчнага супрацоўнiцтва
                             Дзяржаўнага камiтэта па навуцы i
                             тэхналогiях (сакратар арганiзацыйнага
                             камiтэта)

 Ляднёў                    - начальнiк упраўлення навукова-тэхнiчнай
 Юрый Гур`евiч               палiтыкi Мiнiстэрства прамысловасцi

 Прановiч                  - галоўны спецыялiст упраўлення
 Уладзiмiр Барысавiч         сацыяльна-культурнай палiтыкi
                             Апарату Савета Мiнiстраў Рэспублiкi
                             Беларусь

 Рахманаў                  - прарэктар па навуковай рабоце
 Сяргей Кiмавiч              Беларускага дзяржаўнага унiверсiтэта

 Рачэўскi                  - начальнiк аддзела мiжнароднага
 Аляксандр Мiкалаевiч        супрацоўнiцтва i навукi Мiнiстэрства
                             прыродных рэсурсаў i аховы навакольнага
                             асяроддзя

 Самусевiч                 - саветнiк упраўлення Азii i Афрыкi
 Дзмiтрый Мiхайлавiч         Мiнiстэрства замежных спраў

 Сверж                     - намеснiк Мiнiстра фiнансаў
 Анатоль Iосiфавiч

 Слука                     - намеснiк Мiнiстра адукацыi
 Алег Георгiевiч

 Тамашэвiч                 - начальнiк Мiнскай рэгiянальнай
 Аляксандр Iосiфавiч         мытнi

 Фамiн                     - намеснiк дырэктара Беларускага
 Мiкалай Аркадзьевiч         iнстытута сiстэмнага аналiзу i
                             iнфармацыйнага забеспячэння
                             навукова-тэхнiчнай сферы Дзяржаўнага
                             камiтэта па навуцы i тэхналогiях

<<< Главная страница | < Назад