ПАСТАНОВА МIНIСТЭРСТВА СТАТЫСТЫКI I АНАЛIЗУ
                        РЭСПУБЛIКI БЕЛАРУСЬ
                      13 лiпеня 2004 г. № 121

АБ ЗАЦВЯРДЖЭННI ФОРМЫ ДЗЯРЖАЎНАЙ СТАТЫСТЫЧНАЙ
СПРАВАЗДАЧНАСЦI 18-сг "СПРАВАЗДАЧА АБ НАЯЎНАСЦI
СЕЛЬСКАГАСПАДАРЧАЙ ТЭХНIКI, МАШЫН, АБСТАЛЯВАННЯ
I ЭНЕРГЕТЫЧНЫХ МАГУТНАСЦЕЙ" I ЎКАЗАННЯЎ ПА ЯЕ ЗАПАЎНЕННЮ

     На падставе  Палажэння  аб  Мiнiстэрстве  статыстыкi  i аналiзу
Рэспублiкi  Беларусь,  зацверджанага  пастановай  Савета   Мiнiстраў
Рэспублiкi   Беларусь  ад  19  красавiка  2000  г.  №  547  "Вопросы
Министерства статистики и анализа Республики Беларусь", Мiнiстэрства
статыстыкi i аналiзу Рэспублiкi Беларусь ПАСТАНАЎЛЯЕ:
     1. Зацвердзiць  прыкладзеную  форму   дзяржаўнай   статыстычнай
справаздачнасцi  18-сг  "Справаздача аб наяўнасцi сельскагаспадарчай
тэхнiкi,  машын,  абсталявання i энергетычных магутнасцей"*  гадавой
перыядычнасцi  i  ўвесцi  яе ў дзеянне,  пачынаючы са справаздачы за
2004 год.
     2. Зацвердзiць   прыкладзеныя   Указаннi  па  запаўненню  формы
дзяржаўнай  статыстычнай  справаздачнасцi  18-сг   "Справаздача   аб
наяўнасцi   сельскагаспадарчай   тэхнiкi,   машын,   абсталявання  i
энергетычных магутнасцей"* i  ўвесцi  iх  у  дзеянне,  пачынаючы  са
справаздачы за 2004 год.
______________________________
     *Не прыводзiцца.

     3. Распаўсюдзiць вызначаную ў пункце 1 дадзенай пастановы форму
дзяржаўнай  статыстычнай  справаздачнасцi  на  юрыдычныя  асобы,  iх
адасобленныя    падраздзяленнi,    асноўным  вiдам  дзейнасцi   якiх
з`яўляецца  сельскагаспадарчая  вытворчасць,  а  таксама   сялянскiя
(фермерскiя)  i  падсобныя  гаспадаркi  прамысловых,   транспартных,
будаўнiчых  i  iншых  арганiзацый,  у якiх плошча сельскагаспадарчых
зямель  складае  300  i  болей  гектараў i (або) колькасць жывелы (у
пералiку  на  ўмоўнае  пагалоўе)  100  i  болей галоў, механiзаваныя
атрады, якiя аказваюць паслугi сельскай гаспадарцы.
     4. Прызнаць страцiўшай сiлу пастанову Мiнiстэрства статыстыкi i
аналiзу  Рэспублiкi  Беларусь  ад  26  жнiўня  2002  г.  №  91   "Аб
зацвярджэннi  формы  дзяржаўнай  статыстычнай  справаздачнасцi 18-сг
"Справаздача  аб  наяўнасцi  трактароў,  сельскагаспадарчых  машын i
энергетычных магутнасцей".

Мiнiстр                                                 У.I.Зiноўскi

<<< Главная страница | < Назад