|
ПАСТАНОВА САВЕТА МIНIСТРАЎ РЭСПУБЛIКI БЕЛАРУСЬ
27 верасня 2006 г. № 1265
АБ УЗНАГАРОДЖАННІ ГАНАРОВАЙ ГРАМАТАЙ САВЕТА МІНІСТРАЎ
РЭСПУБЛІКІ БЕЛАРУСЬ
Савет Міністраў Рэспублікі Беларусь ПАСТАНАЎЛЯЕ:
Узнагародзіць Ганаровай граматай Савета Міністраў Рэспублікі
Беларусь:
Баркоўскага Віталія Міхайлавіча, мастацкага кіраўніка
дзяржаўнай установы «Нацыянальны акадэмічны драматычны тэатр імя
Якуба Коласа», за шматгадовую плённую працу, асабісты ўклад у
развіццё беларускага тэатральнага мастацтва, стварэнне ўзорных
спектакляў па п'есах сучасных аўтараў і класікаў айчыннай і замежнай
драматургіі;
Дворнікава Віктара Уладзіміравіча і Лузанава Мікалая
Мікалаевіча, вадзіцеляў філіяла «Аўтобусны парк № 1» транспартнага
камунальнага унітарнага прадпрыемства «Мінсктранс», за шматгадовую
плённую працу і значны асабісты ўклад у забеспячэнне перавозак
пасажыраў гарадскім пасажырскім транспартам агульнага карыстання;
Казаеву Валянціну Васільеўну, старшую медыцынскую сястру
аддзялення анестэзіялогіі і рэанімацыі дзяржаўнай установы
«Рэспубліканская бальніца» Кіраўніцтва справамі Прэзідэнта
Рэспублікі Беларусь і Нікіціну Ларысу Іванаўну, загадчыка аддзялення
прамянёвай дыягностыкі - урача-рэнтгенолога гэтай установы, за
шматгадовую плённую працу, высокі прафесіяналізм, значны асабісты
ўклад у ахову здароўя насельніцтва;
Касабуцкага Сямёна Міхайлавіча, старшыню Маладзечанскага
раённага выканаўчага камітэта, за добрасумленную плённую працу і
значны асабісты ўклад у сацыяльна-эканамічнае развіццё
Маладзечанскага раёна Мінскай вобласці;
Марэцкага Антона Іванавіча, дэкана факультэта завочнага
навучання ўстановы адукацыі «Беларускі дзяржаўны універсітэт
культуры і мастацтваў», за шматгадовую плённую працу, значны
асабісты ўклад у падрыхтоўку прафесійных кадраў для галіны культуры
і мастацтва.
Прэм'ер-міністр Рэспублікі Беларусь С.Сідорскі
|
