ПАСТАНОВА САВЕТА МIНIСТРАЎ РЭСПУБЛIКI БЕЛАРУСЬ
20 сакавiка 2001 г. № 370
АБ УВЕКАВЕЧАННI ПАМЯЦI НАРОДНАГА АРТЫСТА СССР Я.А.ГЛЕБАВА
У мэтах увекавечання памяцi народнага артыста СССР, кампазiтара
Глебава Яўгена Аляксандравiча Савет Мiнiстраў Рэспублiкi Беларусь
пастанаўляе:
1. Мiнiстэрству культуры, Мiнскаму гарвыканкому ўстанавiць у
2001 годзе надмагiльны помнiк на месцы пахавання Я.А.Глебава на
Усходнiх могiлках у г.Мiнску i мемарыяльную дошку на доме 15 па
вулiцы Кульман у г.Мiнску, дзе жыў кампазiтар.
2. Фiнансаванне работ па праектаванню i стварэнню скульптурнай
часткi помнiка (1650 тыс.рублёў), а таксама мемарыяльнай дошкi (830
тыс.рублёў) ажыццявiць за кошт сродкаў Мiнiстэрства культуры,
агульнабудаўнiчых работ, работ па добраўпарадкаванню тэрыторыi,
устаноўцы помнiка i мемарыяльнай дошкi - за кошт сродкаў Мiнскага
гарвыканкома.
3. Прысвоiць iмя Я.А.Глебава дзiцячай музычнай школе № 10
г.Мiнска i надалей называць яе: дзiцячая музычная школа № 10
г.Мiнска iмя Я.А.Глебава.
4. Устанавiць адну штогадовую стыпендыю iмя Я.А.Глебава для
студэнтаў i аспiрантаў Беларускай дзяржаўнай акадэмii музыкi.
5. Дзяржаўнаму камiтэту па друку ўключыць у план выданняў
2002-2005 гадоў музычныя творы i кнiгу ўспамiнаў аб Я.А.Глебаве.
Прэм'ер-мiнiстр Рэспублiкi Беларусь У.ЯРМОШЫН
