У К А З
                  Прэзiдэнта Рэспублiкi Беларусь

15 лiпеня 1995 г. N 277                            г.Мiнск


Аб змяненнi структуры Мiнiстэрства працы
Рэспублiкi Беларусь

===

     У  мэтах  павышэння   эфектыўнасцi  работы  Мiнiстэрства  працы
Рэспублiкi Беларусь п а с т а н а ў л я ю:
     1. Рэарганiзаваць:
     Дзяржаўную   мiграцыйную   службу   пры   Дзяржаўным   камiтэце
Рэспублiкi  Беларусь  па  працы  i  сацыяльнай  абароне насельнiцтва
шляхам  далучэння яе  да Мiнiстэрства  працы Рэспублiкi  Беларусь са
стварэннем  названым  Мiнiстэрствам  у  сваёй  структуры  Дзяржаўнай
мiграцыйнай службы з правамi юрыдычнай асобы;
     Дзяржаўную  экспертызу  ўмоў   працы  пры  Дзяржаўным  камiтэце
Рэспублiкi  Беларусь  па  працы  i  сацыяльнай  абароне насельнiцтва
шляхам  далучэння яе  да Мiнiстэрства  працы Рэспублiкi  Беларусь са
стварэннем  указаным  Мiнiстэрствам  у  сваёй  структуры  Дзяржаўнай
экспертызы ўмоў працы;
     Рэспублiканскi цэнтр занятасцi  насельнiцтва шляхам стварэння ў
структуры   Мiнiстэрства   працы   Рэспублiкi   Беларусь   Галоўнага
ўпраўлення дзяржаўнай службы занятасцi з правамi юрыдычнай асобы.
     2.  Даручыць  Кабiнету  Мiнiстраў  Рэспублiкi Беларусь прывесцi
рашэннi Урада Рэспублiкi Беларусь у адпаведнасць з дадзеным Указам.


Прэзiдэнт Рэспублiкi Беларусь                 А.Лукашэнка

<<< Главная страница | < Назад