ДЭКЛАРАЦЫЯ
АБ ПРЫНЦЫПАХ ДОБРАСУСЕДСКIХ АДНОСIН
ПАМIЖ РЭСПУБЛIКАЙ БЕЛАРУСЬ I ЛАТВIЙСКАЙ РЭСПУБЛIКАЙ *)

 _____________________________
     *) Уступiла ў сiлу 16 снежня 1991 г.


     Рэспублiка Беларусь i Латвiйская Рэспублiка
     - грунтуючыся на Дэкларацыi Вярхоўнага Савета Беларускай ССР аб
дзяржаўным  суверэнiтэце  Беларускай  ССР  ад  27 лiпеня 1990 года i
Законе  Беларускай  ССР  аб  наданнi  статуса канстытуцыйнага закона
Дэкларацыi    Вярхоўнага    Савета  Беларускай  ССР  аб   дзяржаўным
суверэнiтэце  Беларускай  ССР  ад  25 жнiўня 1991 года, а таксама на
Дэкларацыi  Вярхоўнага  Савета  Латвiйскай  Рэспублiкi аб аднаўленнi
незалежнасцi Латвiйскай дзяржавы ад 4 мая 1990 года i Канстытуцыйным
Законе Вярхоўнага Савета Латвiйскай Рэспублiкi аб Дзяржаўным статусе
Латвiйскай Рэспублiкi ад 21 жнiўня 1991 года;
     - улiчваючы традыцыi  палiтычных,  гiстарычных,  эканамiчных  i
культурных сувязей, якiя склалiся памiж Беларуссю i Латвiяй;
     - кiруючыся прынцыпамi Статута Арганiзацыi Аб`яднаных  Нацый  i
палажэннямi  Заключнага  акта  Нарады  па бяспецы i супрацоўнiцтву ў
Еўропе,  Парыжскай хартыi для Новай Еўропы i iншых дакументаў  гэтай
Нарады;
     -  усведамляючы  сваю  адказнасць  за  мiжнародны мiр, бяспеку,
узаемаразуменне,     супрацоўнiцтва    i    ўлiчваючы       значэнне
беларуска-латвiйскiх    адносiн   для  свабоднай,  дэмакратычнай   i
паважаючай правы чалавека Еўропы;
     -  выказваючы ўзаемную зацiкаўленасць у развiццi добрасуседскiх
адносiн i ўсебаковага супрацоунiцтва памiж дзвюмя дзяржавамi;
     заяўляюць наступнае:
     1. Рэспублiка  Беларусь  i Латвiйская Рэспублiка грунтуюць свае
адносiны  на  ўзаемным  прызнаннi  i павазе дзяржаўнага суверэнiтэту
адзiн аднаго.
     2. Рэспублiка  Беларусь  i  Латвiйская   Рэспублiка   ў   сваiх
адносiнах кiруюцца прынцыпамi раўнапраўя,  тэрытарыяльнай цэласнасцi
дзяржаў,  неўмяшання ва ўнутраныя справы,  павагi  правоў  i  свабод
чалавека,    добрасуседства,   узаемаразумення   i   ўзаемавыгаднага
супрацоўнiцтва.
     3. Рэспублiка  Беларусь  i Латвiйская Рэспублiка лiчаць прынцып
непарушнасцi  гранiц,  зафiксаваны  ў  Хельсiнкскiм  Заключным акце,
важнейшым   фактарам  стабiльнасцi  ў  Еўропе.  Канкрэтныя   пытаннi
дэлiмiтацыi  беларуска-латвiйскай  гранiцы i наступнай яе дэмаркацыi
падлягаюць  дакладнаму  разгляду  ў  блiжэйшы  час,  i з гэтай мэтай
Рэспублiка  Беларусь  i  Латвiйская  Рэспублiка  створаць   змешаную
камiсiю з прадстаўнiкоў абедзвюх дзяржаў.
     4. Рэспублiка Беларусь i Латвiйская Рэспублiка прызнаюць асобую
важнасць    пытанняў    бяспекi    i  будуць  iмкнуцца  да   добрага
супрацоўнiцтва  ў  гэтай  галiне,  да  ўзгаднення  дзеянняў  як   на
двухбаковым, так i на мiжнародным узроўнях.
     5. Рэспублiка  Беларусь  i  Латвiйская  Рэспублiка абавязваюцца
