ПАСТАНОВА САВЕТА МIНIСТРАЎ РЭСПУБЛIКI БЕЛАРУСЬ
                     17 верасня 2001 г. № 1374

АБ УВЕКАВЕЧАННI ПАМЯЦI Г.У.ЗАБОРСКАГА

     У   мэтах  увекавечання  памяцi  народнага  архiтэктара   СССР,
заслужанага  будаўнiка  Рэспублiкi  Беларусь,  лаўрэата   Дзяржаўнай
прэмii  Рэспублiкi  Беларусь Заборскага Георгiя Уладзiмiравiча Савет
Мiнiстраў Рэспублiкi Беларусь пастанаўляе:
     Прыняць прапанову   Мiнiстэрства   архiтэктуры  i  будаўнiцтва,
падтрыманую Мiнскiм гарвыканкамам, грамадскiм аб`яднаннем "Беларускi
саюз архiтэктараў", аб стварэннi i ўстаноўцы ў 2001 годзе помнiка на
магiле Г.У.Заборскага на Усходнiх могiлках,  а таксама  мемарыяльнай
дошкi на доме № 6 па вул.Нямiзе ў г.Мiнску, у якiм жыў Г.У.Заборскi.
     Мiнiстэрству фiнансаў   выдзелiць   у   2001   годзе   Мiнскаму
гарвыканкаму  1040  тыс.рублёў на стварэнне помнiка i 390 тыс.рублёў
на  стварэнне  мемарыяльнай  дошкi  са  сродкаў,  прадугледжаных   у
рэспублiканскiм  бюджэце  на  iншыя расходы,  не аднесеныя да другiх
падраздзелаў.
     Мiнскаму гарвыканкаму:
     ажыццявiць    фiнансаванне    работ  па  ўстаноўцы  помнiка   i
мемарыяльнай дошкi;
     прысвоiць iмя архiтэктара Г.У.Заборскага адной  з  новых  вулiц
г.Мiнска.
     Мiнiстэрству  архiтэктуры  i будаўнiцтва ўстанавiць кантроль за
мэтавым    выкарыстаннем   выдзеленых  у  адпаведнасцi  з   дадзенай
пастановай сродкаў.

Прэм`ер-мiнiстр Рэспублiкi Беларусь                        У.ЯРМОШЫН

<<< Главная страница | < Назад