ПАСТАНОВА САВЕТА МIНIСТРАЎ РЭСПУБЛIКI БЕЛАРУСЬ
                     17 красавiка 2000 г. N 523

 АБ ВЫДЗЯЛЕННI ШЭРАГУ ЮРЫДЫЧНЫХ АСОБ ГРАШОВЫХ СРОДКАЎ ЗА 
 КОШТ РЭСПУБЛIКАНСКАГА ФОНДУ ПАДТРЫМКI ВЫТВОРЦАЎ 
 СЕЛЬСКАГАСПАДАРЧАЙ ПРАДУКЦЫI, ХАРЧАВАННЯ I АГРАРНАЙ НАВУКI

     Савет Мiнiстраў Рэспублiкi Беларусь пастанаўляе:

     1. Выдзелiць  у  2000  годзе  са сродкаў рэспублiканскага фонду
падтрымкi  вытворцаў  сельскагаспадарчай  прадукцыi,  харчавання   i
аграрнай   навукi,   прадугледжаных   пастановай   Савета  Мiнiстраў
Рэспублiкi Беларусь ад 17 сакавiка 2000 г.  N 349 на расходы  "Iншыя
субсiдыi на неадкладныя патрэбы":
     Вiцебскай эксперыментальнай гаспадарцы Сенненскага раёна  -  20
млн.рублёў  на  набыццё  кармоў,  запасных частак,  гаруча-змазачных
матэрыялаў i мiнеральных угнаенняў;
     калгасу iмя  Калiнiна  Светлагорскага  раёна - 10 млн.рублёў на
набыццё гаруча-змазачных матэрыялаў i мiнеральных угнаенняў;
     калектыўна-долеваму сельскагаспадарчаму   прадпрыемству   "Новы
свет" Капыльскага раёна - 3  млн.рублёў  на  заканчэнне  будаўнiцтва
кароўнiка i набыццё абсталявання;
     саўгасу-камбiнату "Светлы" Чэрыкаўскага раёна -  20  млн.рублёў
на набыццё збожжа на кармавыя мэты i камбiкармоў;
     дзяржаўнаму прадпрыемству     Маладзечанскай      птушкафабрыцы
Маладзечанскага   раёна   -   5   млн.рублёў  на  набыццё  кармоў  i
гаруча-змазачных матэрыялаў.

     2. Мiнiстэрству сельскай гаспадаркi i харчавання,  Мiнiстэрству
фiнансаў  забяспечыць  кантроль  за  мэтавым  выкарыстаннем сродкаў,
выдзеленых у адпаведнасцi з дадзенай пастановай.

 Прэм`ер-мiнiстр Рэспублiкi Беларусь                       У.ЯРМОШЫН

<<< Главная страница | < Назад