прадаставiць  жыхарам  сваiх дзяржаў правы i свабоды, прадугледжаныя
Усеагульнай  Дэкларацыяй  правоў  чалавека  i  iншымi   мiжнароднымi
прававымi актамi, ратыфiкаванымi iмi.
     Рэспублiка Беларусь i Латвiйская Рэспублiка прызнаюць этнiчную,
культурную  i  моўную  самабытнасць  беларусаў  у Латвii i латышоў у
Беларусi  i  абавязваюцца  забяспечваць  iм  умовы  для   свабоднага
развiцця гэтай самабытнасцi, садзейнiчаць iх сувязям са сваёй нацыяй
у  другой  дзяржаве,  якая  падпiсала  Дэкларацыю. 3 гэтай мэтай яны
будуць  iмкнуцца  да  стварэння  для  беларусаў у Латвii i латышоў у
Беларусi  адпаведных  магчымасцей  у  галiне  адукацыi,  культуры  i
рэлiгii.
     Рэспублiка  Беларусь  i Латвiйская Рэспублiка забяспечаць ахову
на  сваёй  тэрыторыi  гiстарычных  i  культурных  помнiкаў   абодвух
народаў.
     6. Рэспублiка    Беларусь    i  Латвiйская  Рэспублiка   будуць
садзейнiчаць    узаемавыгаднаму  развiццю  гандлёва-эканамiчнага   i
навукова-тэхнiчнага супрацоўнiцтва.
     7. Рэспублiка  Беларусь  i Латвiйская Рэспублiка будуць актыўна
супрацоўнiчаць  у сферы аховы навакольнага асяроддзя i рацыянальнага
выкарыстання  прыродных  рэсурсаў, асаблiвую ўвагу ўдзяляючы басейну
рэк Дзвiна-Даўгава,     у    мэтах    прадухiлення    трансгранiчных
забруджванняў i лiквiдацыi iх вынiкаў.
     Умовы  i  парадак кампенсацыi ўрону, прычыненага трансгранiчным
забруджваннем, будуць вызначаны праз спецыяльнае пагадненне.
     Яны  ўсведамляюць глабальны характар чарнобыльскай катастрофы i
неабходнасць  мабiлiзацыi мiжнародных намаганняў для пераадолення яе
вынiкаў.
     8. Латвiйская   Рэспублiка  прызнае  важнасць  для   Рэспублiкi
Беларусь  доступу  да  мора i ад яго i забяспечыць свабоду транзiту.
Умовы  i  парадак ажыццяўлення iнтарэсаў Рэспублiкi Беларусь у гэтай
сферы будуць вызначаны праз двухбаковыя пагадненнi.
     9. Рэспублiка Беларусь i Латвiйская Рэспублiка будуць развiваць
усебаковае  культурнае  i  навуковае  супрацоўнiцтва,   садзейнiчаць
расшырэнню  кантактаў  памiж  культурнымi  i  навуковымi ўстановамi,
арганiзацыямi, спецыялiстамi i асобнымi грамадзянамi.
     10. Усе  пытаннi,  якiя ўзнiкаюць у адносiнах памiж Рэспублiкай
Беларусь  i  Латвiйскай  Рэспублiкай, будуць рэгулявацца iмi ў ходзе
двухбаковых кансультацый i перагавораў.
     11. Рэспублiка    Беларусь   i  Латвiйская  Рэспублiка   будуць
супрацоўнiчаць  на  мiжнароднай  арэне  i праводзiць кансультацыi па
пытаннях мiжнародных адносiн, якiя ўяўляюць узаемную цiкавасць.
     12. Прынцыпы  гэтай  Дэкларацыi  будуць  развiты i замацаваны ў
мiждзяржаўным  Дагаворы  памiж  Рэспублiкай  Беларусь  i  Латвiйскай
Рэспублiкай.

Старшыня Вярхоўнага Савета                Старшыня Вярхоўнага Савета
Рэспублiкi Беларусь                       Латвiйскай Рэспублiкi
С.ШУШКЕВIЧ                                А.ГАРБУНОЎ

<<< Главная страница | < Назад