|
ПАСТАНОВА САВЕТА МIНIСТРАЎ РЭСПУБЛIКI БЕЛАРУСЬ
16 снежня 1999 г. N 1956
АБ ВЫДЗЯЛЕННI НАЦЫЯНАЛЬНАЙ АКАДЭМII НАВУК БЕЛАРУСI СРОДКАЎ
З РЭСПУБЛIКАНСКАГА БЮДЖЭТУ ДЛЯ НАБЫЦЦЯ ЦЭНТРАЛЬНЫМ
БАТАНIЧНЫМ САДАМ ТЭХНIКI
У мэтах умацавання матэрыяльна-тэхнiчнай базы Цэнтральнага
батанiчнага сада Нацыянальнай акадэмii навук Беларусi, паскарэння
пераўтварэння яго ва унiкальны прыродна-раслiнны комплекс рэспублiкi
Савет Мiнiстраў Рэспублiкi Беларусь пастанаўляе:
1. Мiнiстэрству фiнансаў выдзелiць у 1999 годзе Нацыянальнай
акадэмii навук Беларусi са сродкаў, прадугледжаных у рэспублiканскiм
бюджэце на фiнансаванне фундаментальных даследаванняў,
навукова-тэхнiчных праграм i праектаў, 3708 млн.рублёў для набыцця
Цэнтральным батанiчным садам малагабарытных трактароў МТЗ-320 i
МТЗ-112ТС з камплектамi навяснога абсталявання для апрацоўкi глебы,
сяўбы i догляду раслiн.
2. Дзяржаўнаму камiтэту па навуцы i тэхналогiях сумесна з
Мiнiстэрствам эканомiкi пры фармiраваннi лiмiтаў цэнтралiзавана
размяркоўваемых рэсурсаў на 2000 год прадугледзець у межах
асiгнаванняў на навуку сродкi для фiнансавання расходаў па набыццю
Цэнтральным батанiчным садам у I квартале 2000 г. трактара МТЗ-820 з
камплектам навяснога абсталявання для апрацоўкi глебы, сяўбы i
догляду раслiн.
3. Мiнiстэрству прамысловасцi аказаць Цэнтральнаму батанiчнаму
саду садзейнiчанне ў набыццi тэхнiкi, названай у дадзенай пастанове,
у адпаведнасцi з яго заяўкамi.
4. Мiнiстэрству фiнансаў, Нацыянальнай акадэмii навук Беларусi,
Дзяржаўнаму камiтэту па навуцы i тэхналогiях забяспечыць кантроль за
мэтавым выкарыстаннем выдзяляемых дадзенай пастановай сродкаў.
Прэм'ер-мiнiстр Рэспублiкi Беларусь С.ЛIНГ
|
