|
ПАСТАНОВА САВЕТА МІНІСТРАЎ РЭСПУБЛІКІ БЕЛАРУСЬ
23 красавіка 2007 г. № 512
АБ РЭСПУБЛІКАНСКІМ ФЕСТЫВАЛІ НАЦЫЯНАЛЬНЫХ КУЛЬТУР
У мэтах яднання народаў Рэспублікі Беларусь, развіцця
міжнацыянальнага сяброўства, адраджэння культурных традыцый
нацыянальных супольнасцей, адлюстравання культурнай разнастайнасці
беларускага грамадства Савет Міністраў Рэспублікі Беларусь
ПАСТАНАЎЛЯЕ:
1. Правесці на працягу 2007-2008 гадоў VII Рэспубліканскі
фестываль нацыянальных культур.
2. Зацвердзіць прыкладзеныя:
Палажэнне аб Рэспубліканскім фестывалі нацыянальных культур;
склад арганізацыйнага камітэта па падрыхтоўцы і правядзенню VII
Рэспубліканскага фестывалю нацыянальных культур.
3. Арганізацыйнаму камітэту па падрыхтоўцы і правядзенню VII
Рэспубліканскага фестывалю нацыянальных культур распрацаваць і
зацвердзіць план асноўных мерапрыемстваў дадзенага фестывалю,
прадугледзеўшы іх арганізацыйна-фінансавае забеспячэнне, шырокую
прапаганду развіцця міжнацыянальнага сяброўства і культурных
традыцый нацыянальных супольнасцей Рэспублікі Беларусь.
4. Рэспубліканскім органам дзяржаўнага кіравання, мясцовым
выканаўчым і распарадчым органам аказваць арганізацыйнаму камітэту
па падрыхтоўцы і правядзенню VII Рэспубліканскага фестывалю
нацыянальных культур усебаковае садзейнічанне ў рэалізацыі
запланаваных мерапрыемстваў дадзенага фестывалю.
Прэм'ер-міністр Рэспублікі Беларусь С.Сідорскі
ЗАЦВЕРДЖАНА
Пастанова
Савета Міністраў
Рэспублікі Беларусь
23.04.2007 № 512
ПАЛАЖЭННЕ
аб Рэспубліканскім фестывалі нацыянальных культур
1. Рэспубліканскі фестываль нацыянальных культур (далей -
фестываль) праводзіцца ў некалькі тураў на працягу двух гадоў з мая
2007 г. па чэрвень 2008 г. і ўключае мерапрыемствы і праграмы
грамадскіх аб’яднанняў грамадзян, якія адносяць сябе да нацыянальных
меншасцей (далей - нацыянальныя грамадскія аб’яднанні), у раёнах,
гарадах, абласцях, заключныя мерапрыемствы ў г. Гродна.
2. Мэтай фестывалю з'яўляецца яднанне народаў Рэспублікі
Беларусь, развіццё міжнацыянальнага сяброўства, адраджэнне
культурных традыцый нацыянальных супольнасцей, адлюстраванне
культурнай разнастайнасці беларускага грамадства.
3. Для ажыццяўлення кіраўніцтва падрыхтоўкай і правядзеннем
фестывалю ствараецца арганізацыйны камітэт (далей - аргкамітэт), у
склад якога ўваходзяць прадстаўнікі органаў дзяржаўнага кіравання,
грамадскіх аб’яднанняў, арганізацый культуры і мастацтва.
4. Фестываль арганізуецца Міністэрствам культуры, Упаўнаважаным
па справах рэлігій і нацыянальнасцей, Міністэрствам адукацыі,
Міністэрствам інфармацыі, дзяржаўнай установай «Рэспубліканскі цэнтр
нацыянальных культур», аблвыканкомамі, Мінскім і Гродзенскім
гарвыканкомамі.
5. Каардынацыю работы па арганізацыі падрыхтоўкі і правядзення
фестывалю ажыццяўляе Міністэрства культуры, якое фарміруе і
зацвярджае склад рэспубліканскага журы, рэжысёрска-пастановачнай
групы і дырэкцыі фестывалю.
6. Адкрыццё фестывалю адбудзецца ў г. Мінску ў маі 2007 г. і
будзе прымеркавана да Сусветнага дня культурнай разнастайнасці ў імя
дыялогу і развіцця.
Сцэнарый цырымоніі адкрыцця і закрыцця фестывалю зацвярджае
Міністэрства культуры.
