|
ПАГАДНЕННЕ
ПАМIЖ УРАДАМ РЭСПУБЛIКI БЕЛАРУСЬ I УРАДАМ ЛАТВIЙСКАЙ
РЭСПУБЛIКI ПА ПЫТАННЮ АБ ПУНКТАХ ПРОПУСКУ *)
_____________________________
*) Уступiла ў сiлу 18 жнiўня 1993 г.
Урад Рэспублiкi Беларусь i Урад Латвiйскай Рэспублiкi, якiя
называюцца далей "Бакамi",
улiчваючы неабходнасць удасканальвання арганiзацыi пропуску
асоб, транспартных сродкаў, грузаў i iншай маёмасцi праз гранiцу,
у мэтах стварэння спрыяльных умоў для развiцця мiжнароднага
руху памiж Рэспублiкай Беларусь i Латвiйскай Рэспублiкай
пагадзiлiся аб наступным:
Артыкул 1
1. Перасячэнне гранiцы памiж Рэспублiкай Беларусь i Латвiйскай
Рэспублiкай будзе адбывацца праз наступныя пункты пропуску:
чыгуначныя /рух пасажырскi i грузавы/
Бiгосава - Iндра;
аўтадарожныя /рух пасажырскi i грузавы/
Грыгароўшчына - Патэрнiекi
Урбаны - Сiлене
Друя - Пiедруя
2. Названыя пункты пропуску будуць адчынены кругласутачна для
руху асоб, транспартных сродкаў i перамяшчэння грузаў, незалежна ад
iх грамадзянства альбо дзяржаўнай прыналежнасцi.
3. Перасячэння гранiцы праз аўтадарожныя пункты пропуску можа
адбывацца з ужываннем транспартных сродкаў або пяшком.
4. Для руху асоб, транспартных сродкаў i перамяшчэння груза
Рэспублiкi Беларусь i Латвiйскай Рэспублiкi будуць адкрыты пункты
пропуску:
Лiпаўка - Ворзава
Плюсы - Каплава
Парадак пропуску прыгранiчнага насельнiцтва Бакоў будзе
вызначаны ў асобным Пагадненнi.
Артыкул 2
Пры распрацоўцы i рэалiзацыi праектаў упарадкавання пункта
пропуску Бакi могуць прадугледжваць стварэнне ўмоў па ажыццяўленню
сумеснага пагранiчнага, мытнага i iншага кантролю.
Артыкул 3
Бакi прымуць неабходныя рашэннi па наладжванню работы
кантралюючых органаў у пунктах пропуску. Пры рэалiзацыi гэтых
рашэнняў Бакi будуць прытрымлiвацца прынцыпаў, змешчаных у артыкуле
2 гэтага Пагаднення.
Артыкул 4
Адкрыцце, спыненне, закрыцце цi абмежаванне, або iншая змена
руху праз пункты пропуску будуць ажыццяўляцца на падставе
дамоўленасцi памiж Бакамi шляхам абмену дыпламатычнымi нотамi.
Артыкул 5
Спыненне або абмежаванне руху праз пункты пропуску можа
ажыццяўляцца ў выпадку сур'ёзнага пагаршэння на iх санiтарнага
становiшча або ўзнiкнення пагрозы грамадскай бяспецы. Бок, якi мае
намер спынiць або абмежаваць рух, паведамляе аб гэтым другому Боку
не меней, чым за 5 дзён перад запланаваным закрыццем пункту пропуску
або абмежаваннем руху. У выпадках стыхiйных бедстваў або экалагiчных
катастроф закрыцце пунктаў пропуску або абмежаванне руху праз iх
ажыццяўляецца неадкладна з паведамленнем другому Боку.
Артыкул 6
Кiраўнiкi пагранiчных служб Рэспублiкi Беларусь i Латвiйскай
Рэспублiкi па дамоўленасцi памiж сабой i ўзгадненню з мытнымi i
iншымi органамi Бакоў могуць у асобных выпадках дазволiць
перасячэнне гранiцы па-за межамi азначаных пунктаў пропуску.
Артыкул 7
Гэта Пагадненне ўваходзiць у сiлу з моманту яго падпiсання.
Яно падпiсана на неабмежаваны тэрмiн, можа быць дэнансавана
шляхам абмену нотамi i па сканчэннi 90 сутак з дня яго дэнансацыi
страцiць сiлу.
Заключана 18 жнiўня 1993 года ў двух экземплярах, кожны на
беларускай i латышскай мовах, прычым абодва тэксты маюць аднолькавую
сiлу.
За Урад Рэспублiкi Беларусь ______________ подпiс
За Урад Латвiйскай Рэспублiкi ______________ подпiс
|
