|
ПАСТАНОВА МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ
15 мая 2007 г. № 20
АБ XII БЕЛАРУСКІМ ФЕСТЫВАЛІ КАМЕРНАЙ МУЗЫКІ «МУЗЫ
НЯСВІЖА»
У адпаведнасці з Палажэннем аб парадку арганізацыі і
правядзення фестываляў на тэрыторыі Рэспублікі Беларусь, фінансуемых
з рэспубліканскага і (ці) мясцовых бюджэтаў, зацверджаным пастановай
Савета Міністраў Рэспублікі Беларусь ад 18 красавіка 2006 г. № 521,
Міністэрства культуры Рэспублікі Беларусь ПАСТАНАЎЛЯЕ:
1. Правесці ў маі 2007 года XII Беларускі фестываль камернай
музыкі «Музы Нясвіжа».
2. Зацвердзіць:
прыкладзенае Палажэнне аб ХІІ Беларускім фестывалі камернай
музыкі «Музы Нясвіжа»;
склад арганізацыйнага камітэта ХІІ Беларускага фестывалю
камернай музыкі «Музы Нясвіжа» згодна з дадаткам да дадзенай
пастановы.
Міністр У.Ф.Матвейчук
УЗГОДНЕНА
Старшыня
Мінскага абласнога
выканаўчага камітэта
Н.Ф.Дамашкевіч
14.05.2007
Дадатак
да пастановы
Міністэрства культуры
Рэспублікі Беларусь
15.05.2007 № 20
СКЛАД
арганізацыйнага камітэта ХІІ Беларускага фестывалю камернай музыкі
«Музы Нясвіжа»
Пазняк - выконваючы абавязкі першага намесніка
Андрэй Мікалаевіч старшыні Мінскага аблвыканкома
(сустаршыня)*
Макар - старшыня Нясвіжскага райвыканкома
Ігар Мікалаевіч (сустаршыня)*
Рылатка - першы намеснік Міністра культуры
Уладзімір Пятровіч (сустаршыня)
Акушэвіч - начальнік упраўлення культуры Мінскага
Анатолій Леанідавіч аблвыканкома
Віхрова - загадчык аддзела культуры Нясвіжскага
Леаніда Мікалаеўна райвыканкома
Майсеня - намеснік старшыні Нясвіжскага райвыканкома
Аляксандр Іванавіч
Фінберг - дырэктар - мастацкі кіраўнік дзяржаўнай
Міхаіл Якаўлевіч установы «Нацыянальны аркестр сімфанічнай і
эстраднай музыкі Рэспублікі Беларусь»,
народны артыст Беларусі, мастацкі кіраўнік
фестывалю
______________________________
*З яго згоды.
ЗАЦВЕРДЖАНА
Пастанова
Міністэрства культуры
Рэспублікі Беларусь
15.05.2007 № 20
ПАЛАЖЭННЕ
аб XII Беларускім фестывалі камернай музыкі «Музы Нясвіжа»
1. XII Беларускі фестываль камернай музыкі «Музы Нясвіжа»
(далей - фестываль) праводзіцца ў маі 2007 года па рашэнню
Міністэрства культуры Рэспублікі Беларусь, узгодненаму з Мінскім
абласным выканаўчым камітэтам.
2. Фестываль праводзіцца Міністэрствам культуры Рэспублікі
Беларусь, Мінскім абласным выканаўчым камітэтам, Нясвіжскім раённым
выканаўчым камітэтам, дзяржаўнай установай «Нацыянальны аркестр
сімфанічнай і эстраднай музыкі Рэспублікі Беларусь».
3. Мэтамі фестывалю з’яўляюцца:
прапаганда гісторыка-культурных каштоўнасцей;
павышэнне цікавасці да гістарычных і культурных традыцый
Рэспублікі Беларусь;
падтрымка малых гарадоў Беларусі і паляпшэнне культурна-
масавай работы, эстэтычнае выхаванне сельскіх жыхароў;
далучэнне насельніцтва да нацыянальных мастацкіх каштоўнасцей;
папулярызацыя лепшых узораў музычнай культуры Беларусі розных
часоў;
развіццё беларускага музычнага выканальніцкага мастацтва.
4. У мэтах ажыццяўлення кіраўніцтва па падрыхтоўцы і
правядзенні фэстывалю ствараецца арганізацыйны камітэт фэстывалю
(далей - аргкамітэт), які ўзаемадзейнічае з зацікаўленымі суб’ектамі
культурнай дзейнасці, іншымі арганізацыямі па пытаннях падрыхтоўкі,
правядзення фэстывалю і яго асвятлення ў сродках масавай інфармацыі.
5. Фестываль праводзіцца ў Нясвіжскім раённым цэнтры культуры
і адпачынку, Нясвіжскім гісторыка-краязнаўчым музеі, Нясвіжскім
райвыканкоме, Нясвіжскай ратушы на працягу 3 дзён.
6. Праграма фестывалю фарміруецца па ўзгадненню з мастацкім
кіраўніком фестывалю і зацвярджаецца арганізацыйным камітэтам.
7. У фестывалі прымаюць удзел дзяржаўная ўстанова «Нацыянальны
аркестр сімфанічнай і эстраднай музыкі Рэспублікі Беларусь» і іншыя
прафесійныя калектывы мастацкай творчасці і выканаўцы Рэспублікі
Беларусь.
8. У рамках мерапрыемстваў фестывалю выконваецца камерная
музыка старажытных і сучасных беларускіх кампазітараў.
9. Фінансаванне падрыхтоўкі і правядзення фестывалю
ажыццяўляецца ў адпаведнасці з заканадаўствам Рэспублікі Беларусь.
|