7. Раённыя і гарадскія туры фестывалю праводзяцца з мая па
кастрычнік 2007 г. у мэтах адбору лепшых удзельнікаў на абласныя і
Мінскі гарадскі туры.
Абласныя і Мінскі гарадскі туры фестывалю праводзяцца з
лістапада 2007 г. па студзень 2008 г. згодна з графікам, які
зацвярджаецца Міністэрствам культуры. Падчас гэтых тураў
рэспубліканскім журы ажыццяўляецца адбор калектываў мастацкай
творчасці і асобных выканаўцаў для ўдзелу ў заключных мерапрыемствах
фестывалю.
8. Заключныя мерапрыемствы фестывалю праводзяцца ў чэрвені
2008 г. у г. Гродна і ажыццяўляюцца дырэкцыяй фестывалю, Гродзенскім
аблвыканкомам і Гродзенскім гарвыканкомам, які сваім рашэннем
зацвярджае склад рэжысёрска-пастановачнай групы эпізодаў заключных
мерапрыемстваў і прадстаўляе на разгляд аргкамітэта праекты
праграмы, каштарыс, эскізы мастацкага афармлення і іншыя дакументы.
9. Аблвыканкомы, Мінскі гарвыканком ствараюць рабочыя групы,
якія па ўзгадненню з Міністэрствам культуры вызначаюць парадак і
тэрмін правядзення рэгіянальных фестываляў, аказваюць практычную
дапамогу ўдзельнікам фестывалю ў рэалізацыі запланаваных
мерапрыемстваў.
10. У фестывалі прымаюць удзел самадзейныя калектывы мастацкай
творчасці і асобныя выканаўцы нацыянальных грамадскіх аб’яднанняў,
арганiзацый культуры і адукацыі, якія маюць у сваім рэпертуары творы
нацыянальных культур, народныя майстры, установы адукацыі,
бібліятэкі з фондамі дакументаў розных народаў, выдавецкія
арганізацыі, сродкі масавай інфармацыі, у тым ліку друкаваныя
выданні нацыянальных грамадскіх аб’яднанняў, а таксама арганізацыі
грамадскага харчавання з нацыянальнымі кухнямі.
У якасці гасцей у мерапрыемствах адкрыцця і закрыцця фестывалю
могуць прымаць удзел прафесійныя калектывы мастацкай творчасці і
індывідуальныя выканаўцы Рэспублікі Беларусь і этнічнай радзімы
ўдзельнікаў нацыянальных грамадскіх аб’яднанняў.
11. Нацыянальныя грамадскія аб’яднанні на добраахвотнай аснове
могуць аказваць арганізацыйна-метадычную, фінансавую і іншую
дапамогу ўдзельнікам фестывалю па рэалізацыі мерапрыемстваў, прымаць
удзел у распрацоўцы канцэпцыі праграмы фестывалю і аздаблення
нацыянальнага падворка.
12. Кіраўнікі нацыянальных грамадскіх аб’яднанняў узначальваюць
творчыя нацыянальныя дэлегацыі і прымаюць удзел у заключных
мерапрыемствах фестывалю.
13. Фінансаванне правядзення абласных, Мінскага гарадскога,
раённых і гарадскіх тураў фестывалю, а таксама паслуг для перавозкі
творчых дэлегацый для ўдзелу ў фестывалі, уключаючы транспартнае
абслугоўванне іх на працягу правядзення заключных мерапрыемстваў
фестывалю ў г. Гродна, ажыццяўляецца за кошт сродкаў аблвыканкомаў,
раённых і гарадскіх выканкомаў, грамадскіх нацыянальных аб’яднанняў,
арганізацый культуры, адукацыі і іншых арганізацый, якія
ўдзельнічаюць у фестывалі.
14. Па рашэнню рэспубліканскага журы на заключных
мерапрыемствах фестывалю дыпломам лаўрэата фестывалю
ўзнагароджваюцца лепшыя калектывы мастацкай творчасці і асобныя
выканаўцы.
Асноўнымі крытэрыямі ў вызначэнні калектываў і асобных
выканаўцаў для прадстаўлення іх да ўзнагароджання дыпломам лаўрэата
з’яўляюцца:
адметнае ўвасабленне нацыянальнага каларыту супольнасці;
выканальніцкае майстэрства;
высокамастацкае афармленне мерапрыемстваў фестывалю, сцэнічных
пляцовак і нацыянальных падворкаў.
Рэспубліканскае журы можа вызначаць асобныя тэматычныя
намінацыі і адпаведнае ўзнагароджанне пераможцаў у гэтых намінацыях.
15. Міністэрства культуры вызначае сярод удзельнікаў фестывалю
калектывы мастацкай творчасці, індывідуальных выканаўцаў, дзеячаў
культуры і мастацтва, якія паказалі высокае выканальніцкае
майстэрства на мерапрыемствах фестывалю, для прадстаўлення іх да
розных відаў заахвочвання і арганізоўвае іх узнагароджанне.
16. Упаўнаважаны па справах рэлігій і нацыянальнасцей засноўвае
спецыяльныя прызы, арганізоўвае ўзнагароджанне гэтымі прызамі і
каштоўнымі падарункамі ўдзельнікаў і арганізатараў фестывальных
мерапрыемстваў за эфектыўную дапамогу ў ажыццяўленні статутнай
дзейнасці нацыянальных грамадскіх аб’яднанняў, значны ўклад у справу
захавання міжнацыянальнай згоды ў Рэспубліцы Беларусь.
17. Міністэрства адукацыі вызначае лепшыя ўстановы адукацыі,
якія паказалі высокія вынікі ў выхаванні дзяцей і падлеткаў
нацыянальна-культурных аб’яднанняў, арганізуе іх узнагароджанне на
заключных мерапрыемствах фестывалю.
18. Міністэрства інфармацыі забяспечвае асвятленне
мерапрыемстваў фестывалю на ўсіх этапах яго правядзення і ў межах
сваёй кампетенцыі вызначае і ўзнагароджвае лепшыя выданні
нацыянальных грамадскіх аб’яднанняў і іх аўтараў на заключных
мерапрыемствах фестывалю.
19. Аблвыканкомы, Мінскі гарвыканком самастойна вызначаюць
формы заахвочвання ўдзельнікаў раённых, гарадскіх, абласных і
Мінскага гарадскога тураў фестывалю і прымаюць рашэнні па іх
узнагароджанню.
20. Падзякай арганізатараў фестывалю адзначаюцца прадстаўнікі
органаў дзяржаўнага кіравання і арганізацый, якія ўнеслі значны
ўклад у рэалізацыю фестывальных мерапрыемстваў на розных узроўнях і
забяспечылі падтрымку іх удзельнікаў.
21. Фінансаванне фестывалю ажыццяўляецца ў адпаведнасці з
заканадаўствам.
ЗАЦВЕРДЖАНА
Пастанова
Савета Міністраў
Рэспублікі Беларусь
23.04.2007 № 512
Склад арганізацыйнага камітэта па падрыхтоўцы і правядзенню VII
Рэспубліканскага фестывалю нацыянальных культур
Косінец - Намеснік Прэм’ер-міністра Рэспублікі
Аляксандр Мікалаевіч Беларусь (старшыня арганізацыйнага
камітэта)
Матвейчук - Міністр культуры (намеснік старшыні
Уладзімір Фёдаравіч арганізацыйнага камітэта)
Бірукова - намеснік старшыні Гродзенскага аблвыканкома
Марыя Міхайлаўна (намеснік старшыні арганізацыйнага
камітэта)
Ананіч - першы намеснік Міністра інфармацыі
Лілія Станіславаўна
Антоненка - старшыня Гродзенскага гарвыканкома
Аляксандр Ільіч
Гуляка - Упаўнаважаны па справах рэлігій і
Леанід Паўлавіч нацыянальнасцей
Валько - старшыня савета кіраўнікоў нацыянальна-
Антаніна Мікалаеўна культурных аб’яднанняў пры дзяржаўнай
установе «Рэспубліканскі цэнтр нацыянальных
культур»
Егіазаран - старшыня кансультатыўнага міжэтнічнага
Георгій Анушаванавіч савета пры Упаўнаважаным па справах рэлігій
і нацыянальнасцей
Кавалёва - намеснік Міністра адукацыі
Таццяна Мікалаеўна
Сівалобава - начальнік упраўлення сацыяльна-культурнай
Алена Аляксандраўна сферы Апарату Савета Міністраў Рэспублікі
Беларусь
Чэрнік - начальнік упраўлення ўстаноў культуры і
Васілій Мечаслававіч народнай творчасці Міністэрства культуры
|
